انصحونى اتراج ولا سوزوكى ديزاير ؟

[shedoz]

ياريت تفدونى اول فئه اتوماتيك اتراج ولا سوزوكى ديزاير مع العلم ان السوزوكى 4 سلندر وايه الفرق بين 3 سلندر و4 سلندر هل فى خوف من رعشه فى العربيه فيما بعد ولا ايه وشكر ليكم مقدما

[OmarAdel98]

suzuki swift

[felfel2010]

اتراج طبعا

[windofchange]

مبدئيا اقلك اختارميتسوبيشي اتراج اعتقد انها اوسع داخليا من الديزاير...وموضوع ال3 سلندر نزل مواتير زيه في رينو وفولكس وسكودا مش معضلة دي تكنولوجي... بس في الزحمة اللي موتوره 3 سلندر ارحم من اللي موتوره 4 و 6 و8 سلندر )

[shedoz]

مبدئيا اقلك اختارميتسوبيشي اتراج اعتقد انها اوسع داخليا من الديزاير...وموضوع ال3 سلندر نزل مواتير زيه في رينو وفولكس وسكودا مش معضلة دي تكنولوجي... بس في الزحمة اللي موتوره 3 سلندر ارحم من اللي موتوره 4 و 6 و8 سلندر )

ارحم من نهية ايه استهلاك البنزين يعنى ؟ وهل لا يوجد رجه عشان دى 3 سلندر ولا التتكنولوجيا الجديده بقا كلو تمام ؟

[shedoz]

اتراج طبعا

اشمعنى ؟

[shedoz]

suzuki swift

اشمعنى ؟

[ahmedalaahosny]

لا دى وﻻ دى دور على حاجه مستعمله احسن بشرط انها تكون نضيفه ده لو فى حاله ان الفلوس موجوده كاش انما لو تقسيط يبقى حاول تشوف اللوجان الجديده او البيحو 301 احسن بكتيررر

[windofchange]

ايوه ارحم في الاستهلاك واللي بيشتري ديزاير او اتراج اعتقد بيدور بشكل اساسي علي استهلاك البنزين فمقارنتهم الاتنين باللوجان والبيجو لو من ناحية الاستهلاك هما يكسبوا

[m.m.mohsen]

انا انصح حضرتك بالديزاير وبكل صراحة انا لسه مستلمتهاش بس هستلمها كمان اسبوع ان شاء الله، انا كنت رايح احجز سويفت هاتش باك وناويها خلاص والله اول ما شوفت الديزاير اتوهمت بيها وعجبتنى جدا ماشاء الله، قمت بقى اقعدت اجيب مواقع اجنبيه كتير زى الموقع هنا بالظبط وفيها ناس كاتبين عن الديزاير لقيت الناس كلها بتشكر فيها وفسحب العربية واستهلاك البنزين اللى هو اكتر حاجة تهمنى وكمان التابلوه والتقفيل والاوبشن اللى فيها رغم ان التوكيل شال اوبشن كتير منها لكن الاوبشنز كويس جدا والصالون واسع جدا واللى عجبنى فيها ان الكنبة اللى ورا اوسع 15 سم من السويفت هاتش باك وقعدنا فيها لقيناها تاخد 3 مستريحين والشنطه مساحتها كويسه جدا وواسعه ، انا استخرت الله وربنا وفقنى ليها وحضرتك كمان ممكن تستخير ربنا ، ادعولى استلمها على خير وربنا يكفينى شرها ويرزقنى خيرها دى ديون واقساط وشقى عمر

[shedoz]

انا انصح حضرتك بالديزاير وبكل صراحة انا لسه مستلمتهاش بس هستلمها كمان اسبوع ان شاء الله، انا كنت رايح احجز سويفت هاتش باك وناويها خلاص والله اول ما شوفت الديزاير اتوهمت بيها وعجبتنى جدا ماشاء الله، قمت بقى اقعدت اجيب مواقع اجنبيه كتير زى الموقع هنا بالظبط وفيها ناس كاتبين عن الديزاير لقيت الناس كلها بتشكر فيها وفسحب العربية واستهلاك البنزين اللى هو اكتر حاجة تهمنى وكمان التابلوه والتقفيل والاوبشن اللى فيها رغم ان التوكيل شال اوبشن كتير منها لكن الاوبشنز كويس جدا والصالون واسع جدا واللى عجبنى فيها ان الكنبة اللى ورا اوسع 15 سم من السويفت هاتش باك وقعدنا فيها لقيناها تاخد 3 مستريحين والشنطه مساحتها كويسه جدا وواسعه ، انا استخرت الله وربنا وفقنى ليها وحضرتك كمان ممكن تستخير ربنا ، ادعولى استلمها على خير وربنا يكفينى شرها ويرزقنى خيرها دى ديون واقساط وشقى عمر

