عاجل و ضرورى

[ehabnew2004]

السلام عليكم و رحمة الله . الأخوة فى المنتدى
معروض عليا سيارة لانسر 2007 / 1300 سى سى عددها عامل 70000 كم بوية الفبريكة بره و جوه تكييف ممتاز فرش الفبريكة جديد الحالة العامة للسيارة ممتازة بيقولى إنها خليجى الماتور الأسود لو سمحتوا يا إخوانى فى المنتدى السيارة تعمل فى حدود كام ؟؟
لأنه طالب فيها 79 ألف جنيها و أنا مش عارف ؟ اشكركم جميعا

[iNjECTOR]

تقريبا 70 كفاية
والله اعلى واعلم

[J A G U A R]

مانيوال ولا اوتوماتيك ..

[kokowasfy]

اوتو ولا منوال لو اوتو بلاش عشان متندمش هتلاقيها بطة بلدى عن تجربة و الاسف بقا توبها فى السوق 75 الف الى 79 مع ان انا مديهاش اكتر من 60 بس ظروف السوق تحكم و كمان سيبك من الكيلو متر بيتلعب فية بسهولة اهم حاجة حالة العربية العامة و اكشف عليها فى مكان محترم و اتكل على اللة

[caeser]

70 الف

[ehabnew2004]

السيارة مانول 1300 خليجى بوية الفبريكة بره و جوه وكشفت عليها فى بنزينة فى مدينة نصر بجوار نادى السكة الحديد و سلملى تقرير بحالة العربية و قالى العربية بيتى بيتى مش متبهدلة كل الــ فيها فبريكه و بحالة ممتازة
وصلت معها صاحبها لحد 75 ألف بس هو ماسك فى 77 ألف .
أيه رئيكم يا أصحاب الخبرة ؟؟
و جزاكم الله خيرا

[ehabnew2004]

أشكر جميع من تفاعل مع الموضوع و جزاكم الله كل خير
السيارة مانول 1300 خليجى بوية الفبريكة بره و جوه وكشفت عليها فى بنزينة فى مدينة نصر بجوار نادى السكة الحديد و سلملى تقرير بحالة العربية و قالى العربية بيتى بيتى مش متبهدلة كل الــ فيها فبريكه و بحالة ممتازة
وصلت معها صاحبها لحد 75 ألف بس هو ماسك فى 77 ألف .
أيه رئيكم يا أصحاب الخبرة ؟؟
و جزاكم الله خيرا

[J A G U A R]

بالحاله دى تجيب 75 .. بس 1300 فى اللانسر الماتور بيبقى ضعيف ومع التكييف بيضعف جدا

[Ibrahim Nabil]

حدود 72 الف

[MITSUKERO]

70 الي 72 الف

[amro0000]

تبقي غلطان لو فكرت في الكام الف الزيادة هيا توبها 75 الف بس بصراحة هتاخد عربية محترمة جدا الموديل دا لا يعوضضضضضضضضض انا معايا اختها علي فكرة

[ehabnew2004]

أشكرك جزيل الشكر أنا و الحمد لله خلصت فيها بـــ 76 ألف جنيها و ربنا يبارك لك حسن أهتمامك
و أشكرك مرة أخرى

[ehabnew2004]

عزيزى الأستاذ amro000
[عربية محترمة جدا الموديل دا لا يعوضضضضضضضضض انا معايا اختها علي فكرة[/QUOTE]

بما إن حضرتك معاك نفس الموديل ممكن أطلب من حضرتك شوية حاجات من حيث

1- نوع الزيت الـ حضرتك بتستعمله للسيارة و ثمنه كام ؟
2- سير الكتينة نوعه و ثمنه ؟ و بيتغير كل أدى أيه ؟
3- المفروض أروح للميكانيكى أغير ايه ؟

معلش أنا طولت على حضرتك أنا أسف بحاول استفيد من خبرت حضرتك مع السيارة
و تفضل بقبول كل الشكر و التقدير

[J A G U A R]

الف مبروك

[ehabnew2004]

بارك الله فيك و فى كل شباب و رجال منتدانا الغالى و الذى لا يبخل بأى معلومة لى أحد