تريلا رجعت عليا !!

[Bastawisy]

السلام عليكم ورحمة الله وبركاته


باختصار شديد كنت واقف وسواق تريلا رجع عليا بهدل العربية خالص (لانسر EX 2012)
بس الحمد لله ماحدش حصله حاجة
العربية الرفرف اليمين بتاعها اتبهدل من ناحية الفانوس والفانوس كمان .. والاكصدام فيه كسر كده ما اتبهدلش اوي بس مخلي الشكل مش كويس

دلوقتي بعد اذنكم الحاجات دي اعملها في التوكيل ولا ايه ؟ .. وتكلفتها هتكون كام في التوكيل ولو عملتها برا هتبقى كام ؟ والأحسن الحاجات دي تتغير ولا ممكن تتصلح ؟

دول كام صورة بس بعتذر لو مش واضحين أوي علشان الاضاءة :

[muhmado_furp]

اولا الف سلامه عليك وعلي اسرتك وفداك
بالنسبة للتوكيل في ناس كتير للاسف بتقول انه سئ
ولو كنت اعرف مكان متميز في القاهره كنت قولتلك عليه

[MAHMOUD MOHAMD]

انا شايف انك تشترى دماغك وتجيب رفر نفس اللون وكشاف جديد او استيراد الحرفيين مليانه وانشاء الله تلاقى نفس اللون بتاعك

[J A G U A R]

غيرهم فى الحرفيين

[Bastawisy]

اولا الف سلامه عليك وعلي اسرتك وفداك
بالنسبة للتوكيل في ناس كتير للاسف بتقول انه سئ
ولو كنت اعرف مكان متميز في القاهره كنت قولتلك عليه

انا شايف انك تشترى دماغك وتجيب رفر نفس اللون وكشاف جديد او استيراد الحرفيين مليانه وإن شاء الله تلاقى نفس اللون بتاعك

غيرهم فى الحرفيين

ألف شكر على ردودكم يا جماعة .. ومعلش ماحدش عنده فكرة عن الأسعار نظامها ايه ؟

[svneleven]

شوف أنت تروح ورشة نايل موتورز و هما هيفتوك في كل حاجة و لو محتاج تشتري من الحرفيين هيقولولك منين و شغل السمكرة عندهم عالي بشهادة كل الناس مع العلم أني ما عملتش حاجة عندهم.

[manfromegy]

نصحة لله توكيل ﻷ .و بالأخص أبو رواش

[Fadi Ezzat]

ربنا يعو

[Fadi Ezzat]

ربنا يعوض عليك

[msnaga]

الحمد لله على سلامتك ، وفداك ، وكل اللى فى العربية بسيط الحمد لله
الاكصدام فى متخصصين اكصدام لحام الفبر وفك وتركيب وتظبيط وبدون رش
الفانوس هتشتريه جديد ديبو أو أصلى استيراد من الحرفيين
الرفرف سمكرى نظيف يرده زى الأول ولو مش عايز ترشه يبقى استيراد نفس اللون تلاقيه فى الحرفيين ان شاءالله ، وشوف ورشة نايل موتورز فى الحرفيين كما قال أحد الزملاء .
وألف سلامه ليك ولأسرتك والحمد لله