اتراج؟؟

[sara osama]

انا اول مره اسوق ومحتاجه عربيه اتوماتيك في ربينج من 100 ل 130 الف

وطبعا احد الخيارات اللي قدامي هي الاتراج

انا مش بفكر في اعاده البيع طبعا لان عاوزه حاجه تكمل معايا وقت طويل ..ومش مهتمه بالشكل ولا الكماليات..غير اني لسه في بدايات السواقه فمش هحتاج اجري بالعربيه

المهم عندي انها تكون مريحه ...من ناحيه البنزين فالكل اجمع ان استهلاكها قليل وكويسه فالنقطه دي ..عاوزه بس اعرف اخبار الصيانه وقطع الغيار ؟؟

وبالنسبه للثبات والامان علي الطريق لاني كل اسبوع باخد مشوار من القاهره للمنصوره ؟؟

عاوزه اعرفكم رايكم بمنتهي الامانه كمميزات وعيوب ..وهل هتنساب سواقه بنت ولا لا ؟

[ARKOON]

الاتراج عربية لسة جديدة في السوق ولسة مافيش اي تقرير عنها او مشاكل او عيوب , وفي الفئة السعرية متاح ايضا غير الاتراج الرينو لوجان او لانسر بومة او كيا ريو .

[مؤمن حمزه]

احنا كتبنا عنها كتير بس انا هاجاوبك لانى احترت زيك قبل ما اجيبها و لولا انى سمعت الناس و ارائهم كنت ممكن اختار اختيار سيء...

انا معايا العربيه بقالها شهرين تقريبا ...باركبها كل يوم تقريبا...العربيه سوبر توفير فى البنزين 900 كم فى التنك..رقم خيالى...العربيه ثابته جدا على الطرق السريعه .واسعه جدا من جوه .شنطه كبيره جدا.اسعار قطع غيارها معقول جدا بالنسبه للعربيات اللى فى نفس السعر...فرامل ممتازه...سحب و تسارع هايل.....العربيه لم تسجل حتى الان اى مشكله عامه و لا حتى خاصه...ادائها ممتاز معايا و مع كل من اشتراها...و باحبها جدا رغم انى معايا شارك بس باركب الاتراج اكتر


فى رنج ال130 عندك البيجو 301 ممتازه جدا بس قطع غيار غاليه قوى و بره التوكيل مش اى ميكانيكى يشتغل فيها....

[مؤمن حمزه]

برضه اختيارات تانيه فى رينج ال130.......الصنى الشكل القديم 118000 عربيه محترمه...البيجو 301 ...

مانصحكيش لا بالافيو لانها عربيه سيئه جدا...و لا بالريو لانها عربيه غير اعتماديه و مش بتعيش فترات طويله.....

[sara osama]

الاتراج عربية لسة جديدة في السوق ولسة مافيش اي تقرير عنها او مشاكل او عيوب , وفي الفئة السعرية متاح ايضا غير الاتراج الرينو لوجان او لانسر بومة او كيا ريو .

شكرا لحضرتك علي المساعده

[sara osama]

برضه اختيارات تانيه فى رينج ال130.......الصنى الشكل القديم 118000 عربيه محترمه...البيجو 301 ...

مانصحكيش لا بالافيو لانها عربيه سيئه جدا...و لا بالريو لانها عربيه غير اعتماديه و مش بتعيش فترات طويله.....

والله يا فندم انا الميزانيه بتاعتي في البدايه كانت 100 الف ..ولما شوفت العربيات اللي في الرينج ده وشوفت عيوبهم ..قلت اعلي الميزانيه شويه واقسط الباقي وبدات افكر فالبيجو فعلا والريو

بس لما لقيت الاتراج وانها علي قد ميزانيتي الفعليه كاش ..تحمست ليها ..ومحدش الا الان قال عيب قاتل فيها يعني
المشكله انها جديده بس


وبالنسبه للبيجو فقطع الغيار الغاليه هتبقي مشكله معايا لان دي اول مره اسوق فيها

بفكر اتوكل علي الله واشتري الاتراج وخلاص

عموما انا متشكره لرد حضرتك جدا

[eng.m7md.ali]

انصحك بعربية هاتشباك زي السويفت الجديدة .. ولو معجبتش حضرتك بصي عالميراج ..

