إعـــــــلان

Collapse

.

,
See more
See less

مجرد فكرة لكم الرأي بخصوص دايموند موتورز . و شكرا

Collapse
X
 
  • Filter
  • الوقت
  • Show
Clear All
new posts

  • مجرد فكرة لكم الرأي بخصوص دايموند موتورز . و شكرا

    السلام عليكم أعضاء القسم و الأخوة ااكرام .
    بإختصار كلنا طبعا طالع عنينا من دايموند موتورز و سوء الخدمة و المعامله هناك
    طيب إحنا ابه مانحددش يوم و نعمل مقابله هناك بعربياتنا و نقعدلهم مع شوية تحابيش صغيره زي إيميل نتفق عليه و نبعته الصبح بومها لمتسوبيشي اليابان و كام تليفون لقنوات و مراسلين و نعمل شو هناك و تبقي مصلحة يمكن يتلموا و يتعدلوا .
    دي الفكرة و لكم التعديل والأضافه و شكرا

  • #2
    فكرة هايلة ... بس انا سمعت وتقريبا الموضوع ده شكلة بجد ان المشكله الحقيقية من اليابان نفسها وان دايموند موتورز مش عارفه تشتغل بسبب وجود الرواس علي الساحة وبينافسها بقوة وهما طلبوا من اليابان ان هما يحلوا المشكله دي معاهم انا قعدت مع مدير قطع الغيار راجل محترم بصراحة بغض النظر عن سوء الخدمة فعلا وقلة قطع الغيار عندهم وغلوها بس هما مديرنهم بيسمعوا للناس بس لازم علشان توصلهم تعمل نمره

    Comment


    • #3
      المشاركة الأصلية كتبت بواسطة شيتوس مشاهدة المشاركة
      فكرة هايلة ... بس انا سمعت وتقريبا الموضوع ده شكلة بجد ان المشكله الحقيقية من اليابان نفسها وان دايموند موتورز مش عارفه تشتغل بسبب وجود الرواس علي الساحة وبينافسها بقوة وهما طلبوا من اليابان ان هما يحلوا المشكله دي معاهم انا قعدت مع مدير قطع الغيار راجل محترم بصراحة بغض النظر عن سوء الخدمة فعلا وقلة قطع الغيار عندهم وغلوها بس هما مديرنهم بيسمعوا للناس بس لازم علشان توصلهم تعمل نمره
      بالظبط لازم تعمل نمره علشان البهوات في الصيانه و الأستقبال بيكبروا دماغهم و بيحسسونا إننا رايحين ناخد منهم ببلاش طيب أقولكم علي حاجه أكتب متسوبيشي علي فيس بوك أو تويتر و شوف التوكيلات بتعمل قرد للعملا و صيانات مجانيه و عروض إنما هنا مافيش بيعملونا بطريقه مقرفه
      المهم عاوزين الفكره تكبر والأراء علشان تبقي هايله و تسمع و تعمل شوشره و حته وجود الرواس علي الساحه دا يخليهم يسمعوا كلامنا خوفا من منافسته مش يحطوا علينا بزياده و يتحججوا بيه ولا إيه رأيكم

      Comment


      • #4
        الرواس ده العن واضل وهما عارفين كده كويس مش هينفع نهددهم بيه لانه اسخم لكن لما يلاقوا ان عدد كبير من العملا عاملين عليهم إنقلاب وضغط ممكن يحصل تغيير بس لازم عددنا يبقي كبير علشان ميستهونوش بالموضوع وموضوع ان احنا نبعت ايميل لمتسوبيشي اليابان ده خطوة جميلة بس ازاي نضمن انهم شافوه ؟

        Comment


        • #5
          المشاركة الأصلية كتبت بواسطة شيتوس مشاهدة المشاركة
          الرواس ده العن واضل وهما عارفين كده كويس مش هينفع نهددهم بيه لانه اسخم لكن لما يلاقوا ان عدد كبير من العملا عاملين عليهم إنقلاب وضغط ممكن يحصل تغيير بس لازم عددنا يبقي كبير علشان ميستهونوش بالموضوع وموضوع ان احنا نبعت ايميل لمتسوبيشي اليابان ده خطوة جميلة بس ازاي نضمن انهم شافوه ؟
          موضوع الرواس دا هما علي كلام حضرتك هما اللي اللي بيلاعبونا بيه مع إنه المفروض يخليهم يشتغلوا اكتر و أحسن
          و بعدين مهوا إحنا بناقش الفكره مبدئيا و أنا بحاول أخلي الفكره تسمع و تعمل دوشه لعدد كبير عنده شكاوي منهم و الموضوع يوصل قنوات الأخبار و الجرايد علشان تنشره و المفروض الناس اللي جايه اولا عندها عيوب في عربياتها و ثانيا شكاوي من سؤ المعامله و تغيير قطع غيار علي الفاضي مثلا البوجيهات و فلتر الهوا اللي هما بيغيروهم علي 20 الف ودا قليل جدا و موضوع قله الكماليات و إن أي حاجه تركبها تخرج العربيه من الضمان و كدا

