هاستلم يوم الأحد والعربية رخصت 5000 جنيه !!!!

[AdelKKhalil]

يا جماعة الشارك أول وتاني فئة رخصة 5000 جنيه وأنا دفع 148,000 والمفروض استلم الاحد ؟؟؟
العربية دلوقتي بقت 143,000

أعمل إيه ؟
أنا كده خسران في العربية 5000 جنيه قبل ماركبها

أنا دفع مقدم والباقي من البنك وماضيت على العقد والشيكات في حل ؟

[Abo.Moazz]

بدل العربية لسه مرخصتش يبقى مفيش مشاكل .. أول قسط بيتحسب من تاريخ الترخيص
إتكلم مع البنك ووقف الإجراءات وإعمل إجراءات من أول وجديد .. وخليهم يغيرو الشيكات
ولو مرضوش .. قولهم إنك مش عايز العربية .. وروح قسط مع بنك تانى ومعرض تانى
هتبقى متعبة شوية بس التعب يستاهل ال 5000 جنيه

[georgedada82]

المفروض انك بتستلم علي سعر السوق ... ومفروض وصل المبلغ اللي حضرتك دفعه مكتوب فيه ان المبلغ بتاع السيارة ممكن يزيد او يقل
لو عملوا معاك حاجة ما تستلمش وكلم حماية المستهلك

[AdelKKhalil]

تمام قوي هكلم المعرض بكرة واكلم البنك يوم الاحد

شكرا

[AdelKKhalil]

هو في سؤال معلش البنك مكتوب في العقد بتاعه 148,000 بس أنا واخد قرض 98,000 بس

لو المعرض رجعلي الفرق لازم اكلم البنك ؟ ولا مش لازم ؟

[hossam_elwani]

يا جماعة الشارك أول وتاني فئة رخصة 5000 جنيه وأنا دفع 148,000 والمفروض استلم الاحد ؟؟؟
العربية دلوقتي بقت 143,000

أعمل إيه ؟
أنا كده خسران في العربية 5000 جنيه قبل ماركبها

أنا دفع مقدم والباقي من البنك وماضيت على العقد والشيكات في حل ؟

اتخصصلك شاسيه وموتور ؟

[AdelKKhalil]

لا أنا مش فاهم يعني إيه ؟ كل اللي أعرفه إني مارخصتيش والمفروض ارخص بكرة أو بعده بالكتير
كانوا قالوا إنهم حيبعتو يجيبو ورق العربية يمكن ده اللي إنت قصدك عليه ؟

[MOODEE_848]

متااايع

[aliabdo]

بص فى التقسيط المعرض مش بتاخد فلوسه الا لما العربيه ترخص ممكن تلعب عليهم فى الحته دي
و طلما مستلمتش من حقك تقول للبنك عايز اغير العربيه او المكان عادي جداا شويه وجع دماغ بس اريح و قبل كل حاجه شوف المعرض ايه الكلام معاه و فمهم لو مظبطوش الكلام مش حتستلم العربيه

[Mahmoud.hamedm]

انا فعلا عايز اعرف السبب الرئيسى فى هبوط سهر اول فئتان دون هبوط الفئتين الاخري
لو الهبوط على اللانسر المفروض يكون الجميع
بجد مش فاهم وحاجه تخنق ... الله يكون فى عون اللى اشترى خلاص وربنا يوفقك فى استرجاع الفرق

[Mahmoud.hamedm]

فى جريدة السيارات بتاريخ اليوم هبووووط فى اسعار كثير من السيارات مثل هوندا سيفيك وسيتى واوبل الاسترا والبيجو والسيات حوالى 5000 كل عربية
اللى يعرف السبب ياريت يفهمنا

[abolo2]

استفتسار
انا عايز اقسط شارك فئة تانية اوتو طبعا
انا تقريبا نفس ظروف تقسيطك
لو سمحت كنت عايز ازا سمحت يعني اعرف القسط كام زيك لو دافع 50000 وانت مقسط مع بنك اية وعلي كام شهر والورق المطلوب
اسف لو كنت هآغلبك معايا وعلي الاطالة

[Amgad Osama]

يا جماعة الشارك أول وتاني فئة رخصة 5000 جنيه وأنا دفع 148,000 والمفروض استلم الاحد ؟؟؟
العربية دلوقتي بقت 143,000

أعمل إيه ؟
أنا كده خسران في العربية 5000 جنيه قبل ماركبها

أنا دفع مقدم والباقي من البنك وماضيت على العقد والشيكات في حل ؟

كلم المعرض يا باشا انا كان عندي نفس المشكله وهستلم الاسبوع الجي انشاءالله وكلمته قولتله العربيه سعرها نزل لو هتسلمهالي بالسعر الجديد هستلم غير كده خليهالك وهجيبها من حته تانيه شويه وكلمني وقالي مفيش مشكله..
بس انا هدفع كاش فمشعارف لو قسط الموضوع يختلف ولا لا انا بس حبيت اشارك موقفي يمكن يفيدك انا كنت جايبها ب137 اول فئه نزلت ل 134..وربنا معاك وتستلم على خير انشاءالله

[Mahmoud.hamedm]

نصيحة ادفع زيادة شوية واشترى الفئة 2 الabs حيفرق اوى معاك

[AdelKKhalil]

استفتسار
انا عايز اقسط شارك فئة تانية اوتو طبعا
انا تقريبا نفس ظروف تقسيطك
لو سمحت كنت عايز ازا سمحت يعني اعرف القسط كام زيك لو دافع 50000 وانت مقسط مع بنك اية وعلي كام شهر والورق المطلوب
اسف لو كنت هآغلبك معايا وعلي الاطالة

بص أنا أخدت العربية عشان بيقولوا التقسيط بالاسعار القديمة في المعأرض وهتستنى كتير في التوكيل.

بص بقى يا سيدي :
أنا دفعت مقدم 50,000 جنيه
تقسيط على 60 شهر يعني 5 سنين
2460 في الشهر
مع بانك qnb بفائدة 8.8% وده عشان أنا المرتب بتاعي بنزل عندهم.
وعملت تأمين مع بيت التأمين المصري السعودي 20% تحمل عليه ب 4,400 جنيه

وتحت امرك لو عندك أي سؤال.