إعـــــــلان

Collapse

.

,
See more
See less

اشترى اتراج و الا لا

Collapse
X
 
  • Filter
  • الوقت
  • Show
Clear All
new posts

  • #31
    DR-AHMED HELAL

    مبروك عليك العربيه و ربنا يحافظ لك عليها و يكفيك شرها....ياريت بقى تقولنا و انت من ملاك العربيه الحاليين...هل الكلام اللى احنا كتبناه عنها كان صحيح و لا لا..و ماهو تقييمك الفعلى بعد شرائها؟

    Comment


    • #32
      الله يبارك فيك :)

      انا كنت شفتها قبل ما ادخل المنتدى ادور عليها لما لقيت كلام حضراتكم ... بس انا مش بحب اسيب حاجة كده الا لما اهرس التفاصيل بتاعتها كل معلومة قولتوها دورت عليها فعلا الملاحظ ان كل اللى شكك فيها مجربهاش فى سواقة فعلية ... و اللى جربها اتفاجئ بيها اصلا يعنى حتى مكنش يعرف انها كده

      بالنسبة للسحب فعلا العربية ملهاش حل و علو العربية فى المطبات برده ماشاء الله

      التكييف ولا حاسس بيه فى الموتور لا صوت و لا حركة الموتور متأثرين بيه و التكييف معقول منقدرش نقول انه مميز اوى بيأدى الغرض منه بس بالنسبة للموتور ده كويس جدا

      العربية واسعة بمعنى الكلمة ...
      انا لسه مستلم امبارح بالليل و عملت بيها حوالى 100 كيلو .... تقريبا البنزين نزل شرطة واحدة مع تشغيل دائم للتكييف عشان اجيب اخرها ... مزودتش عن 100 فى السرعة لانى فى طريق متساعدش على اكتر من كده الثبات بتاعها كويس بالنسبة لوزنها لانها فعلا خفيفة .... العربية دى هتسمع كلامها هتريحك اوى... لو حبيت تستهبل عليها وتحملها حاجات ملهاش لازمة هتزعلك ....

      اجمالا لحد دلوقتى عربية مميزة ف النقاط الاساسية اللى انا اشتريتها عشانها

      Comment


      • #33
        ان شاء الله فى اقرب فرصة هكتب تقرير مفصل عنها

        Comment


        • #34
          احلى كلمه انت قلتها انها عربيه مفاجأه ...اللى يسمع 3 سلندر و 1200 بما اننا شعب عاشق للفشخره الكذابه يقلق لكن لو دور العربيه دى و طلع بيها بيجيله صدمه عصبيه بتنسف له كل افكاره الباليه..لان العربيه فعلا قويه و سريعه و واسعه و كل المميزات اللى يحتاجها الانسان موجوده فيها...بعيدا طبعا عن الاوبشنز الزياده اللى عمر ميتسوبيشى مابتهتم بيه اصلا....اهتمام ميتسوبيشى الاول موتور فتيس عفشه...و دول اتحدى حد يشتكى منهم فى اى عربيه ميتسوبيشى....

          Comment


          • #35
            بالنسبة للاوبشن انا معايا الهاى لاين ... بصراحة فارقة كتير عن الفئة التانية فى شكل التابلوه بسبب الكاسيت بتاعها التانية فقيرة شوية ... بس لو قارنتها بتابلوه السنديرو ستيب واى 2014 بما انى كنت هشتريها هناك فرق لصالح الاتراج ... ستيب واى بتعمل 200 كيلو فى الصفيحة وهنا بنتكلم عن 500كيلو تقريبا فى الصفيحة هناك فرق سيدى الفاضل ... مانويال مقابل اتوماتيك ... انا كنت حاجز ستيب واى و غيرت فى لحظة لما شفت الاتراج ... لانى لقيت اللى كنت عاوزه و تايه عنى ماتور اقتصادى بأداء قوى .. . تكييف كويس ... عالية عن الارض ... اتوماتيك و فى الاخر يابانى متسوبيشى مش اى حاجة اسيبها ازاى دى مش فاهم انا :)

