إعـــــــلان

Collapse

.

,
See more
See less

تقرير عن عربيتى الاتراج بعد صيانة 1000 كيلو (هام جدا)

Collapse
X
 
  • Filter
  • الوقت
  • Show
Clear All
new posts

  • تقرير عن عربيتى الاتراج بعد صيانة 1000 كيلو (هام جدا)

    معلش الموضوع يمكن يكون كبير بس اعتقد كل اللى هيشترى عربية هياخد تقرير نهائى فى الموضوع ده

    اولا :
    انا من اسيوط واشتريت العربية من شهرين ونص وعملت حوالى 1400 كيلو وسافرت القاهرة توكيل ابو رواش الرئيسى

    ثانيا ( تجربة العربية على الطريق ) : الرحلة الاولى كانت من امبارح حوالى 450 كيلو من اسيوط للقاهرة وركب العربية 4 اشخاص سافرو معايا طبعا ابتدينا مع اول الصحراوى نفتح السرعة وصلنا 120 وكان القلق ان العربية جديدة ومنعرفش اخرها ومع الوقت وصلنا 130 وجبت بيها 150 وكانت ثابتة بس الغالبية كان 130 كان انسب

    ثالثا : الدخول للتوكيل من 11 صباحا وحتى الخامسة مساءا الوقت ده خلانى عشت جوة التوكيل ومع الناس اللى اشترت العربية وجاية تصينها لقيت ناس تانى عندها حدفة يمين فياريت نصيحة مهمة جدا للى جاى يشترى اتراج اعمل تست دريف اللى هتشتريها واتاكد انها مبتحدفش

    رابعا : قابلت عميل زيى جاب بعربيته سرعة 200 ودا اخر العداد وقالى ثابتة جدا جدا

    خامسا : العربيات كلها اتضبطت زوايا تمام ومفيش مشاكل

    سادسا : رحلة العودة كانت بالليل 450 كيلو واديت العربية لواحد سواق محترف والعربية مليانا 5 افراد والشنطة مليانا وعلى طريق الجيش كان معدله المتواصل سرعة 150 والعربية كانت ثابتة
    وجرب ووصل 180 والعربية ثابتة برضة وكمان ساب الدريكسيون لمدة دقيقة وبعد كدة حاول يجيب 200 وصل ونزل على طول لان مطبات الهوا بدات تشد قوى يعنى الخلاصة 150 مناسبة جدا ( واالى فهمته من 4 سواقين ومهندس الشركة ان اى عربية تقدر تجيب منها الرقم اللى انت عايزة بشرط ان اللى يسوق يكون قادر على كدة يعنى مش علشان اللى عمل 180 ده جابها يبقى كل اللى يركبها يقدر يعمل زيه ممكن تتقلب بيه الموضوع يرجع للسائق وكمان الطريق اللى ماشى عليه )

    سابعا : اللى عايز يجيب يشترى الفئة الاعلى اوتوماتيك فيها اوبشن كتير اعلى من اللى تسبقها
    يعنى الفئة الاعلى تزيد بجنوط سبورت وتحكم فى زجاج الاربع ابواب من عند السائق- المفتاح ريموت - الجنوط سبورت - الفرش تقريبا خامته اعلى والكرسى اكثر نعومة - الكاسيت اشيك - يو اس بى - طى المرايات كهربيا - فيها 2 ايرباج - فى ابنوس على الفتيس - التحكم بالكاسيت فى الطارة ( ولو هتختار لون الاحمر دم الغزال كان اشيك لون فى التوكيل )

    ثامنا : فى ميزة قالى عليها اللى جرب العربية معايا لو انا ماشى على 120 وجه موقف اطلب منى ازود بسرعة مرة واحدة علشان اتخطى عربية قالى شيل رجلك من على دواسة البنزين وانت ماشى ودوس عليها تانى تلاقيها نطرت معاك
    تاسعا: التكييف رهيب على اول نمرة ومحدش مستحمله

