مشوره فى تغيير اسطوانه وديسك

[ahmedsaiad]

السلام عليكم ورحمة الله وبركاته والله كنت عاوز اركب اسوانه وديسك ايه افضل نوع موجود فى السوق وياترى اروح اغيرهم فى التوكيل بس انا خايف عشان فيه ناس قالتلى التوكيل بيركب حاجات مضروبه ياترى ايه صحة الكلام دا وأنا اساسا من اسكندريه ياريت لو حد يفدنى اجيبهم منين اصلى من اسكندريه وهل ممكن اركب طقم استعمال استيراد والا بلاش ارجو الافاده ضرورى وشكرا

[gadoo30]

الدبرياش ما بيجيش استيراد لانة من المستهلكات

[MITSUKERO]

طقم الدبرياج الاصلي لا يعلي عليه و اللي في السوق انت و حظك
و اياك و الاستيراد

لو خايف تجيبه من التوكيل هاته من ورشة المتخصصون

[ramezt2000]

أنا حاليا ناوي اغير طقم الدبرياج ...

السيارة لانسر مصرية موديل 2007 بومة 1600 ...

وبعد شوية لف وبحث لقيت الانواع التالية ...

الاصلي في توكيل دايموند موتورز فرع مصر اسماعيلية بسعر 2200 ...
الاصلي في توكيل الرواس فرع امبابة بسعر 1650 ...
الاصلي في شارع دمشق بسعر يتراوح بين 2100 و 2200 ...

ملحوظة :
دايموند توكيل ميتسوبيشي بمواصفات مصرية ...
الرواس توكيل ميتسوبيشي بمواصفات خليجية ...

طقم الدبرياج واحد في السيارات المصرية والخليجية ...

الياباني موجود في التوفيقية وشارع دمشق بسعر يتراوح بين 550 و 700 جنية نوعه دايجنج تقريبا ...

غير موجود حاليا في ورشة المتخصصون ...

مصنعية التركيب في التوكيل دايموند حوالي 500 جنية ...
مصنعية التركيب في الرواس حوالي 350 ...

دي المعلومات اللي عرفت اجمعها ... يارب تفيدك

[amro0000]

ياحلالالالالالالالالاوة دا اية الغلي دا

[ahmedsaiad]

متشكر جدا ياجماعه على رددوكم بس انا من اسكندريه ومش ضامن التوكيلات اللى عندنا مفيش حد فى اسكندريه مضمون وبعدين الميكانيكى قالى هنجيب طقم استعمال عالتجربه ايه رأيكم

[Fadi Ezzat]

لأ اوعى تجيب طقم استعمال
رةخ هات طقم فاليو افضل ب 450 جنيى

[abogoda]

طقم Exedy ياباني وريح دماغك من التوكيل وهات بلية ياباني كمان 750 جنيه بالمصنعية شغال من سنتين معايا زي الحرير

[ehabahmedie]

طقم Exedy ياباني وريح دماغك من التوكيل وهات بلية ياباني كمان 750 جنيه بالمصنعية شغال من سنتين معايا زي الحرير

أنا جبت ال Excedy بالبلية من فترة، كان عامل 450 والبلية 100 ياباني، العربية 1300 ومش عارف للـ 1600 هيبقى نفس المقاس ولا مقاس تاني
واحد صاحبي قال ان حد جاب الفاليو واتشرخ منه بعد الاستعمال، عشان كده خلي القديم معاك وأوعى ترميه احتياطي