            Comment


            • #36
              المشاركة الأصلية كتبت بواسطة dr-ahmed helal مشاهدة المشاركة
              بالنسبة للاوبشن انا معايا الهاى لاين ... بصراحة فارقة كتير عن الفئة التانية فى شكل التابلوه بسبب الكاسيت بتاعها التانية فقيرة شوية ... بس لو قارنتها بتابلوه السنديرو ستيب واى 2014 بما انى كنت هشتريها هناك فرق لصالح الاتراج ... ستيب واى بتعمل 200 كيلو فى الصفيحة وهنا بنتكلم عن 500كيلو تقريبا فى الصفيحة هناك فرق سيدى الفاضل ... مانويال مقابل اتوماتيك ... انا كنت حاجز ستيب واى و غيرت فى لحظة لما شفت الاتراج ... لانى لقيت اللى كنت عاوزه و تايه عنى ماتور اقتصادى بأداء قوى .. . تكييف كويس ... عالية عن الارض ... اتوماتيك و فى الاخر يابانى متسوبيشى مش اى حاجة اسيبها ازاى دى مش فاهم انا :)
              اولا ربنا يديك خيرها ويكفيك شرها ثانيا الف مبرووووك
              بس لو ممكن صور للعربيه واقعه يابى كتر خيرك وياريت نعرف السعر كام ومنين المعرض ولون العربيه ايه

              Comment


              • #37
                الله يبارك فيك

                السعر 113 من المصرية للسيارات فرع دمياط

                اللون فضى .... فى اقرب وقت ان شاء الله هصورها و انزل صورتها مع التقرير

                Comment


                • #38
                  انا مراتى كانت هتموت على الستيب واى برضه و بصراحه عربيه جميله..بس الرينو مخيفه جدا فى الصيانه و فى قطع الغيار ده غير انها مانيوال و ب103 الف!!!!!!!!!!!!! لكن الاتراج رائعه بصراحه و لو قارنتها باللى فى فئتها تكسب بكتير قوى ..سواء الافيو و لا الصنى الجديده و لا الستيب واى و اللوجان...الاتراج افضل بكثير جدا جدا جدا.......انا حاولت انزل صور العربيه و اعمل موضوع بس المنتدى فيه مشكله فى تحميل الصور ..انا عربيتى سيلفر برضه..احلى لون فيها تقريبا..

                  Comment


                  • #39
                    لو عاوز الحق احلى لون الاسود بس تراب بقى هيبقى فظيع ....

                    النهاردة لقيتها معدية قدامى فى الشارع بس لون احمر فرحت جدا بصراحة :)

                    Comment


                    • #40
                      الاسود مش عاجبنى خالص لان التراب هنا مشكله..ده السيلفر التراب مجننى و قرفنى مابالك بالاسود...الاحمر فيها تحفه برضه..... كان نفسى الهوايات الاماميه كانت تبقى نيكل زى العربيه اللى بتنزل بره كان هيغير شكل العربيه...متضايق قوى من الهوايات الحاليه

                      Comment


                      • #41
                        الهوايات دى لو كانت نيكل كانت اتسرقت منك :)

                        عامة العربية تصميمها مقبول جدا جدا سواء بره او جوه .... العربية دى رهانها من الاخر على الموتور

                        Comment


                        • #42
                          ههههههههههههههههه عندك حق و الله حاجه تشل...العربيه بالنسبه لى رائعه و فعلا ميتسوبيشى دائما رهانها على الموتور و الفتيس و العفشه....


                          موتور العربيه دى مش طبيعى..تكنولوجيا عاليه قوى...ثم فى تكامل فى وزن و قوة الموتور مدى اداء رائع...مع ثبات على السرعات العاليه ممتاز....بصراحه تسلم ايد اللى عمل العربيه دى

                          Comment


                          • #43
                            أستلمت الاتراج الحمراء بس بصراحه عربيه اقتصاديه و كويسه

                            Comment


                            • #44
                              مبروك عليك يا جميل ربنا يديك خيرها و يكفيك شرها يارب...و ايه انطباعك عنها..جبت اول فئه و لا ثانى فئه اوتو؟

                              Comment


                              • #45
                                الحمد لله استلمت اتراج زرقا اول فئه
                                بس ماشاء الله سحب وتكيف ووسع
                                عربيه تحفه

                                Comment

                                Working...
                                X