فرامل زي الزفت وعملت حادثه

[kokoaldali2001]

بفضل الفرامل اللي زي الزفت العربيه اتزحلقت بيا وعملت حادثه غيرت اكصدام وفانوس ....الحمد لله علي كل شئ

اللي عاوز استسفر عنه بقا عربيتي بوما ٢٠٠٨ ١٣٠٠ سي سي ومفيهاش اي بي اس هل ممكن اركبه فيها علشان الزحلقه دي ولا اقصر وابيعها واجيب ١٦٠٠ سي سي وازاي احسن كفاءة الفرامل عندي بدون ما ابيعها لان فعلا كرهتها بسبب الفرامل

[abofandy]

صعب تركب abs
فالاحسن بيعها وهات 1600 سى سى ويبقى فيها abs


لو عايز تحسن اداء الفرامل :
* تشيك على التيل او تستخدم تيل نظيف او محترم ( حتى لو كان غالى بس دى من الحاجات الى مينفعش تسترخص فيها )
* تشيك على الطنابير
* تشيك على زيت الفرامل
* تشيك على حاله الكاوتش نفسه ( النقشة * فيها بلالين ولا لا * النوع المستخدم )

[MR A7MED]

حمدلله على سلامتك والحمدلله على كل حال
ناس كتير مفكره ان ال abs بيقلل من وقت توقف العربيه والكلام ده غلط بل العكس صحيح
كل وظيفته انه هيمكنك من المناوره بالسياره وانت بتفرمل
يعنى فى حالتك هنا لو معاك abs كنت برضه هتلبس لو ما ناورتش بالعربيه وبعدت عن العائق اللى قدامك فهو كان هيسمحلك انك تقدر تتفاده بسهوله

بالنسبة لمسأله تركيبه اظن انها صعبه حتى لو ركبته عمره ما هيبقى بالكفاء المطلوبه زى ما يكون راكب من الأول فى العربيه


تحياتى ليك
والف سلامه

[ah-elgendy]

اللى اعرفه انه مفيش عربيه تروح تركب لها abs والحمد لله انها جت ع قد كده ممكن تكون انت سرحت وعملت الحدثه مش بسبب عدم وجود abs

[Mr.Lawyer]

قدر الله وماشاء فعل ، والحمد لله انها جت على قد كدا والف سلامه على حضرتك

بالنسبه للفرامل ، فحاول تروح لحد متخصص فى الفرامل وتشوف حلها ايه واوعى تسترخص فيها وتهتم بيها لانهم اهم شىء ف العربيه ، معتقدتش ان مشكلتك فى وجود abs من عدمه ، لانه يمكنك فقط من المناوره اثناء استخدام الفرامل ولا يحسن اداءها ، فحاول تقارن فرامل عربيتك باى عربيه تانيه ف نفس الفئه والموديل ولو لقيت فراملك اضعف يبقى العيب منها وراجع على التيل والزيت والماستر والطنابير ،، الخ

وربنا يوفقك ويكفيك شرها

تحياتى ..

[kokowasfy]

حمدلله على سلامتك

[Omar Mahmoud]

انا بفكر في حاجة اللانسر 1300 الفرامل الخلفية بتاعها سكاكين ولا قباقيب؟؟؟ لو غيرتها لسكاكين المفروض هتفرق (لأن كتير من ملاك اللانوس اللي بيشتكو من قوة الفرامل بتاعتهم عملوا كدة و فرقت معاهم) و الكاوتش اللي موجود في العربية حالته ايه و لو سليم التراكشن بتاعه ايه؟

[J A G U A R]

بلاش تركب abs
شوف 1600 اريحلك

[kokoaldali2001]

قبل الحادثه بيومين مغير تيل فرامل اصلي والطنابير بقالها ٥٠٠٠ كم ولسه جديدة والفرامل الخلفيه كويسه بس ازاي احكم علي جودة الكاوتش ان الزحاقه منه او لا

[midooo_119]

حمدلله على سلامتك والحمدلله على كل حال
ناس كتير مفكره ان ال abs بيقلل من وقت توقف العربيه والكلام ده غلط بل العكس صحيح
كل وظيفته انه هيمكنك من المناوره بالسياره وانت بتفرمل
يعنى فى حالتك هنا لو معاك abs كنت برضه هتلبس لو ما ناورتش بالعربيه وبعدت عن العائق اللى قدامك فهو كان هيسمحلك انك تقدر تتفاده بسهوله

بالنسبة لمسأله تركيبه اظن انها صعبه حتى لو ركبته عمره ما هيبقى بالكفاء المطلوبه زى ما يكون راكب من الأول فى العربيه


تحياتى ليك
والف سلامه

مين الى قال لحضرتك كده اذا كان العربيه مش هتزحلق يبقى هتقف اسرع يبقى ازاى العكس صحيح؟؟

[sanhory]

حمدلله على سلامتك والحمدلله على كل حال
ناس كتير مفكره ان ال abs بيقلل من وقت توقف العربيه والكلام ده غلط بل العكس صحيح
كل وظيفته انه هيمكنك من المناوره بالسياره وانت بتفرمل
يعنى فى حالتك هنا لو معاك abs كنت برضه هتلبس لو ما ناورتش بالعربيه وبعدت عن العائق اللى قدامك فهو كان هيسمحلك انك تقدر تتفاده بسهوله

بالنسبة لمسأله تركيبه اظن انها صعبه حتى لو ركبته عمره ما هيبقى بالكفاء المطلوبه زى ما يكون راكب من الأول فى العربيه


تحياتى ليك
والف سلامه

كلام حضرتك مضبوط لكن الكلام ده وقت ما انت تكون مقدر الفرامل و شايف اللي قدامك و قدرت تستوعب الموقف , بتبقى رجلك عالفرامل تعرف توقفها من غير ما تسحف و فعلا بتقف قبل ال abs

لكن في حالات بتلاقي رجلك اتشالت و اتهبدت عالفرامل في موقف انت مبتبقاش حاسبها , الخضه هي اللي بتخليك تعمل كده , هنا بقى ال abs بيسعف لانك لو قضيت المسافة زحف عمرك ما حتقف قبل ال abs
و دي حصلت معايا لما عربية قطعت الطريق اللي جاي و دخلت قدامي قاطعة طريقى انا مستوعبتش جاية منين انا محستش الا برجلي واقفة عالفرامل و الحمد لله العربية وقفت
تحياتي لحضرتك

[amro0000]

ياجماعة الي يقول فرامل الانسر وحشة يبقي غلطان من الاخر لو بيركب التيل الاصلي عمرة ما هيحس بلموضوع دا نهاااااااااااااااااائي وصدقوني الفرامل ممتازة بنسبة 80 بلمية مش هقول مية المية زي الالماني بس الفرامل فعلا كويسة بس ركب تيل اصلي وطنابير اصلي

[kokoaldali2001]

التيل والطنابير اصليه فعلا ..... بس انا شاكك في الكاوتش انه سبب الزحلقه ...حد يفيدني ازاي اقيم الكاوتش كويس او لا مع العلم انه جديد ممشاش الا ١٢ الف كيلو بس

[Bently]

مبدأيا حضرتك فى اى عربية لازم تركبلها تيل و طنابير اصلى
لو حضرتك عاوز تغير هات عربية يكون فيها abs عشان متزحفش و ebd عشان يوزع الفرامل بالدرجة المطلوبة على كل العجلات و يقوى اداء الفرامل و العربية محمله و ba عشان يعلى اداء الفرامل فى الطوارىء.......و بالتوفيق و فداك اى حاجه

[islamabady1980]

متابع