ما هى اسباب فشل كولت من وجهة نظركم في مصر ؟!!

[Mostafa Taher]

الى المهندس طارق زويل

وباقى الاحبة في منتدى متسوبيشى

ما هو من رايكم اسباب فشل كولت في تحقيق النجاح في مصر

شكل - مضمون - كماليات - عيوب فنية ؟؟؟

المشكلة فييين ؟

[Ahmed Anwer]

إذا وجد السيدان بطل الهاتشباك

القاعدة المصرية رقم 1

[Qamar]

فبل اللانسر بتاعة حمايا ( 2088 بومه)كنا ناويين على كولت و تمام 2 air bag و صور على النت مذهلة ( بالنسبة لابنه). و نزل شافها و بمنتهى الروح القتالية أقنع والده بالهاتشباك.
النتيجة: العربية مش وحشة. لكن المصور محترف زيادة عن اللزوم. صورتها احلى منها بكتيييييير. الواد يا عيني جاله احباط و قال اللانسر حلوة...الصين حلوة ...الطيارة حلوة!

[masterzmind]

shaklha el2nsyabi el mot5lef we tasmamha wa7eeeeeeeeeesh aweeeeeeeee m3eeeeeeen ana b3sha2 el colt model 1999 dea faz3aaaaaaaaaaaaa gamda gedaaaaaaaan we bab wa7ed we shababi moooooooooooot

[SAbuhashem]

المواطن المصري_البعض وليس الكل _ إلي معاه ٩٠ ألف جنيه بيبقى عاوز يشتري بيهم بوينج ٧٤٧
أطول وأعراض عربيه في العالم لو أمكن

تقوم تقولي يدفع ٩٠ ألف في اللعبه دي
فين البريستيج بتاع الحج !

وده سبب إنتشار عربيه زي الاسبرانزا ٦١٢


Thanks
Eng.Sherif Shaker

[salehgharib]

السبب الأول إرتفاع سعرها بالمقارنة بسيارات كثيرة

وعلى فكرة مؤشر العربية بيبان من الأول السيارة مع إرتفاع سعرها وصغر حجمها أيضا

ثانيا إنتو ملاحظين إن التسويق فى ميسيوبيشى سيئ جدا

يعنى عمرك ما تشوف إعلان أن لانسر لا فى الجرائد أو التليفزيون

وتحس كمان إن الأنسر العربية الوحيدة المجودة فى السوق تحس إنها ملهاش صاحب مستوردين ووكلاء
والخليجى يتصنف لآمراتى وكويتى وسعودى واردنى وسيارة الوكيل وأسعار يمين وشمال

بس تحس إن فية لخبطة حتى الوكيل عنده سيارات خليجى

كل ده ما يمنعش إن الأنسر سيارة كويسة بس كان ممكن الوكيل يكون موقفة أحسن بكثير من كده

[Sharky]

من الأخر :
1- الشكل
2- السعر
3- هاتشباك

[kaboo4]

انا رائى انها عربيه ممتازة وتنفع مصر مصر محتاجة عربيه صغيرة مش كبيرة
بس يعتبر سعرها غالى جدا مقارنة بألى فى حجمها و بعدين شكل 2008 مش عاطفى خالص عكس الاشكال القديمة منها 1999 ممتازة
ملحوظة كمان قطع غيرها مش متوفرة و مثلا الفوانيس بتعتها اغلى من الانسر شارك و دة طبعا موديل 2008

[MedaSam]

المواطن المصري_البعض وليس الكل _ إلي معاه ٩٠ ألف جنيه بيبقى عاوز يشتري بيهم بوينج ٧٤٧
أطول وأعراض عربيه في العالم لو أمكن

تقوم تقولي يدفع ٩٠ ألف في اللعبه دي
فين البريستيج بتاع الحج !

وده سبب إنتشار عربيه زي الاسبرانزا ٦١٢


Thanks
Eng.Sherif Shaker

+100000000000000

I totally agree with you

[مصراوي جدا]

إذا وجد السيدان بطل الهاتشباك

القاعدة المصرية رقم 1

اعتقد برضه هو ده السبب

اصل السوق المصري له قواعد وآليات تانية خالص غير كل اسواق العالم

الشكل : فيه ناس مش عاجبها وفيه ناس عاجبها

المواصفات والامكانيات : دي نفس محرك الشارك وفتيس ايزي ترونيك يعني مفيش احسن من كده

الكماليات : كويسة جدا مقارنة بمثيلاتها

السعر : اول لما نزلت كان غالي (119 ألف) وده لأنه صناعة أوروبي والايد العاملة غالية لكن السوق المصري له حدود في الهاتشباك لا يجب ان تزيد عنها وهي حوالي 90 ألف

[bebo_mz]

انا رائى انها عربيه ممتازة وتنفع مصر مصر محتاجة عربيه صغيرة مش كبيرة
بس يعتبر سعرها غالى جدا مقارنة بألى فى حجمها و بعدين شكل 2008 مش عاطفى خالص عكس الاشكال القديمة منها 1999 ممتازة
ملحوظة كمان قطع غيرها مش متوفرة و مثلا الفوانيس بتعتها اغلى من الانسر شارك و دة طبعا موديل 2008

