سقف الجراج وقع علي العربية!!!

[Mohamed_89]

الحمد لله علي كل شيء ,,,, العربية لانسر شارك 2014 لسه مرخص من شهرين


النهارده الصبح وقع جزء من السقف علي العربية الكابوت و الرفرف الامامي يمين فيهم تطبيقات و الدهان الخارجي اتقشر هو الحمد لله الاضرار مش كبيرة بالنسبة لحجم الخرسانة اللي وقعت و الصوت اللي عملته الناس افتكرت ان في انفجار من شدة الصوت


التامين تبع مصر للتامين شامل

كلمت المعرض
طلب مني اعمل مقايسة

وقال ان الإصلاح لو تبع التوكيل بتحمل 10 % " وقال ان ده شرط في اي شركة تأمين!!!"

لو في اي ورشة خارجية بيكوتن بدون نسبة تحمل بس لازم فاتورة ضريبية

أهم حاجه عندي انها تتعمل مظبوط حتي لو هتحمل نسبه




كلمت التوكيل "دايموند" كان في مشكله في السيستيم


إيه رأيكوا هل في مكان بره ممكن يعملها بجودة التوكيل خصوصا ان اللون الفراني لسه جديد وخايف درجة اللون متكونش مظبوطة لو اتعملت بره

و إيه تكلفة المقايسة في التوكيل؟

[Sameh samy]

التوكيل افضل حل طبعا والعشرة في المية موش مشكلة

[shiko85]

قدر الله و ما شاء فعل
الحمد لله على كل شئ
فعلا لو حضرتك هتصلح فالتوكيل هتتحمل 10%
حضرتك اسأل الأول فالتوكيل و اعرف هتاخد وقت اد ايه و هتتكلف كام و بعد كده قرر

[Mohamed_89]

التوكيل افضل حل طبعا والعشرة في المية موش مشكلة

قدر الله و ما شاء فعل
الحمد لله على كل شئ
فعلا لو حضرتك هتصلح فالتوكيل هتتحمل 10%
حضرتك اسأل الأول فالتوكيل و اعرف هتاخد وقت اد ايه و هتتكلف كام و بعد كده قرر

شكرا و إن شاء الله هشوف التوكيل

[eng.m7md.ali]

قدر الله وماشاء فعل

نصيحتي متتعاملش مع معارض ابداً بالنسبة لموضوع التأمين يعني متخليش المعرض وسيط بينك وبين التأمين في استرداد شيك التعويض .. ياريت يبقى منك للتأمين علطول عشان هما بياخدوا نسبة في التصليح منك

ونصيحتي ليك جرب ورشة نايل موتورز لان التوكيلات بتبع العربيات تتعمل في الحرفيين

[tameem2010]

كده كده هتعمل مقايصة توكيل والمقايسة هيطلع فيها التكلفة كام
بس خلى بالك لما مندوب التامين بيروح التوكيل بيتفاوض في المقايسة
يعنى الكلام بتاع المقايسة مش بيكون نهائءي لانهم عارفين ان شرطة التامبن هتنزل معاهم في السعر
بس هتدفع رسوم مقايسة طبعا في التوكيل !!

[Mohamed_89]

قدر الله وماشاء فعل

نصيحتي متتعاملش مع معارض ابداً بالنسبة لموضوع التأمين يعني متخليش المعرض وسيط بينك وبين التأمين في استرداد شيك التعويض .. ياريت يبقى منك للتأمين علطول عشان هما بياخدوا نسبة في التصليح منك

ونصيحتي ليك جرب ورشة نايل موتورز لان التوكيلات بتبع العربيات تتعمل في الحرفيين

المهم عندي انها تتعمل مظبوط ,,, لو ورشة نبل موتورز هتكون أفضل من التوكيل ياريت حضرتك تقولي العنوان بالظبط

[mahmoud_ali]

قدر الله وما شاء فعل والحمدلله على اى حال وربنا يعوض عليك

[Omar Mahmoud]

المهم عندي انها تتعمل مظبوط ,,, لو ورشة نبل موتورز هتكون أفضل من التوكيل ياريت حضرتك تقولي العنوان بالظبط

قدر الله و ما شاء فعل

http://www.nilemotors.net/Nile/193804-a.html

[midooo_119]

سيبك من موضوع الورش ديه عمرها ماهيبقى امكانياتها زى التوكيل احسن حل تروح اى توكيل موازى و يعملولك المقايسه و بكده مش هتتدفع ال 10 % و فنفس هتعملها فتوكيل عنده الامكانيات

[MANassar]

قدر الله و ما شاء فعل. الحمد لله في جميع الأحوال.

انا اعرف حد ممكن يعملهالك في الحرفيين و بفاتورة ضريبية للتأمين. لسه عامل عنده رينو فلوانس تأمين. و غير كده اشتغل في كل عربياتي و ايده حلوه. لو عايز ممكن اظبطلك معاه

[د.محمود صلاح]

التوكيل في التصليح حباله طويلة ممكن تدخل في شهر او شهرين

[vip74]

التوكيل افضل

الحمد لله قدر الله وما شاء فعل
التوكيل افضل
كان عندي الرفرف فيه خبطه بسيطه رجعوة بصراحة زي الاول

[Mohamed_89]

شكرا للجميع علي الردود .. أنا فعلا بفضل التوكيل ,,, وربنا يسهل ترجع زي الاول و متسبش اثر

طيب انا الاقرب ليا السعودي جروب طريق مصر الاسماعيلية ولا الفرع الرئيسي ابو رواش يكون افضل

[eng.m7md.ali]

سيبك من موضوع الورش ديه عمرها ماهيبقى امكانياتها زى التوكيل احسن حل تروح اى توكيل موازى و يعملولك المقايسه و بكده مش هتتدفع ال 10 % و فنفس هتعملها فتوكيل عنده الامكانيات

لو كانت معايا العربية كنت عايزك تيجي تتفرج عليها .. مرشوشة في التوكيل .. توكيل بروتون

مش معنى انه توكيل يبقى برفكت في كل حاجة