محتاار بين شارك والنترا وسيراتو خليجي زيرو

[drjadoire]

محتار يا شباب بين النترا 2015 فئه اولي
وسيراتو خليجي 2014 كامله
ولا شارك فئه تانيه2014
انا عارف ان الشارك محترمه بس هل فيه 2015
وهل الشارك مش حتنزل تاني وآخر سنه السنادي
اخبار اعاده البيع ايه
والعزل
والعربيه عموما وهل الفئه التانيه فيها usb في الكاسيت
يا ريت تساعدوني لاني حشتري قبل العيد

[Mohamed_89]

نصيحة بلاش الالنترا خالص
السيراتو عربية ممتازة و الشارك

الشارك عربية ناجحة بدون اي عيوب تذكر و بالموتور ال 1.6 العربية ممتازة
الفئة الثانية AUX بس

الصاج بتاع الشارك محمل عن صاج السيراتو و العربية طبعا اعلي عن الارض و ده مهم جدا في بلدنا

لو عايز شكل لسه نازل جديد مع بعض الكماليات الاضافية زي ال Multi function خليك في السيراتو لو مش هتفرق معاك الكماليات دي خليك في الشارك

علي فكرة انا سقت السيراتو القديمة و تقريبا هي نفس ماتور الجديده في فرق في التسارع بسيط لصالح السيراتو

[drjadoire]

شكرا محمد باشا يبقي الشارك اكثر منطقيه عشان الخليجي ومشكله الضمان
بس اخبار قطع الغيار انهي ارخص
وبالنسبه للعداد المشكله السخيفه ان تقريبا مفيهاش موشر حراره لمبه فقط
ده شيئ سخيف يعني لما العربيه تولع اللمبه تنور في الشارك ولا ايه رايك