Help لانسر 2005 بمشكلة في الفتيس اشتري والا لأ

[maged wahba]

مساء الفل على عمالقة الياباني
عندي معضلة
ادامي لانسر 2005 اوتوماتيك 1600 فبريكا جواه بالكامل ورشه بره بدون حوادث عددها 105 الف بدون لعب مرايات كهربا لونها اسود جنوط عاديه بدون فتحة سقف
مشكلتها
الفتيس مبيسحبش في الاولاني وهي ماشية بتلاقي الN منور مع Dوسحبها زباله لحد ما تنقل للتاني تمشي فله ، بس لو لبس بيها مطب تلاقي الN طفى وتسحب عادي ، صاحبها قريبي عرفت انه عارضها على عيبها ب 65 علشان هو مش محتجها ( شحن عيلته امريكا وبيحضر يحصلهم )
فاخدها والا لأ

[rotanamasoud]

انت تنزل تسئل الفتيس بتاعها بكام وتحسب حساباتك وتشوف تستاهل ولا لا

[maged wahba]

انت تنزل تسئل الفتيس بتاعها بكام وتحسب حساباتك وتشوف تستاهل ولا لا

الفتيس كامل هيعمل في حدود 4، 5
بس الموضوع على ما اعتقد مش هيوصل لفتيس كامل والا انا غلطان
وسعر العربية على النت اسعار استهبال 80 و 90 وحجات تشل فلو صح السعر دا او اقل حته عنه 10 هعتبر انا الكسبان
صح

[David Micheal]

ده ممكن يكون مشكلة زيت بس يا زعيم عايز يتغير طالما ال n بتنور و تطفي شيك علي الفتيس الاول و هاتلاقيها بسيطة انشالله خلص في العربيه بعديها

[rotanamasoud]

اول ميزه عربيه قريبك يعنى عربيه مضمونه الاصل
تانى ميزه السعر
فى اسوء الظروف غيرت فتيس ب5 تبقى واقفه عليك ب70 تعمل استخاره وتتوكل على الله بعد نتيجه الاستخاره

[Fadi Ezzat]

فى الغالب هتبقى مشكلة تافهة مش هتبقى فتيس فى الغالب حساس

[maged wahba]

شكرا جزيلا للردود
وعلى فكره العربية طلعت 2006 والمشكلة دي عملتها من حوالي 4 سنين وقال كان فيه تمليح في حاجة مفهمتهاش واتظبطت واشتغلت بعدها لحد الشهر اللي فات

[islamabady1980]

متابع

[maged wahba]

اشتريت العربية ووديتها لكهربائي فتيس كشف عليها وغير حساس ضعط زيت الفتيس كشف عليها تاني لقاها مظبوطة
وربنا يجعلها اخر زيارة للكهربائي

[kokowasfy]

ربنا يستر معاك و اشكر ربنا لو طلعت مشكلة كهربا اصل الفتيس بتعها غالى نااااااااااااااااااااااااااار جدا

[شيتوس]

اللي انا اعرفه عن العربية دي ان الفتيس بتاعها cvt والنوعية دي من الفتيسات مبتتصلحش ولو اي ميكانيكي قالك يتصلح يبقي بيضحك عليك
لو العربية موتورها وحالتها كويسة وانت مستخسارها وتقدر تشتريلها فتيس استيراد وتضمنه اشتريها العربية دي عفشتها ممتازه وموتورها جميل لكن لو مش هتعرف تشتريليها فتيس استيراد كويس نفض وشوف غيرها