اشتري شارك ولا بومه

[amr samir]

انا يا جماعه باشترى عربيه زيرو ومحتار بين البومه و الشارك
البومه عاجبني فيها رخص و توفر قطع الغيار وسعر اعاده البيع العالي بس شكلها قدم اوى اوي ,قلت اجيب شارك اهي بنت عمها وشكلها حلو
هل يا تري في مشكله مع الشارك في اعاده البيع و قطع الغيار من حيث التوفر والاسعار
وهل اداءها اقل من البومه

[simon659]

اداء البومه اعلي من الشرك ؟بصراحه ده سؤال مش في محله
اشتري شارك تاني فئه اوتو بجد احسن عربيه في السوق كله من عفشه لماتور لفتيس لتصميم لا طبعا وبعدين خش علي قسم الماتسوبيشي مش هتلاقي ليها مشاكل مزكوره خالص غير مشاكل فرديه

[Adnfalcon]

بومه ايه تاني يا ناس !
دي عربيه منقرضه اصلا
خلص فالشارك طبعا

[J A G U A R]

الشارك افضل مفيش كلام بس صيانتها وقطع غيارها اغلى شويه

[Mido Casper]

الشارك شكلها احلي و اجمد بس البومه احلي في انها بتطور من جوه وشكلها مطلوب وعشان كده بينزل منها الشكلين لحد دلوقتي وعن تجربه صديق كان جايب ب البومه 180 بالتكيف . . . بس ربنا معاك و صلي استخارة وربنا يديك اللي فيه الخير ليك ان شاء الله ^_^

[hesham fawzy h]

اداء الشارك افضل بكتيييييييير

بس قطع غيارها غالية

[ENG.MaRk]

شارك بدون كتر تفكير ... الأداء أحسن و الشكل إلي حد ما ثوري و شبابي مقبول و بصراحة عربية وهم ... البومة شكلها رخم أوي و لا تتميز عن الشارك في أي حاجة غير إن أسعار صيانتها و قطع غيارها أرخص

[Fadi Ezzat]

هيا الشارك احسن فعلا فى ثبات وسحب بس البومة بياعة اوى اوى

[S O P H O S]

كل شئ بثمن
والثمن ان الشارك افضل بمصاريف تكلفة اعلي

[Mido Casper]

الشارك شكل اكتر ف نظري

[David Micheal]

بص يا زعيم البومه حلوه و زي الفل و مافيش كلام بس انا واحد من الناس اللي بعد ماجبت البومه احلوت في عيني الشارك

الشارك تكنولوجيا احدث و موتور و فتيس و عفشه حكايه
و البومه الجديد واحشه اصلان فاخليك في الشارك

[David Micheal]

الشارك شكلها احلي و اجمد بس البومه احلي في انها بتطور من جوه وشكلها مطلوب وعشان كده بينزل منها الشكلين لحد دلوقتي وعن تجربه صديق كان جايب ب البومه 180 بالتكيف . . . بس ربنا معاك و صلي استخارة وربنا يديك اللي فيه الخير ليك ان شاء الله ^_^

علي فكره 180 بالتكييف ده عادي جدا في البومه انا بمشي 190 و التكييف علي 2 علي طريق الجيش بتاع العين السخنه
البومه اصلان التكييف مش بياثر فيها خالص

[limo]

يا باشا ريح دماغك وهات شارك لان البومه كده كده. اتوقف انتاجها خلاص والموجود بواقى عند التجار وسعرها مبالغ فيه. بغباء وكيل 155 اول فئه خليجى 145 اول فئه. زمان الى خلانى اجيب البومه سعرها كانت مناسب لامكنياتها والفرق بينها وبين الشارك كان 30 الف جنيه. والشارك كانت 1500 لاكن حاليا 1600 توكل على الله مفيش عربيه يابانى بالكامل فى مصر كلها. دلوقتى غير الشارك والسعر ده

[Mido Casper]

علي فكره 180 بالتكييف ده عادي جدا في البومه انا بمشي 190 و التكييف علي 2 علي طريق الجيش بتاع العين السخنه
البومه اصلان التكييف مش بياثر فيها خالص

كويس جدا دي بوينت زياده في حق البومه ^_^

[David Micheal]

كويس جدا دي بوينت زياده في حق البومه ^_^

هي الشهاده لله فعلان العربيه معايا سحبها حلو اوي و انا مشغل التكييف علي طول اصلان

بس ساعات تلاقي العربيه مش بتسحب بس الكلام ده لما يكون في هوا شديد اوي يعني انا كنت مسافر من الغردقة لراس غارب الهوا كان شديد جدااااااا
كانت فعلان العربيه بتسحب بالعافيه و كنت جايب ال 140 و ار بي ام علي 3.75 او 3.5 و في المعتاد 3.75 ده ولا 4 بكون علي 160 او 150 و التكييف كان علي 3 ومعايا 3 راكبين