لو بعت البومه - تشترى ايه؟

[Egy_fan]

السلام عليكم. زى ما قال احد الاعضاء. القسم نايم كده ليه. انا قلت اعمل موضوع يصحى شويه

لو انت راكب بومه و قررت تغيير. ايه احسن حاجه تركبها بعد البومه

انا مشكلتى فى البومه ان قطع غيارها غاليه و لو رحت للشارك قطع غيارها اغلى ففكرت اروح للسيراتو بس الكورى اكيد اداءه اقل من اليابانى

السؤال: حد ساق السيراتو الجديده و يقدر يفيدنا مين اداءه احسن البومه ولا السيراتو لأن الاكيد ان الشارك ادأها احسن بس المشاكل و قطع الغيار ...


انا مشكلتى الوحيده انى اشترى سيراتو و تطلع ركوبه تعبانه ذى الالنترا الجديده لأنى لما سوقتها طلعت تعبانه جدا

شكرا للمشاركات....

[mmkhattab]

حضرتك موضحتش عايز عربية في حدود كام
بس الإختيارات لو هتعلي عندك مازدا 3 او فلوانس او اوكتافيا
لو في نفس السعر تقريبا إركب سيراتو الشكل اللي قبل الحالي 2012 مثلا هاي لاين بس ممكن تضايق من نشوفية العفشة شوية بسيط ... غير كده السيراتو عربية كوسية جداااااااااا

[mahamemo]

جولف او جيتا

[mcomics]

اقترح مازدا
بس معرفش قطع غيارها ظروفها ايه

[Egy_fan]

يا شباب الرانج من 140 الى 150 و الخيارات ما بين لانسر شارك و سيراتو الجديده

بس عايز واحد من ملاك البوما يكون ساق سيراتو جديده و يقولى انطباعه عنها يعنى ثابته و بتجمع كويس وكده لأنى ركبت الالنترا اكتر من مره و معجبتنيش علشان السحب مش قوى و العفشه ناشفه بس للأمانه كانت لسه زيرو مكملتش 1000 كم

شكرا للردود

[mahmoud_ali]

السيراتو 2012 عربيه جميله جدا بس لما بسوقها بحس بعفشتها ناشفه جدا وبترزع لكن انا بحب المازدا بصراحه

[mahamemo]

السيراتو عفشة زفت والانترا شرحوا والنيسان هاتلك جولف ٦ مركوبة سنتين ولا سيفيك ٢٠١٠ او ٢٠١٢ بس مش بعد اللانسر تركب كوري يعني

[Egy_fan]

السيراتو عفشه زفت. معلومه جامده جدا. انا سوقت السيراتو القديمه و كانت حلوه فى السحب بس معجبتنيش بسبب العفشه الناشفه و خصوصا انا معايا برده ريو 2011 ولما بسافر بيها برجع متكسر

بصراحه يا شباب الجولف و المازدا و السيفيك . اعتقد ان قطع الغيار هتبقى مشكله علشان ان بمشى كتييير فى السنه

شكرا للردود

[Fadi Ezzat]

ازاى بتقول ان قطع الغيار البومة غالية ؟

[Egy_fan]

طبعا غاليه لما طرمبه البنزين يبقى سعرها 2800 جنيه تبقى غاليه

[midooo_119]

تركب كورولا او كروز

[mahamemo]

بص صلي ععالنبي
اولا انت عندك اللانسر عربية 1600 يابابني عفشة نضيفة وتعتبر احسن قيمة في الفلوس اللي بتدفع فيها عربية محللة قرشها سحب و غيار و سكك طويلة مريحة ركوبة دلع يعني بالنسبة لفلوسها لو مظبط العفشة

عايز تغير متنزلش لكوري ولا رينو ولا الكلام دا هتنزل من العربية عايز تغير سلسلة ضهر :)
انت معاك عربية نضيفة بسعر حلو
عندك اللي مقاربه لاسعارها الكورولا قطع غيار رخيصة وبنزين مش كتير يعني واحده 2010 او 2011 تعملك 140 او 150 بس تابع بقا السوق و اكشف عليها عشان تاخد حاجة نضيفة
وربنا يديك خيرهم و يكفيك شرهم
انا هاغير اللانسر قريب انشاء الله وبتفرج علي كورولا و سيفيك والجولف والجيتا ولحد دلوقتي شايف قطع غيار الكورولا مهاودة جدا و متوفرة فكل حتة والحرفين ماليانه ناس بتشتغل فيها ولا بتتعب الصنايعي ولا بتتعبك


السيفيك غالية قطع غيار والجولف

[Egy_fan]

عليه الصلاه و الف سلام

فعلا الكورولا احسن حاجه بعد اللانسر بس لو هشترى زيرو تبقى الكورولا غاليه

سؤال لباقى الاعضاء. هو ليه محدش اقترح الشارك خالص

بس الاكيد السيراتو مش هتعجبنىىىى و اصرف نظر عنها


لسه مستنى الردود

[Ibrahim Nabil]

عليه الصلاه و الف سلام

فعلا الكورولا احسن حاجه بعد اللانسر بس لو هشترى زيرو تبقى الكورولا غاليه

سؤال لباقى الاعضاء. هو ليه محدش اقترح الشارك خالص

بس الاكيد السيراتو مش هتعجبنىىىى و اصرف نظر عنها


لسه مستنى الردود

صباح الفل ، والله ياباشا انا واحد من الناس معايا بومه كامله 2006 وبفكر اغير للشارك فعلا بس الكامله وغالبا مش موجوده لانى سألت عليهاا كتير ،،، ولكن نقدر نقول انها عربيه ممتازه جدا كراحه واداء عن تجربه وكمان احسن سعر فى الفئه دى،،، ولكن العيب فينا احنا لما بندى سمعه لاى عربيه مش مظبوطه وبيفضل الانطباع ده عليها مدى الحياه

[Egy_fan]

يا باشا الشارك فيها مشاكل و قطع غيارها غاليه. لو الشارك كانت كويسه كنت غيرت من زمان

انا غالبا هجيب سيراتو. شكل جديد و من غير مشاكل

وربنا يوفق الجميع