عربيتى اتسرقت منها حاجات لانسر بومة 2013

[ahmed Bely]

اوﻻ السلام عليكم ورحمة الله وبركاته انا اخوكم احمد عضو جديد معااكو هنا انا ساكن في مصر الجديدةعربيتى لانسر بومة 2013 من اسبوع راجع من شغلى زى كل يوم بس اتاخرت شويه عن ميعاد الخروج ( شوفتو النصيب )المهم كنت خارج بالعربية ببص عليها لاقيت الشراع الى وراء المقعد الخلفى مكسور والاستبن السبور الاستوك بتاع العربية اتسرق و2 كوريك التمساح والاستوك بردو ده حتى واخد المسمار بتاعه وامبلي فاير كينوود 720 وكومبروسر اصلى جالى من الإمارات والحمد لله كنت جايب من قبل السرقة بيومين كاسيت كينوود بى 1200 bluetooth BET معرفش ياخد الكاسيت لانه فى صعوبة فى فكه بس هوه ماسكتش على كده
و خد الفلاشة 32G كمان ربنا ينتقم منه المهم انا بدور على جنط الستاندر سبور بتاع اللانسر بومة 2013 بالكاوتش Bridgestone -turanza 15 -60 /195 بجد عايز حد يساعدنى لانى مش هارتاح الا لما اجيب الجنط اخو اللى اتسرق منى ونداء لكل ملاك لانسر بومة لازم يركبو انذار لان الحرامى اللى دخل عربيتى دخل فيه وعاش حياته كان ناقص يبات فيها انا مفيم الزجاج اسود دارك مع شمسية امامى وخلفى يعنى العربية كانت اوضة نوم و هوه طبعا نفضها ولا حياة لمن تنادى لان الريموت ما هوه الا فتح وقفل عن بعد فقط

[akmm]

قدر الله وما شاء فعل ............................

[محمد سمير حسين]

ربنا يعوض عليك انت اول حاجة تعملها تروح ترك انذار في التوكيل ب560 جنيه وطبعا شراعة للباب بس هو الكلام ده كان الساعة كام

[ahmedelrayan]

ربنا يعوض عليك

[Ahmedmahereng]

استرها علينا يارب .... ربنا يعوض عليك

[MITSUKERO]

الموضوع ده انتشر بقي !!! ليا صديق عزيز حصل معاه نفس الموقف بالظبط و هدف السرقة كان الجنط و الكوريك

[Omar2017]

قدر الله ما شاء فعل

[J A G U A R]

ربنا يعوضك ان شاء الله

[ahmed Bely]

السرقة حصلت يوم الخميس الساعة 9:30 يعنى فى وقت العشاء من أسبوعين ..انا الحمد لله ركبت الشراع بس الانذار انا ركبت الولف من ش دمشق بى 160 و40 تركيب وقولت بالمرة اركب سنسور بارك ووحدات رفع مشكلتى انا بحب اظبط العربية جدا انا هاجيب انشاء الله من الاماران كينوود 1000w و صب ووفر بايونير 1200 w flat بس خايف لا يتسرقو تانى حد يساعدنى اجيب الجنط السبور الاصلى بتاعها منين بالكاوتش Bridgestone - turanza 15 - 60 / 195 وشكرا على ردودكو الجميلة

[S O P H O S]

ربنا يعوضك خير معلش

[iNjECTOR]

اولا ربنا يعوض عليك خير
الكاوتش Turanza هتلاقيه فى توكيل بريدجستون ورا كارفور المعادى او من التوكيل بريدجستون اللى موجود على طريق الاوتوستراد جنب بنزينة Tottal امام توكيل ميتسوبيشى المعادى
بالنسبة للجنط انا متأسف هتلاقية 2750 شاملة الضريبة بالتوكيل بتاع المعادى
------------------------------------------------

[iNjECTOR]

سؤال مهم
انهى نوع جهاز إنذار هو اللى توكيل بيرضى يركبه .. وبيرضى يركب بارك سينسور ؟

[ahmed Bely]

مش عارف تقريبا بيركبو سكاى بس على فكرة سيبك من التوكيل ركب الولف بره احسن بس يكون عند واحد محترم وبيراعى ضميره وانا اسف علشان اتاخرت فى الرد على حضرتك

[kbarema]

ممكن سؤال
هل فيه انذار بيركب علي مفتاح البومه من غير ريموت منفصل
لان في حد قالي كده وبسعر 400 جم
حد عنده فكره عن الموضوع ده قبل ما اروح لانه بعيد عنى اوي ممكن 50 كيلو

[kbarema]

ربنا يعوض عليك انت اول حاجة تعملها تروح ترك انذار في التوكيل ب560 جنيه وطبعا شراعة للباب بس هو الكلام ده كان الساعة كام

حضرتك الانزار ده بيركب علي المفتاح ولا برضو له ريموت مختلف