شارك ولا اتراج !!!!!!!!!!!!!!!!!!!! مقارنه غريبه.. عارف :)

[amrh]

السلام عليكم ورحمة الله وبركاته..

مبدئيا.. عارف ان ده فئة وده فئة تانية خالص.. بس حقولكم سبب حيرتي..

انا في الاصل بفكر في الشارك.. بس لقيت فيها عيبين..

الفئة اللي حشتريها ده اقل حاجه وللاسف مافيهاش aps

عزل العربية حسب ما قريت سيء جدا..

كانت تفرق معايا الاكيد الكماليات بس قلت ممكن اعوضها ببعض الحجات..

من افضل المميزات انها تقفيل ياباني..

طب ببص كده لقيت الاتراج..

حسب ماقريت.. استهلاك البنزين جميل جدا..

فيها aps. وكل التقنيات الحديثة..

عزل قوي ..

عيبها انها اديق من الشارك.. وشايف شكل الشارك شبابي اكتر..

بس برده الفئة اللي حشتريها الاقل..

بس فعلا انا محتار بين عربية فيها aps وعربية لأ..

خاصة ان عملت حادثه والعربية وقت الفرامل ما اسعفتنيش..

ايه رايكو؟

مع العلم.. العربية حستخدمها في الخليج.. يعني حر نار ورطوبه عاليه..

[abou-yahia]

من وجهه نظري

العربيات 3 سلندر عموما عربيات غير اعتماديه

وموتورها بيتاثر مع مرور الوقت جامد نتيجه ان بيكون في اجهاد علي البساتم

نتيجه التصميم لتاع المحرك

Sent from my SM-N900 using Forum Runner

[eng.m7md.ali]

طيب اللي يخليك تدفع الفلوس دي كلها ماتدفعها في عربية مستعملة تستاهل .. او ممكن تكون شارك كسر زيرو فئة تانية او تالتة وفيها الكماليات اللي عايزها

[abou-yahia]

طيب اللي يخليك تدفع الفلوس دي كلها ماتدفعها في عربية مستعملة تستاهل .. او ممكن تكون شارك كسر زيرو فئة تانية او تالتة وفيها الكماليات اللي عايزها

فكره حلوه لو معاه كاش

بس الاغلب بيكون قسط

Sent from my SM-N900 using Forum Runner

[amrh]

طيب اللي يخليك تدفع الفلوس دي كلها ماتدفعها في عربية مستعملة تستاهل .. او ممكن تكون شارك كسر زيرو فئة تانية او تالتة وفيها الكماليات اللي عايزها

للاسف مش حينفع.. لاني حجيبها تقسيط..

لان نازل عرض على المستوبيشي فعشان كده بسأل..

[مؤمن حمزه]

مقارنه غريبه بصراحه انا مش عارف اقولك ايه...انا معايا الاتنين اللانسر شارك و الاتراج..و الاتنين حلوين لكن دى فئه و دى فئه....

الاتراج انا باستخدمها اكثر من اللانسر علشان البنزين ...

abs مهم جدا جدا ....
مش عارف اقولك ايه

[ahmedmohamed7]

معلشى هو لازم ميتسوبشى ؟ ماينفعشى كيا ريو مثلا ؟

[Mohamed Saber]

شوف جين 2

[amrh]

مقارنه غريبه بصراحه انا مش عارف اقولك ايه...انا معايا الاتنين اللانسر شارك و الاتراج..و الاتنين حلوين لكن دى فئه و دى فئه....

الاتراج انا باستخدمها اكثر من اللانسر علشان البنزين ...

Abs مهم جدا جدا ....
مش عارف اقولك ايه

عارف ان الـ abs مهمه جدا.. بس للاسف اللي متوفر من اللانسر هوا البيسك بس..

انت عندك الانسر اي فئة؟

ومن سواقتك للاتراج.. الـ 3 سلندر ماحستش بتاثيره؟
قريت ان الاتراج ممكن تمشي تقريبا 1000 كيلو في التفويله الواحده..

وايهم انعم في السواقه.. الانسر ولا الاتراج؟

[amrh]

معلشى هو لازم ميتسوبشى ؟ ماينفعشى كيا ريو مثلا ؟

الريو جميله.. والسيراتو اجمل.. بس فيه حاجه..

انا اصلا ماكنتش بفكر اشتري عربية حاليا.. انا نازل خطوبه بعد كام يوم فـ زي ما حنقول كده.. شقى عمري حيروح :d :d

اللي خلاني افكر في اني اشتري هوا العرض اللي نازل مع الانسر.. بدون مقدم.. بدون فوايد.. واول قسط بعد 3 شهور..

بمعنى تاني.. هما فاضلهم استوك وعايزين يخلصو منه قبل ما ينزلو الجديد اللي اصلا الانسر كان سعره 61 الف..

انا فعلا فكرت في السيراتو بس كنت حدفع 6 مقدم.. ومن جوا العربيه حكايه فعلا والعربية نازله 2015 .. بس ظروف منعتني الى جانب الانسر شبابي جدا..

شوف جين 2

انا مش في مصر..

[مؤمن حمزه]

الاتراج انا باحبها جدا العربيه ناعمه و سلسه جدا فى السواقه و عملت معايا فى ال25 لتر 500 كم تقريبا....يعنى ممكن تجيب 900 فى التنك طبعا ده على حسب طريقة سواقتك...لكنها فى حدود مابين 800 الى 900 فى التنك...اللانسر عزم اقوى و سحب اقوى عربيه رائعه معايا الفئه الثانيه اوتوماتيك و برضه عربيه محترمه جدا جدا.....موضوع ال3 سلندر ده و لا فارق معايا فى اى حاجه و لا حاسس بفرق خالص ....هاشوف على المدى الطويل ايه اللى هيحصل.

[ahmedmohamed7]

الاتراج انا باحبها جدا العربيه ناعمه و سلسه جدا فى السواقه و عملت معايا فى ال25 لتر 500 كم تقريبا....يعنى ممكن تجيب 900 فى التنك طبعا ده على حسب طريقة سواقتك...لكنها فى حدود مابين 800 الى 900 فى التنك...اللانسر عزم اقوى و سحب اقوى عربيه رائعه معايا الفئه الثانيه اوتوماتيك و برضه عربيه محترمه جدا جدا.....موضوع ال3 سلندر ده و لا فارق معايا فى اى حاجه و لا حاسس بفرق خالص ....هاشوف على المدى الطويل ايه اللى هيحصل.

اللهم صلي على النبي :-) ماشاالله

[S O P H O S]

مهما كان الشارك افضل
ولو مفيهاش غير ماتور بردوا احسن فرأي

[amrh]

اشكر كل من رد عليا وافادني.. واخصص شكري للعضو مؤمن حمزه..

انا حتكل على الله واجيب شارك..

[max13]

[quote=s o p h o s;3875687339]مهما كان الشارك افضل
ولو مفيهاش غير ماتور بردوا احسن فرأي[/quote

كلام سليم