تجديد بومة 2006

[amoor_mod]

السلام عليكم الاعضاء الكرام :

عربيتى بومة 2006 - 1600 أوتوماتيك - هاف سبورت

العربية عاملة 255000 كيلو

عملت حادثة صغيرة والخبطة كلها جت فى العجلة اليمين وكسرت الكليبر (الدوشمة ) وطبعا قولت اغيرها استيراد

روحت لسوسو فى الهرم جبت منه الدوشمة بالكوبلن بالمساعد بتاعها

ووديتها التوكيل عملت فحص شامل للعربية عشان اشدها

قالى
الدوشمة تتغير عشان مش بتاعتها

وعلبة الدريكسيون تتغير

مساعدين ومقصات تتغير

قاعدة فتيس وقواعد موتور تتغير


سألته على الاسعار قالى سعر علبة الدريكسيون بالتركيب 8000 غير الضريبة

الدوشمة بس 2100

المقصات امامى بالتركيب 2300

قاعدة الفتيس ب660 بالتركيب

قاعدة المحرك الامامية والخلفية 337+ 321 والتركيب 200

و4 جلب مقص خلفى 220 + 312 تركيب

2 مساعد خلفى 1240+240 تركيب

وفلتر بنزين 550

غير شوية حاجات تانية صغيرة

وانا عايز اغير كاوتش وكاسيت وزجاج امامى وزيت فتيس

انا محتاس أبدأ بايه واعمل ايه واجيب الحاجات دى منين واركبها فين وايه الافضل من حيث الجودة والتكلفة

يعنى من الاخر عايز اشد العربية شده تقعدنى 50 الف مغيرش غير زيت وبنزين

تنصحونى بايه يا أهل الخبرة ابدأ بايه والاهم ايه واعمل حسابى فى كام ولو فى مكان كويس غير الحراميه بتوع التوكيل

وهل لو ركبت الاصلى فى كل قطع الغيار هتفرق ولا كلو شغال

ولو غيرت زيت الفتيس هينزل الزيت كله وبالتالى هحتاج 8 كيلو زيت ولو كده اجيب الزيت spiii ولا ايه

معلش طولت عليكم بس بصراحة لولو طالعة من عينى وعايز اروقها

منتظر مساعدتكم

شكرا

[Omar Mahmoud]

السعر ده فغلا بتاع علبة الدريكسيون انا سمعت انها ب 4000 تقريبا

[أنصار السنة]

السلام عليكم
بص ياسيدي التوكيل مفيش عربية تدخل عنده للكشف إلا لو يطلع العفشة والمقصات وفي الغالب والمساعدين شوربة ( مش عارف هو بيقيمهم باي مقياس ) المساعد تمنة اكتر من 1100 جنية وضريبة ومصنعية فلكية ، واسعار متغيرة كل يوم والتاني
يعني والله انا كنت في التوكيل النهاردة بغير طقم كتينة كامل
اولا في التليفون قالي انها بالضريبة 1444 جم روحت الانسة اللى في الاستقبال قالت 1205 ودفعت 1230 وقولت اكشف على العربية يردة عملي البحر طحينة قواعد فتيس وقواعد موتور ومقصات ومساعدين وقنطرة طولية وعرضية وفلم كبير رغم ان العربية يادوب عملة 82 الف
انا الصراحة ندمت اني عملت تغير طقم الكاتينة في التوكيل لانهم ممكن فعلا يكونو حرمية
ونصابين كمان يعني عملي تنظيف البوابة والحساسات بي 250 جنيى غير الضريبة ، وانا كنت متفق معه انه هينضف البوابة والرشاشات ولما اتخنقت معه طبعا قالى الانسة هي اللى كتبت غلط ومفيش حاجة اسمها تنظيف رشاشات ولما حسو اني فاهم قالى خلاص سيب العربية واحنا ننضف الرشاشات مجانا وطبعا انا خوفت على العربية لان دول مش بيعملو حاجة ببلاش فقولت لا شكرا واهي مرة وعدت
المهم انصحك انك تشوف ميكانيكي بيتقي الله وتروح يشوف اللى فعلا محتاجة العربية انها تغير وتصلحة والاسعار برة افضل ميت مرة من التوكيل بس مش تخلي حد غير الميكانيكي يشتغل يعني خلي بالك انه يسيب حاجة للصبيان اللى عنده لان هم دول اس المشاكل
وربنا يعينك
بعد تجربة بسيطة اعتقد ان اسعار قطع غيار الانسر الاصليه ليست مفجعه لكن التوكيل هو اللى قاتل
يعني سير الكاتية مرة ب 250 ومر ب 300
بلية الشداد مرة ب 400 ومرة ب 250 وكله من دا
ومصنعيى تركيب 300 ج

[m.elsherif]

يا سيدى طير على ورشة المتخصصون فى الاميرية

[amoor_mod]

شكرا يا جماعة
انا فعلا شكلى هطلع على الحرفيين واظبط الدنيا هناك

[M_OSMAN88]

اسأل على ورشة او مركز يكون سمعتة كويسة واعمل الشغل دة برة التوكيل علشان الأسعار دى مبالغ فيها وممكن يخليك تغير حاجات اصلا سليمة بس علشان يمشى المصلحة .

[Fadi Ezzat]

اية الاسعار الاستهبال دى لأ طبعا
بالنسبة للدشمة لو فعلا مش بتاعة العربية هاتها استيراد ب 300 جنية كاملة بالطنبورة
علبة الدركسيون لو فعلا بايظة ولو انى اشك هاتها استيراد بحوالى 2000 او اقل
باقى الحاجات سعرها جديدة اقل من كدة يعنى مثلا طقم مساعد مونرو اصلى من التوكيل ب 600 ج اماىى وخلفى بردة 600

[amoor_mod]

انا سألت على مركز صيانة فى الحرفيين وهروح مع واحد معرفة يا رب بس يكونو ناس كويسين
متشكر جدا يا جماعة على الافادة