شارك زيرو وﻻ جيتا مستعملة بجد انا فى حيره

[tantan01240]

يا جماعة انا من هواه اﻻنسر معايا كريستاله اتوماتيك اول يد كل حاجه فيها اصلى صيانه فى موعدها بجبلها التيل ب 490 و عملت 290000 دلوقتى هابيعها ادامى اجيب شارك زيرو اول فة 138 ضمان الرواس
و ادامى جيتا مع حد اريبى 2009 70000 فتيس قديم مفهاش الهواه طالب 125000 المدام عايزه شارك زيرو و انا عايز جيتا اختﻻفى الوحيد على الشارك
العربيه نزله من غير abs فيها ايرباج واحده مفيهاش مسند يد اكنها 128 بجد مش عارف اعمل ايه افيدونى.... مستنى ردكم

[Land_Cruiser]

لو عايز نصيحتي شارك لانها هتبقي زيرو و موديل السنه و معاها ضمان ده طبعا بالاضافه الي انها اصلا عربيه حلوه كموتور و ثبات و كمان ياباني. موضوع انها فاضيه ده انا متفق مع حضرتك فيه و بالذات في موضوع ال abs و في رأيي تخليك في الفئه التانيه منها و خاصه ان فرق السعر يعتبر معقول و لذلك حاول تتصرف فيه لو هناك امكانيه و هات الشارك الفئه التانيه اللي هي ب 145

[Mohammmed]

اركب الجيتا مع صاحبك وبعدين احكم

[yahyayosef]

خليك في الشارك احسن اكيد عربية زيرو وان شاء الله تريحك شوية انا طبعا معاك ان الجيتا عربية روعة من كلة متانة وموتور وشكل كمان بس نقطة مستعملة دي متعبة غير ان كمان العربية من حد قريبك يعني اي حاجة هاتحصل في العربية ان حتبقي حاسس انه ضحك عليك ولو العربية ماشية زي الفل معاك هايبقي مستخسرها فيك وبعد ده كلة حضرتك بتقول المدام عايزة الشارك

[boomboomzoro]

السلام عليكم
من واقع تجربه فعليه مطابقه تماما لحضرتك حيث أني إقتنيت الشارك الخليجي الفئه الأولي
أنصح
السياره ممتازه و الزيرو من وجهه نظري له الأفضليه..
بصراحه شديده لا أشعر بعدم وجود ال abs
فرامل السياره ممتازه...موتورها قوي.....إتساعها الداخلي مناسب
يعيبها صغر حجم الشنطه قليلا

جزاكم الله خيرا و وفقك للقرار الأصلح

[محمد سمير حسين]

خليك في الشارك الزيرو طبعا وربنا يباركلك

[skoda1996]

الجيتا كويسة جدا
لكن انا صوتي للشارك ... ع الاقل عشان زيرو

[eng.m7md.ali]

جرب ال2 هتلاقي نفسك اخترت اختيار تلقائي ..

[hugan]

شارك زيرو
وهات تاني فئه

[tantan01240]

انا رحت انهارده تانى مراتى اعدت فى الشارك التلى ايه ده ديه مفهاش حاجه حته الطبلوه قلتلى ﻻ اللى عجبها اللى 165 فتحه سقف وجنوط وطاره ملتى
هيهيهيه ركبتها الجيتا حسيت بالفرق والتلى اتكل على الله وهات الجيتا

[Fadi Ezzat]

جيت اكييييييييييييييييد

[Bently]

انا رحت انهارده تانى مراتى اعدت فى الشارك التلى ايه ده ديه مفهاش حاجه حته الطبلوه قلتلى ﻻ اللى عجبها اللى 165 فتحه سقف وجنوط وطاره ملتى
هيهيهيه ركبتها الجيتا حسيت بالفرق والتلى اتكل على الله وهات الجيتا

ايوة كددددددددددددده مفيش مقاااااااااارنة...و بالتوفيق

[salah_86]

طبعا الجيتا افضل الا لو كنت هتجيب اعلى فئة فى الشارك

[J A G U A R]

الجيتا افضل طبعا بس انا رأيي الشارك علشان زيرو

[HeRo_LaNCeR]

مفيش اي وجه مقارنه مابين شارك وجيتا
احترامي لاصحاب الشارك حتي لو اعلي فئه
الجيتا تكسب في كل حاجه