صوت غريب فى كاوتش اللانسر

[mahmoudzaied]

بقالى فترة كدة بسمع صوت تكتكة وبتزيد مع السرعة فى الكاوتش بتاع العربية
على فكرة العربية لسة جديدة ومكملتش 2000 كيلو يعنى الكاوتش لسه بحالتو
فيه ناس قالولى دا صوت الزلط اللى بيبقى موجود فى الكاوتش الزلط الصغير ده
انا خايف ليكون فيه حاجة غلط
حد يقولى دا ممكن يكون ايه
ولا هوا دا كاوتش اللانسر عادى بيطلع الصوت ده
انا عربيتى 2008 بوما

[Abdo_Eldesokey]

الصوت ده موجود في معظم العربيات الجديدة ، ونفسي أعرف سببه زيك بالظبط

بس هوا مش دايما ً موجود ساعات وساعات

[أبوسيف]

عادى دة الزلط اللى فى الكاوتش بيعمل صوت وانت ماشى ، لو مشيت على سرعة عالية لفترة هاتلاقى كل الزلط طار من الكاوتش بس اول ما تمشى فى حتة فيها طوب او زلط الكاوتش هايلمه تانى ، ما تركزش معاه قوى ، هو مفيش منه مشكلة.

[mohamedway]

زلط يا سعاده الباشا بما لا شك فيه و انا ياما طلعت زلط من الكاوتش عندى و كاوتش الانسر بالذات نقشته جاذبه للزلط عن اى كاوتش تانى و مش بس زلط ده كمان نوا البلح و ده غالبا بيكتر فى رمضان عشان الناس بتفطر عليه و النوا ده بقه بيدخل و ينام عدل بين خطين من خطوط نقشه الكاوتش و صوت طقطقته بعشر زلطات و صباح الإزعاج ولازم ساعتها انزل أدور على النوا و الزلط و أطلعه من الكاوتش عشان بيدايقنى قوى.

[mahmoudzaied]

الف شكر يا رجالة
منجيش ليكم فى حاجة وحشة
كل دا من الزلط
هوا فعلا ساعات اسمعو وساعات لأ
على فكرة انا لسه سامع كذا عربية جديدة بتعمل نفس الصوت
فقلت يمكن نوعية كاوتش بس استبعتها لانهم كانو انواع مختلفة زى الباجيرو والالنترا
هوا فعلا الزلط الصغير
والف شكر مرة تانية

[Mostafa Taher]

زلط .................

[ezz]

زززززززززززززززززززززززززززززززززززززززززززززززززز ززززززززززلط:k46:

[m.3abdel3al]

فعلاااااااااااااا زللللللللللللللللللللللللللللللط علييييييييييك وعلى مفك وطلع باه

[salehgharib]

زلط

الحل وإنتا بتغسل العربية إرفعها وخلى عامل البنزينة ينضف الكاوتش بمفك من الزلط أو أى حاجة تانية ويمر على جميع العجلات

[omardeneo]

مافيش حاجه غلط الغلط على الزلط

[sherif2010]

على فكرة دة زلط......... وكمان الحكاية دة مش فى اللانسر بس فى الدايو وعن تجربة