فلتر الزيت

[إسلام شاهين]

يا جماعه أنا عملت الألف كيلو وفيه ناس بتقول غير زيت وفلتر وفيه ناس بتقول الكلام ده بطل وتغير بعد ال 5000 ، المهم أنا واحد صاحبي مهندس ميكانيكا قالي إنه لازم تغير بعد الألف علشان الخلوصات اللي بتطلع من الموتور بعد التليين ، طيب أنا رحت امبارح اشتري الفلتر الأصلي مش لاقيته فلو حد عنده فكره ألاقيه فين ( بره التوكيل ) لأني لا أتعامل معهم وشكله إيه ( لوحد عنده صوره ) وأعرف منين إنه هو الأصلي مش مضروب ، وسعره كام لأني لاقيت امبارح واحد في علبة عليه علامة المتسوبيشي ومكتوب عليها ميد إن جابان بس الفلتر نفسه مش مكتوب عليه .
شاكر لكم حسن تعاونكم

[اسلام المصرى]

أنا غيرت الزيت و الفلتر بعد الألف و لكن فى التوكيل! و الله أعلم ركبو الأصلى و لا لأ :)
على العموم كان تمنه 42 و نصف وده كااااانننن فى شهر مايو :D ممكن تسأل عليه فى محطات موبيل وان أو لايف موتورز فى المهندسين بسمع انهم بيبيعوا قطع غيار و لكن الفلتر عندهم و لا لأ الله أعلم. وربنا يوفقك و نصيحة منى غير الزيت و الفلتر.

[معاذ الشرباصى]

لازم تغيير فلتلر يا استاذ اسلام

بعدين فى بتوع قطع غيار فى التوفيقية جنب شغلك, بيبيعوا قطع الغيار الاصلية بتاعت كل العربيات, و اكيد المتسوبيشى منهم

اسأل هناك عليه, انا مبحبش اشترى حاجة زى كده من بنزينة

[عمرو عبيد]

فى محطة موبيل فى مساكن شيراتون انا غيرت عندهم الزيت و الفلتر و بصراحة هما ناس كويسين و على فكرة لازم تغير الزيت و الفلتر بعد ال1000 علشان تنضف العربية من زيت التخزين

[zikoziko]

ممكن اعرف المفروض فلتر الزيت بيتغير كل قد ايه انا عربيتى عامله 41000
لو حد عنه شكل الفلتر الاصلى ممكن حد يعرضه.

[mada121977]

المفروض ان فلتر الزيت بيتغير كل لما تيجى تغير زيت المحرك كل 10 الاف كم يعنى كل صيانه 10 الاف كم بتغير الزيت والفلتر مع بعض .. بخصوص شكل الفلتر الاصلى كان فيه موضوع من اول افتتاح المنتدى عنوانه تقريبا ازاى تعرف الفلتر الاصلى من التقليد وكان فيه صور للفلتر ممكن يساعدك .. او أسأل الباشمهندس طارق زويل وهوا هيفيدك اكتر