البومة بتاعتي سخنت

[Shamooos]

السلام عليكم جميعا
أنا عربيتي لانسر ٢٠٠٧ و أنا مروح سخنت علي طريق السويس وطلعت دخان من الردياتير
نقلتها بونش بسرعة علي اقرب مركز خدمة في سوق الرحاب
الباشمهندس قاللي الردياتير لازم يتغير وان سبب المشكلة ان ثير موستسات الحرارة علقت وان ده عيب شهير في لانسر
وللأسف كمان اكتشف ان احنا لازم نغير جوان وش السليندر

آيه رأيكم ؟ و هل في حد حصله نفس الحالة ده ؟

[semsemworld]

نفس المشكلة حصليت معايا من خمس شهور كدة.......بس الحمد لله غيرت جوان وش سليندر و ثرموستات الحراراه بس

[kantofanto]

معلش هى تكلفتهم كام ؟؟

[ashrafmahmoud93]

مش شرط ان العربية تسخن تجيب جوان جرب الاول شوف هيبقى ف نفخ ف الردياتير او المياة هتبقى طحينة غير كدا يبقى الجوان سليم وغير الثرموستات وشوف الردياتير كويس خلاص مش كويس هات واحد جديد وانساه

[amz2011]

الترموستات داه مكانه فين فى العربيه عشان انا كمان معايا لانسر بومة و غيرت الرادياتير و مش عارف مكانه فين

[semsemworld]

الترموستات داه مكانه فين فى العربيه عشان انا كمان معايا لانسر بومة و غيرت الرادياتير و مش عارف مكانه فين

ده بيبقى موجود فى داخل خرطوم المياه اللى واصل الموتور بالرادياتير ..... الخرطوم اللى تحت مش اللى فوق ... ده انا جبته اصلى من محل الهدى فى صقر قريش من 5 شهور كان ب 130 تقريبا

[abogoda]

انا ربنا سترها معايا الحمدلله ولحقتها قبل ما تتطور المشكله ....انفجرت فيبره الرادياتير اللي فوق وما أخدتش بالي ان العربية ماشية عالزيت ومفيش ميه ............................. يا جماعة المشكلة فينا احنا مش في العربية أنا معايا 2007 المفروض نعمل تنظيف لدورة التبريد علي فترات متقاربة أنا بعد الموضوع ده بنظف كل سنه والسنه دي نظفت وغيرت الميه جبت مياه تبريد موبيل الاصلي بـ 75 جنيه مش خسارة فيها اللي يبوظ الثرموستات غير ان مية التبريد عمرها انتهي

[kokowasfy]

انا من ملاك العربية من 6 سنين و مفيش العيب دا خالاص نهائى و الى يقول عيب شائع غلطان عمرة محصلت معاية ولا مع اى حد اعرفة اسمحلى دا عيب اهمال منك فى الصيانة بتغير المية كل سنة لية يعم حرام

[Shamooos]

عندكم حق يا جماعة أنا فعلا بقالب فترة طويلة مغيرتي المياه

اتكلفت ٢٦٠٠ في مركز خدمة بالرحال شامل كل شئ
يالا محدش بيتعلم ببلاش

[semsemworld]

عندكم حق يا جماعة أنا فعلا بقالب فترة طويلة مغيرتي المياه

اتكلفت ٢٦٠٠ في مركز خدمة بالرحال شامل كل شئ
يالا محدش بيتعلم ببلاش

طيب ممكن نعرف ايه اللى اتغير بظبط