ربنا يكرمك خير يارب ويديك خيرها ويكفيك شرها وتستلمها على خير وربنا يرزقك ويعوضك عن اللى هتدفعو ان شاء الله متعرفش حضرتك معدل استهلاك البنزين قد ايه والسعر كام وهيا اوسع ولا الاتراج ؟

[مؤمن حمزه]

ابعد عن السوزوكى وغنى له...عربيه جميله لكن خدمة مابعد البيع صفر كبير...علشان كده كل السوزوكى فشل فى مصر ماعدا الماروتى.....مش هتلاقى قطع غيار حتى فى التوكيل احيانا كثيره و مش بيفهموا حتى فى عربياتهم...

مافيش مقارنه اصلا....الاتراج افضل بمراحل

[3abdo]

شوف الا لوجان الشكل الجديد حلو جدا بلاش 3 سلندر مهما كان التكنولوجيا هتبقا بردو العربيه ضعيفة والعزم مش اوي خليك في حاجة 4 سلندر ربنا يجبلك الخير يابشا

[dr_a7mad]

نفس الحيرة اللي كانت عندي لكن انتبه لبعض الأمور :

1- ايه اللي يهمك في العربية ؟ هل يهمك انك تحرق عليها وللا توفر بنزين ؟ هل يهمك انها عائلية للمدينة وكدا وللا هتسافر كل يوم ؟ يهمك اوتوماتيك او مانوال وللا لأ ؟

2- كانت حيرتي الاولى بين الديزاير واللوجان ودخلت منتدى دي ودي لقيت ان السوزوكي حلوة جدا خارج مصر لكن في مصر اللي جابوها مبسوطين بيها كعربية لكن قارفهم التوكيل فطبيعي ان خارج مصر تلاقي الكلام عليها عسل فقالو اذا هتسحمل قرف التوكيل هاتها
وبعدين في اللوجان لقيت الاوبشنز اللي فيها أعلى حاجه في فئتها وزي مبيقولو ان سعرها على قد اللي فيها مش مأفورين فيها زي بقيت الماركات اللي بتبيع اسمها وفيها طبعا عيوب وقالو انها طريقة تصنيع مش عيوب لكن اللي منعني منها انها مانوال والأوتوماتيك لسا مش السنادي هينزل وانا مش هدفع المبلغ دا واجيب منوال في شوارع مصر الزحمة دي

3- كنت مستبعد الاتراج جدا بسبب ال 3 سلندر وال 1200 سي سي لكن لما دخلت وشفت آراء اللي اشنروها وان ماتورها 2 كامة مش كامة واحدة زي اللوجان فبيعوض الفرق دا في السعة لما تعوز تحرق

وكونها ياباني دي حاجه تانية حتى لو بتتصنع في بلد تانية زي أي حاجه المهم المشرفين عليها وأصل التكنولوجيا بتاعتها زي توكيل أديداس او نايك اللي في الصين مثلا عادي كانها من بلادها

**فقلت ""أجربها"" وبالفعل عربية محترمة بفضل الله ناعمة جدا في المناورات وتجري بيها مع التكييف والتحميل لحد 120-130 لكن على 150 لازم تكون منتبه جدا لان وزنها خفيف 850كجم عشان تكون أخف عالمتور .. شنطتها 450 لتر واسعة جدا والصالون بتاعها يركب فيه 3 ورجليهم مستريحة حتى لو رجعت الكراسي اللي قدام عالآخر وجرب

أنا جبت الخليجي معدل عالفئة التانية 105 الف .. مرايات كهرباء دركسيون مالتي فنكشن زجاج كهرباء أمامي وخلفي 2 ايرباج ..abs .. كاسيت أحدث cd -usb .. أحزمة أمان بالمقاعد الخلفية ...

5- وأخيرا حدد أهدافك من السيارة التي تريدها و استخر ربك فلا تدري أين الخير لك فربما كان الأفضل لغيرك هو الأسوأ لك والعكس أيضا .. وفقك الله لما يحب ويرضى

[مؤمن حمزه]

3abdo

انا اسف كلامك مش مضبوط خالص...هل حضرتك ركبت العربيه قبل ماتقول انها ضعيفه !!!!ياريت تجربها الاول و بعدين قولى رايك....الاتراج عربيه فى منتهى القوه و عزم رائع و سحب على اعلى مستوى....جربها بنفسك و شوف....بلاش حكم من غير تجربه لانه غير دقيق و غير سليم..