مياه تحت العربيه - لانسر بوما

[Egy_fan]

السلام عليكم. فى درجات الحراره المرتفعه فوق الاربعين و لما بشغل التكييف. اول ما ابطل العربيه شويه مياه تنزل من العربيه قدام شمال (تحت القربه تقريبا) و بعد العربيه لما تبرد اكشف على المياه و القيها الحمد تمام فى الردياتير و القربه



على فكره لو نفس الظروف بس بدون تكييف. المياه ما تنزلش

هل ده طبيعى و لا لأ


شكرااا

[gebreel]

طبيعي يا باشا، ده الفايظ بتاع التكييف

زيه زي تكييف البيت اما بينقط مياه

[ENG.MaRk]

العربية عندها تبول لا إرادي :)

[khaled_yehya]

العربية عندها تبول لا إرادي :)

[Egy_fan]

و المياه بتكون تحت القربه كده؟؟؟

[A.Saad]

طبيعى
نفس المياة اللى بتنزل من تكييف المنزل

[Egy_fan]

شكرا ربنا يطمنكوا و كل سنه و انتم طيبين

[Ibrahim Nabil]

لاداعى للقلق ان شاء الله ، دى مياه بتنزل من على الماسوره الخارجه من الكباس وداخله على تلاجه التكييف ومكانها بيبقى زى ماحضرتك وصفت ونتيجه عرق الماسوره دى، اما الفايظ بيبقى فى سدر العربيه وخلف بوابه المنافولد مباشرة ،،

[amro0000]

ياباشا دي ماية تكيف انا حصلتلي في اسكندرية وكنت همووووووووت من الجنان وانا في المصيف فضلت شايف ماية تحت العربية وكنت هتجنن واعرف دي منين واعدت اكشف علي كل السوايل ومش لاقي حاجة ناقصة وامسك الماية واتجنن واقول لا زيت ولا ماية خضرة ولا اي حاجة لحد ما اتصلت بواحد ميكانيكي بتاعة في القاهرة وقالي متخفش دي ماية تكيف وطمني بس مكدبش عليك كان منظرها رعب انا فكرتها نصيبة زيك هههههههههه

[Egy_fan]

ربنا يطمكوا. انا هكشف علشان اطمن اكتر و بعدين احكلكوا

[abogoda]

مش محتاجة كشف طالما السوايل في عربيتك عند مستوياتها الطبيعية مفيش مشكلة ودي ناتجة عن التكييف زي ما تفضل الاخوة بتعليقاتهم