    عاشرا:
    البنزين : العربية ذهابا عملت حوالى 500 كيلو وتم استهلاك حوالى 27 الى 30 لتر يعنى نقدر نقول لتر لكل 16 كيلو متر بالتكييف واربع افراد جوة العربية
    وفى العودة 500 كيلو عملت من 30 الى 35 لتر بمعنى لتر لكل 14 كيلو والعربية فيها 5 افراد 2 وزن تقيل والشنطة مليانا

    يتبقى شيئا واحدا : الانتظار لمعرفة فترة عمر المتور 1200 وهل هيستر على المدى البعيد

    الخلاصة : العربية ممتازة وتقدر على الطرق توصل بيها لسرعة 150 وانت مليها
    الفئة الاعلى اكثر اناقة وكماليات افضل
    استهلاك البزين حلو قوى
    التكيف ساقع جدا وماثرش على المتور نهائى وكان كل واحد شغال لوحده
    اتاكد من زوايا العربية عند الشراء

    معلومة هامة قطع غيارها : الفانوس ب950 جنيه والاكصدام ب 2500 جنيه

  • #2
    تسلم على التقرير
    [SIGPIC][/SIGPIC]
    [COLOR="Magenta"][/COLOR]

    Comment


    • #3
      تقرير رااااااااااااائع ومفيد شكرا لمجهودك

      Comment


      • #4
        تكاليف الصيانه كام وتم طبعا تغيير الزيت ؟؟

        Comment


        • #5
          المشاركة الأصلية كتبت بواسطة shedoz مشاهدة المشاركة
          تكاليف الصيانه كام وتم طبعا تغيير الزيت ؟؟
          التكاليف 407 جنيه
          وتم تغيير الزيت

          Comment


          • #6
            ربنا يملهالك بركة
            [CENTER][rmade]http://nileup.com/up/uploads/nilemotors_13995643141.jpg[/rmade][/CENTER]
            Kingrab ساابقا

            Comment


            • #7
              تقرير ممتاز و ياريت ماتنسناش من تقاريرك الحلوه مع كل صيانه لان في ناس كتير مهتمين بالاتراج و تقاريرك مهمه ليهم جدا

              Comment


              • #8
                تقريييير فى وقتة
                [COLOR="RoyalBlue"][SIZE="5"][U]سبحان الله و بحمدة سبحان الله العظيم
                لا اله الا الله محمد رسول الله[/U][/SIZE][/COLOR]

                Comment


                • #9
                  جزاك الله خيرا.

                  Comment


                  • #10
                    كويس قوى انا كمان هاعمل صيانة الالف قريبا...عربيتى مش بتحدف يمين الحمد لله فى كل الاحوال موضوع بسيط.....العربيه ممتعه بجد انا سعيد جدا باختيارها...

                    Comment


                    • #11
                      الف مبروك وربنا يباركلك فيها ويستر طريقك

                      لكن منصحكش بأي سرعة اعلى من ال 100 في العربية دي
                      eng f3lix سابقا

                      Comment


                      • #12
                        تقرير جميل
                        ربنا يبارك يا باشا وبلاش سرعات عالية

                        Comment


                        • #13
                          مقلتش بالتكيف وزيادة العدد السحب اتاثر ولا لا ؟؟

                          __________________________

                          اللهم صلى وسلم وبارك على سيدنا محمد

                          Comment


                          • #14
                            الف مبروك وربنا يكفيك شرها

                            Comment


                            • #15
                              تقرير جميل اوي ومفصل ربنا يبركلك فيها انشاء اللة ويكفيك شرها
                              بس في حاجه 407 كتير شوية
                              لان صيانة 1000
                              تغير زيت وفلتر بس مش اكتر
                              والعربية دي بتاخد 3 لتر بس
                              لو امكن التفصيل بتاعها اكون شاكر لحضرتك
                              عشان نفهم الزيادة

                              Comment

                              Working...
                              X