          Comment


          • #6
            معاك فى اى حاجة بس حالهم مش هيتعدل ابدا دا توكيل زبالة و الرواس العن ملون مرة كلو ازبل من بعدو انا حلفت معتبوش تانى واللة العظيم ولا يوم من ايام المصرية المصرية كانت ناس محترمة و هية سبب كبير فى انتشار اسم زى متسوبيشى فى مصر

            Comment


            • #7
              انا بقالى فترة اصلا ملاحظ ان اسعار قطع الغيار فى الطالع بشكل رهيب جدا جدا
              ولو بصينا مثلا على تيل الفرامل مش معقول ابقى راكب بومة 1300 مانيوال بشتريلها تيل فرامل اصلى ب 485 غير الضريبة واللى راكب سيراتو 1600 بيشترى تيل الفرامل ب 325
              بالله عليكم ايه الاستهبال دا دا غير انى مرة رحت غبور مع واحد صاحبى وعربيتة كانت اكسنت بشهادته هو بيقولك بيظبطولى العربية ظبطة ملهاش حل وتلاقى عندهم تغير الزيت عليه فلتر هدية واسعار بالنسبة ليما تكاد تكون ببلاش اصلا انا بفكر لما يبقى معايا فلوس ابيع ال لانسر واشترى سيراتو او النترا
              تـأكـد حين تنكســر لن يرممك ســوى نفسك.وحيــن تنهـــزم لــن ينصرك سوى إرادتك.فقدرتك على الوقــوف مــرة أخـــرى لايملكهــا سـواك

              Comment


              • #8
                بس انا متهيئلى ان فية مركز صيانة للمصرية فى جسر السويس

                Comment


                • #9
                  احنا كده هنخرج بره صلب الموضوع ... والتوكيل هو دايموند موتورز شئنا ام ابينا عايزين نظبطه وده هيكون لمصلحتنا في النهاية ... والفكره المطروحة في اول الموضوع فكره جميلة وعبقرية وانا شايفها واجبة التنفيذ

                  Comment


                  • #10
                    المشاركة الأصلية كتبت بواسطة max13 مشاهدة المشاركة
                    بس انا متهيئلى ان فية مركز صيانة للمصرية فى جسر السويس
                    مهوا المصريه ممكن يكون إتعدل لما إتسحب منه التوكيل بس دلوقتي الموضوع علي دايموند لانه الوكيل الرسمي

                    Comment


                    • #11
                      والله انا بفكر اشترى شارك والوكيل ده هو اللى مخلينى متردد

                      Comment


                      • #12
                        المشاركة الأصلية كتبت بواسطة max13 مشاهدة المشاركة
                        والله انا بفكر اشترى شارك والوكيل ده هو اللى مخلينى متردد
                        بغض النظر عن الوكيل العربية دي تحفة بجد وخسارة فيهم الوكالة بتاعتها

                        Comment


                        • #13
                          المشاركة الأصلية كتبت بواسطة شيتوس مشاهدة المشاركة
                          احنا كده هنخرج بره صلب الموضوع ... والتوكيل هو دايموند موتورز شئنا ام ابينا عايزين نظبطه وده هيكون لمصلحتنا في النهاية ... والفكره المطروحة في اول الموضوع فكره جميلة وعبقرية وانا شايفها واجبة التنفيذ
                          عاوزين مقترحات و أراء علشان نناقشها و نوصل لفكره جامده و ننفذها باتفاقنا حتي لو علي مجموعات
                          يعني مثلا عشره او عشرين عضوا يرحوا هناك و يعملوهم دوشه بالأدب بس بحزم و قبلها بكام يوم شكاوي بالايميل بس شكاوي فرديه للشركه الام بطريقه متفق عليها و بعدهم مجموعة تانيه و برضوا نفس الطريقه وهكذا إيه رأيكم

                          Comment


                          • #14
                            باشا شايف ان الار بي ام عالى جدا انا كان عندى بومه 2008 و كنت بجيب 180 و الار بي ام على 4.5
                            يا ريت تكلمنى 01227433644
                            افهم منك حاجات فى عربيتك
                            Ramy Reda

                            Comment


                            • #15
                              المشاركة الأصلية كتبت بواسطة manfromegy مشاهدة المشاركة
                              عاوزين مقترحات و أراء علشان نناقشها و نوصل لفكره جامده و ننفذها باتفاقنا حتي لو علي مجموعات
                              يعني مثلا عشره او عشرين عضوا يرحوا هناك و يعملوهم دوشه بالأدب بس بحزم و قبلها بكام يوم شكاوي بالايميل بس شكاوي فرديه للشركه الام بطريقه متفق عليها و بعدهم مجموعة تانيه و برضوا نفس الطريقه وهكذا إيه رأيكم
                              حلوه الفكرة دي وكمان لو في حد يقدر يوصلنا لأيميل الشركة الام ونبعت كلنا في معاد واحد علشان نخضهم نتفق علي معاد واحد كلنا نبعت فيه ايميل الشكوه
                              وبالنسبة للشركة في 3 فروع واحد في المعادي وواحد في ابو رواش وواحد في مدينة نصر
                              لازم نتفق علي ان في نفس الوقت يكون في كل فرع عدد عملاء بيشتكي علشان نعمل في دماغهم قلبان
                              لازم يعرفوا ان الموضوع عام في التوكيل كله

                              Comment

                              Working...
                              X