العربيه لسه معدتش ا 1000 كيلو وجبت 180 مصيبه

[tantan01240]

يا رجاله انا جبت ﻻنسر شارك زيرو وجريت بيها قبل لما اجرى كلمت الرواس ومهندس هناك قلى العربيه متلينه اجرى بيها زى ما انت عايز و شغل
التكيف برحتك بفتح انا الكتالوج لقيت مكتوب لحفاظ على عمر اطول للماتور مجبش اكتر من 120 لحد 1000 كده ايه بقى العربيه هاتبوظ وﻻ ابه

[2CODE]

ياعم مش للدرجة عادي

[eng.m7md.ali]

عادي متقلقش والف مبروك عالعربية

[m7nsh]

عادى ياباشا مفيش مشكله ان شاء الله .. التليين مدارس فى اللى يقلك ماتزوردش ار بى ام عن 3 و مفيش تكييف ..وفى اللى يقلك فتح المكنه بدرى بدرى واللى هتتعود العربيه عليه فى الاول هو اللى هتكمل عليه ..

رايى خليك فى الوسط .. جبتها مره اوك بس خليك فالمعقول لحد 1000 كيلو و مبروك عليك

[midooo_119]

عادى ياباشا بس ماتكررهاش لغايه صيانه الالف

[J A G U A R]

اهم حاجه ال rpm ميعلاش لو هاتمشى حتى على ال 160 وشغل التكييف عادى براحتك

[MoNeIm AmIn]

ان شاء الله متقلقش....المفروض ان الموتور بيبقي متجرب في الشركه الام للسرعه القصوي ليه....بمعني انه علشان يجيب السرعه القصوي لازم يكون متلين الاول اكيد
بس ياريت لو تغير اسم الموضوع علشان ان شاء الله مفيش مصيبه ولا حاجه
تحياتي

[lanos2004]

طب الى بينقلوا العربيات على الصحراوى لسه من غير نمر وما شيين 200