محتاج ردكم للاهمية

[محمد فرج]

السلام عليكم

العربيه مشيت قرابة 1400 كيلو وناوي اروح بيها الصيانة فى التوكيل بعد العيد وانا ساكن فى الصعيد يعني هتكون وصلت الفين او اكتر شوية

فهل ينفع ؟ التوكيل يقبل اعمل صيانة الالف بعد الفين ؟

وهل الزيت هيستحمل ولا اغيره دلوقتي انا ؟ بس بصراحة مستخسر لان كدة كدة هغير هناك فا ايه رايكم ؟

وبعد اذنكم انا كنت قلت اول ما جبت العربيه من شهرين اني بسمع صوت حكة لما بجيب الدريكسيون ع الاخر

مع الوقت اكتشفت ان الصوت بتاع الحك بيجي لما اجيب الطارة يمين " بيظهر كدة من ناحية الكاوتشات .. مع العلم اني ودتها لواحد بتاع كاوتش رفع العربيه وحركنا التاره ومسعناش اي صوت حك يعني ع الارض بس ايه دة ياجماعة لان الصوت مضايقني رغم اني بس اللي حاسس بيه دوننا عن اخواتي ووالدي

منتظر تفاعلكم

[محمد فرج]

واسف هتعبكم معايا ايه احسن نور زيت احطة مع العلم ان العربيه لانسر بوما 2014 اتوماتيك

[max13]

التوكيل مش هيرفض الصيانة بس يفضل متعديش الالفين وده كلام التوكيل

[محمد فرج]

اوك تسلم ياباشا منتظر ردكم على باقي النقاط محدش رد غير واحد بس !!!!

[Fadi Ezzat]

بالنسبة لموضوع الحك دة طبيعى لما بتجيب الدركسيون الاخر
الصوت دة من طرمبة الباور

[iNjECTOR]

الاستاذ محمد مبروك العربية
بالنسبة لموضوع الصوت لازم تقول للمهندس عليه ولازم تطلب منه الخروج بالسيارة معه لسماع الصوت
بالنسبة للزيت انت مجبر على زيت Tottal Quartiz 9000 ده المعتمد من التوكيل اليومين دول...
انت منين من الصعيد ؟
فيه توكيل بارقان بنى سويف ده توكيل معتمد من دايموند موتورز (العنوان بنىسويف الجديدة - ميدان الحمرايا )
هناك المهندس احمد والمهندس محمد حاول تستخدم طريق الجيش