[هانى شوقى]

الاتراج بقالها 3 شهور معايا عايز اقولك مناسبة جدا انا عندى المدام اتعلمت عليها السواقة فى اسبوع لان العربية ناعمة جدا وقطرها صغير وابعادها سهل التعود عليها واعتقد دا هيساعدك كتير فى البداية
النيسان شكل قديم مش مناسبة لاول سواقة غير انها بلاعة بنزين
البيجو 301 اختيار جيد بس خللى بالك من قطع الغيار
بالنسبة لقطع غيار الاتراج انا سالت مهندس التوكيل ورد عليا شفويا ان الفانوس ب 950 ج والاكصدام ب2500 ج ودى اسعار التوكيل
ممكن تفكرى فى البومة عربية اعتمادية جدا بس الشكل قدم واعتقد مش هينزل تانى

[مؤمن حمزه]

هانى شوقى

فعلا النسيان صنى الشكل القديم عايزه حد عنده خبره فى السواقه عربيه كبيره قوى و سواقتها مش سهله.الاتراج سواقتها سهله جدا جدا جدا جدا اى حد يقدر يسوقها ....

السوزوكى سويفت عربيه جميله لكن خدمة مابعد البيع زفت الزفت..و دى مشكلة سوزوكى الاساسيه....

اعتقد الاتراج بالفعل مناسبه اكثر ...

[eng.m7md.ali]

الاتراج بقالها 3 شهور معايا عايز اقولك مناسبة جدا انا عندى المدام اتعلمت عليها السواقة فى اسبوع لان العربية ناعمة جدا وقطرها صغير وابعادها سهل التعود عليها واعتقد دا هيساعدك كتير فى البداية
النيسان شكل قديم مش مناسبة لاول سواقة غير انها بلاعة بنزين
البيجو 301 اختيار جيد بس خللى بالك من قطع الغيار
بالنسبة لقطع غيار الاتراج انا سالت مهندس التوكيل ورد عليا شفويا ان الفانوس ب 950 ج والاكصدام ب2500 ج ودى اسعار التوكيل
ممكن تفكرى فى البومة عربية اعتمادية جدا بس الشكل قدم واعتقد مش هينزل تانى

هيا العربية لما يبقي الاكصدام بتاعها ب 2500 يبقي فين قطع الغيار الرخيصة؟؟ ده علي كدة السويفت ارخص والبيجو 3012 ارخص

[هانى شوقى]

هيا العربية لما يبقي الاكصدام بتاعها ب 2500 يبقي فين قطع الغيار الرخيصة؟؟ ده علي كدة السويفت ارخص والبيجو 3012 ارخص

متقلقش من قطع الغيار اول ما تنزل برة التوكيل هتلاقيها رخصت اوى العربية لسة جديدة ونزلت بعض المحلات اسال على قطع الغيار فقالولى قريب هنجيب بس لسة الاسعار بس مش هتوصل للتوكيل

[dr_a7mad]

اللي سمع عنها ومجربهاش يا ريت ميفتيش .. العربية روعة بسم الله ما شاء الله

نعومة وثبات ومناورة وراحة

[eng.m7md.ali]

متقلقش من قطع الغيار اول ما تنزل برة التوكيل هتلاقيها رخصت اوى العربية لسة جديدة ونزلت بعض المحلات اسال على قطع الغيار فقالولى قريب هنجيب بس لسة الاسعار بس مش هتوصل للتوكيل

يامسهل

[مؤمن حمزه]

النهارده و الله فى شارع فيصل مرتين ناس توقفنى علشان العربيه يسألونى نجيبها و لا لا..كل ما امشى فى حته الناس توقفنى

[menshawy]

معى هيونداى فيرنا وبفكر اغيرها بمتسوبيشى اتراج اتوماتيك
العربية عجبانى عشان اعلى و اوسع من الفيرنا ويابانى
لكن الفيرنا اعلى فى الـ سى سى + الحصان + السلندر ودة اللى مقلقنى جدا جدا جدا جدا
1- اشترى هاى لاين توكيل ولا خليجى ؟
2- هل هاحس بالسحب وانا مشغل التكييف عن العربية الفيرنا ؟
3- احسن معرض فى مدينة نصر؟