سيارتي بومة كلاسيك 2011 ((اتحرقت))

[mostakbal5000]

اشكركم جميعا على الردود
وأسأل الله العظيم أن يعوض علينا جميعا بالخير
بالنسبة لموضوع المحضر فأنا عملت فعلا محضر لكن مفيش فايدة .............
وموضوع تركيب نصين جديد عليا وعلشان كده بدور على حد يكون كويس
لكن المشكلة اني متردد وخايف احسن اشتري نصين ويتم التركيب بشكل فيه ضرر على السيارة وعليا واخسر اللي عملته
او اني ابيعها حوادث وخلاص وبفلوسها اشتري جديدة بالقسط على الاقل يكون فيه تأمين
"بالرغم إني عرفت من صاحب سيارة رينو لوجان اتحرقت في الحريق متأمن عليها ولم تعترف الشركة بالاستبدال
فقرر انه يصلحها على حسابه لأن الحريق تلف الجزء الامامي منها بشكل جزئي فقط"
انا محتار يا جماعة ونفسي استقر على الاختيار الافضل ؟
ايه رأيكم اشتري نصين واركب ولا ابيعها حوادث واشتري قسط؟
افيدوني جزاكم الله كل خير

[amro0000]

بلطجي كلب ملوش لزمة يولع ويخرب في بيوت الناس واملاكهم حسبي الله ونعم الوكيل امته الاشكال دي هتتعدم ونخلص منها قرفنا بقا والله قرفنا

[Astra Lover]

ربنا يرزقك باحسن منها ان شاء الله,النصيحة بيعها حوادث واشتري واحدة تانية

[مش فاكر]

على حسب معلوماتى القليله
انتا بدام الهيكل سليم و الشاسيه تقدر تجيب عربيه من بره قطع و تحط دى جوه دى
او تقلبها ايفو رياضى بس هيتلحم فيها نص خالفى علشان هتبقا رباعى
او تبيع حاودث

الممكن يفيدك فى الانسر واحد اسمو زوزا فى الحرفين كلمو و اسألو على الدنيا
العنوان القاهرة مدينة السلام الحرفين نزلة الريحانى محل زوزا لقطع غيار اللانسر
و الفيس الجروب بتاعو

https://www.facebook.com/groups/155746547823935/710975725634345/?notif_t=group_comment_reply

[mamd_3000]

السلام عليكم

شوف ياغالى عندك كريم منير بوية وسمكرة ودكو وعادل وجدى تعديل بس الناس دى شغلة حلو جدا بس عادل وجدى غالى شوية بس شغلة ممتاز وهيجبلك نصين رالى ارت وحطهم فى عربيتك وهتركب عربية من الاخر للعلم الرالى ارت نفس البومة بس اعلى امكانيات واحسن من الجديد واقوى ولو فى اى استفسار تانى اناشاء الله اساعدك بالى اقدر علية

[soltanfriend]

ربنا يعوضك خير وحسبي الله ونعم الوكيل فى السبب وفى المقصر

[lanos2004]

اقتل الى حرق الجراج
اعمله وجبه افطار واكلهاله تكون مسمومه
خلى حد من اصحابك يشترى شريحه موبايل وتكلمه على انك عاوزة فى مصلحه واضربه بالنار
ادفع فلوس لاى بلطجى يجيب رقبته او يحدفه بميه نار لترين كدة علشان يتشوى وتكون مركزة
الحكومه مش فاضيه تجيب حق حد الارهابيين الاسلاميين واخدين وقتها ومش فاضيه لينا
بالنسبه لو هتصلح احسب التكلفه اولا قبل القيام باى شىء

[Sameh samy]

ربنا يعوض عليك ويمكن ربنا فداك من حاجة اصعب
بص انا رايي تبيع العربية لان لو صرفت عليها موش هاترتاحلها تاني خصوصا ان راكبها قبل وبعد الحريق

في حاجات صعب ترجع زي الاول زي العزل والتكييف وتقفيل التابلوة والفيبر وكاوتش الابواب
استعوض ربنا وبيعها احسن لانك لو صرفت عليها هاتصرف تمنها تقريبا وفي الاخر العربية هاتبقي راشة برة وجوة وموش هاتجيب فلوس

[ahmed_moeaz]

لا حول ولا قوة الا بالله ربنا يعوض عليك

[MITSUKERO]

ربنا يعوضك خير

بص ياباشا
انت معاك عربية عادي جدا حتي الان بس بايظة

هتعمل ايه بقي ؟
هتنزل تجيب عربية من بورسعيد مش متقطعة ولا حاجة لا هتجيبها معاقين
و بعدين ؟
هتطلع بيها من بورسعيد افراج جمركي مؤقت بعد ما تشتريها

تيجي بيها القاهرة و تروح لسمكري محترم ياخد الصدر كله (مش رقم الشاسية فقط) يخلع الصدر كله من عندك و يركبه في العربية الجديدة
و الموتور كذلك تاخد البلوك بتاعك و تركبه علي العربية الجديدة

و كده عربيتك رجعتلك تاني

العربية بقي اللي خرجت بيها من بورسعيد هتعمل محضر سرقة و تبلغ و شكرا
و احتفظ باللي هيتبقي من العربيتين قطع غيار

و ربنا يعوضك و اسف جدا علي الحل السيء ده بس للأسف مفيش غيره

[mostakbal5000]

جزاكم الله كل خير يا جماعة على النصائح والمعلومات اللي قدمتوها
وانا فعلا بدرس الموضوع من حيث التكلفة والمشاكل اللي ممكن تقابلني في حالة تجميع نصين وحتى موضوع اشتري واحدة جديدة في الوقت الحالي بالقسط وإن شاء الله استخير المولى عز وجل
لكن موضوع اني اواجه البلطجي اللي حرق ده شئ صعب لأنه متواصل مع الـ..........
وطبعا اللي فهم هيعرف ليه المحضر بقى إداري مش جنائي رغم وجود "شهود عيان" من الملاك وحارس الجراج
احسن حاجه اني اشكو للحق سبحانه وتعالى وادعي عليهم في الايام الجميلة دي في شهر رمضان
واشكركم جميعا على الردود وربنا يوفقنا جميعا لما يحبه ويرضاه

[Dragon78]

ربنا يعوض عليك .. معلش فداك انت وأهل بيتك

[fineart607]

لا حول ولا قوة الا بالله ربنا يعوض عليك يارب وانصحك تشترى عربيه قسط بلاش تخش فى شغل العامل المصرى علشان مش هتخلص والله وربنا يرزقك الخير

[S O P H O S]

ربنا يعوضك بالاحسن منها