انا على نفسى موافق على راى الاستاذ ان شكل الكولت القديم تحس كدة زى ما بيقولوا انها عاطفية هههههه يعنى اقصد تحس كدة انها شبابية انما الشكل الجديد مش عارف شكلها حلو ما قولناش حاجة بس انا كنت منتظر من شركة ميتسوبيشى شكل اشد من القديم لقيت شكلها ما يلفتش الانتباة اوى يعنى سورى انا نسيت اسلم عليكم يا شباب السلام عليكم ازيكم وعاملين اية انا عن نفسى راكب لانسر 2007 1300ccكاملة مانيوال

[bebo_mz]

اعتقد برضه هو ده السبب

اصل السوق المصري له قواعد وآليات تانية خالص غير كل اسواق العالم

الشكل : فيه ناس مش عاجبها وفيه ناس عاجبها

المواصفات والامكانيات : دي نفس محرك الشارك وفتيس ايزي ترونيك يعني مفيش احسن من كده

الكماليات : كويسة جدا مقارنة بمثيلاتها

السعر : اول لما نزلت كان غالي (119 ألف) وده لأنه صناعة أوروبي والايد العاملة غالية لكن السوق المصري له حدود في الهاتشباك لا يجب ان تزيد عنها وهي حوالي 90 ألف

انا مع حدرتك يا استاذ طارق الاول السلام عليكم انا احب بردوة اقول ان شكلها الجديد مع انى احب شركة ميتسوبيشى بس الظاهر ان الشكل دة عدى من تحت ايديها يعنى بمعنى ان الشكل الجديد كان المفروض كانوا يبقى اشد من الشكل القديم انا طبعا بتكلم بالنسبة للكولت يعنى الشكل القديم كنت تحس كدة انوة ماشى مع الشباب انما الشكل الجديد ما فيهوش اى حاجة للشباب زى ناخد مثل الجنوط فى الجديدة صغيرة اوى فى القديم كانت اكبر شوية وكذلك الرفارف للاتنين القديم والجديد ياريت تكون حدرتك فاهم قصدى ومثلا الكولت الجديدة صغيرة خالص ههههه ياريت اكون قدرت اوصل لحدرتك انا اقصد اية بالظبط.

[nobody]

على فكرة الكولت مش صغيرة ولا حاجة
من جوة قد اللانسر تقريبا
هو شكلها من بره يوحي انها صغيرة بس حتتفاجئ لو قعدت جوة

[OldVic]

على فكرة الكولت مش صغيرة ولا حاجة
من جوة قد اللانسر تقريبا
هو شكلها من بره يوحي انها صغيرة بس حتتفاجئ لو قعدت جوة

فعلا السيارة من الداخل واسعة و بعد الزجاج الامامى بسبب عرض التابلوه يعطى إحساس جميل بالاتساع.

بالنسبة للزميل الذى قال أن مافيهاش جنوط، هى صحيح بدون جنوط و لكن بها اطارات كونتننتال 195/50/15 ألمانى ممتازة! أنهى أهم؟ الجنوط أم الكاوتش الراكب فيها (نفس الماركة و الطراز و النقشة الموجودة فى المرسيدس ال B-Class بالمناسبة).

عامة السوق المصرى كما تفضل المهندس طارق و أوضح تحكمه أليات و عقليات عجيبة. فمثلا لا يعتبر معظم المصريين السيارة الهاتش عائلية و يفضلون حتى النسخة السيدان من نفس السيارة (مثل الميجان السيدان المنتشرة أكثر من الهاتش بالرغم من انها نفس السيارة!!! أى نفس الحجم). بينما فى حقيقة الامر الهاتش عملية أكثر، ففى معظم الموديلات يمكنك طى المقاعد الخلفية لتحصل على مساحة تخزين أكبر بكثير من السيدان. بس نعمل إيه، الشعب معتبر السيارة السيدان- أو كما سمعت البعض يسميها "شنطة"- برستيج. فكر عجيب فعلا.

أما بالنسبة لشكل السيارة فهو ملفت فعلا و كثيرا ما يستوقفنى الناس للاستفسار عنها (بما فى ذلك ضباط المرور، حتى أنه فى احدى اللجان على الصحراوى لم يقاوم الضابط فضوله و أخذ يسألنى عنها بينما كان يقوم بتحرير مخالفة سرعة لى :D) و لكن طبعا شكلها الغير مألوف جعل بعض الناس تنفر منها.

بالنسبة للسعر مقابل القيمة لمن علق على السعر، تركب سيارة هولندى بمكونات ألمانى و يابانى ب90 الف ولا سيتروين سى ثرى تركى ب 120؟؟؟ (هذا هو سعرها الحالى على كونتاكت!).

[waled369]

الكولت عربية عملية جدا و ماشية زي الحلاوة بالكويت بس اعتقد ان بقى لها كم سنة الوكيل مش بيجيبها أو جايز وقفوا انتاجها بالظبط مش عارف بس هيه هنا عربية ممتازة اعتقد لو فشلت في مصر لأنها باب واحد و أكيد مش عائلية و بالتالي سعر اعادة البيع بينزل كتير لأنها في الحالة دي مش هتكون مرغوبة .