اتراج الوكيل ام الرواس

[gamal fouad]

انشاء الله مقبل على شراء اتراج الفئه التانيه اتوماتيك وقريت من فى رد من عضو هنا ان الفئه التانيه اوتومتيك فى الوكيل ب 103 لكن فى الرواس خليجى ب 105 وفيها فروق فى الرواس زى (مرايات كهرباء دركسيون مالتي فنكشن زجاج كهرباء أمامي وخلفي 2 ايرباج ..abs .. كاسيت أحدث cd -usb .. أحزمة أمان بالمقاعد الخلفية ...) وده مش موجود فى الوكيل .. فبفكر اجبها من الرواس هل هيكون فى مشكله انها مختلفه عن الوكيل هيكون العربيع ملعوب فيها ولا الرواس حاحه معتمده برضه ولا ايه ؟؟ ايه الافضل ارجو مساعدتكم ؟

[ahmed_moeaz]

متابع معاك ان شاء الله

[mestca]

انا معايا الفئة التانية اللى ب 103 الف
فيها 2 مرايا كهربا وفيها abs و ebd و 2زجاج كهرباء امامى و احزمة الامان امامى و خلفى و الكاسيت هو هو الكبير فى الامكانيات معادا usb مش موجود و مخرج 12v مش موجود و لا حتى المالتى فانكشن موجود و الانذار مش موجود سنتر بس

[gamal fouad]

انا معايا الفئة التانية اللى ب 103 الف
فيها 2 مرايا كهربا وفيها abs و ebd و 2زجاج كهرباء امامى و احزمة الامان امامى و خلفى و الكاسيت هو هو الكبير فى الامكانيات معادا usb مش موجود و مخرج 12v مش موجود و لا حتى المالتى فانكشن موجود و الانذار مش موجود سنتر بس

طب عندك فى مخرج aux وهل فى ولاعه عشان شحن الموبايل ولا لا ؟ ولو حضرتك معاك صوره للتابلوه ممكن تورهالى كده

[mestca]

فيها aux ومفيهاش ولاعة حطين عليها طابة بلاستيك سهل انها تتشال يعنى ممكن تتركب بسهولة وهتلاقى طبعا السلك بتاعة موجود وراها

[gozo]

الفرق كمان في شكل الكاسيت لان اللي في الهاي لاين و الخليجي واحد و مالي التابلوه و مديله شكل احلى
كمان الخليجي 4 زجاج كهربا و الوكيل تاني فئة كهربة امامي بس
و في حاجة تانية للاسف سواء هاي لاين وكيل او خليجي كله 1 airbag بس

[gamal fouad]

الفرق كمان في شكل الكاسيت لان اللي في الهاي لاين و الخليجي واحد و مالي التابلوه و مديله شكل احلى
كمان الخليجي 4 زجاج كهربا و الوكيل تاني فئة كهربة امامي بس
و في حاجة تانية للاسف سواء هاي لاين وكيل او خليجي كله 1 airbag بس

شكرا ياباشا، تعرف ايه المعارض الموجود فيها الخليجى؟ وهل بعد كده فى صيانه الخليجى فى الرواس كويسه ولا دايموند موتورز افضل ؟

[gamal fouad]

فيها aux ومفيهاش ولاعة حطين عليها طابة بلاستيك سهل انها تتشال يعنى ممكن تتركب بسهولة وهتلاقى طبعا السلك بتاعة موجود وراها

تمام يا باشا شكرا جدا انا مايل للخليجى عشان الكاسيت مالى الطابلوه اكتر فبفكر كده وربنا يكرم ، وسؤال معلش كمام هو اداء العربيه والتكييف شغال كويس ولا ايه ؟

[mestca]

التكيف مع العربية كويس و التكيف كويس بس بينى و بينك انا مش من هواه التكيف فمشغلتهوش كتير بس كنت مشغلة جوة البلد و كان كويس قوى و متحسش بانة حمل على الماتور سواء جوة البلد او على الطريق السريع

[د.ياسر]

الهاي لاين فيها abs ebd
4 زجاج كهرباء
ايموبيلايزر
2 وساده هوائيه

ولا ايه ؟؟ و لو الاجابه بلا ؟؟ امال هاي لاين يعني فيها ايه ؟

تحياتي

[gamal fouad]

الهاي لاين فيها abs ebd
4 زجاج كهرباء
ايموبيلايزر
2 وساده هوائيه

ولا ايه ؟؟ و لو الاجابه بلا ؟؟ امال هاي لاين يعني فيها ايه ؟

تحياتي

مهو ده موجود فى الهاى لاين الوكيل ب 113 وموجود فى الخليجى هتبقى تبع الرواس ب 105 .. فأنا بسأل فى مشاكل لو جبتها خليجى تبع الرواس ولا ايه ؟

[mestca]

العربية اللى ب 103 فيها abs , ebd و امبلايزر اساسا

[madmode]

والله انا لى واحد صاحبى نفس حيرتك ومش عارف افيده الفرق فى السعر مغرى لصالح الخليجى بس هو مقلق من حكاية الضمان بتاع الرواس وبيغطى ايه بالظبط ( هل بيغطى عيوب الصناعة ولا لا ؟) ثانيا ال ب 105 الف دى من غير جنوط وهو كان عايز تكون بجنوط سبور فسعرها حايبقى كام بالظبط لو حد يعرف يفيده ؟؟ ولما كلم الرواس قالو له دى اربع فئات مش 3 فئات زى التوكيل وحايروح يتفرج عليها قريب علشان يقرر هو خلاص استخار خلاص وقرر يبيع عربيته الماتريكس خليجى بردوا فتحة سقف ودلع و ناوى اخلص فيها إن شاء الله بس يا ريت خدمة من خبراء الميتسوبيشى يجاوبونا على حكاية الضمان دى رواس ولا مودرن لحسن دى تحويشة العمر نايل موتورز - NileMotors.net[1].gif
يلا عايزين راى من الخبرا ء

[dr_a7mad]

الفئة التانية خليجي فيها 2 ايرباج

وانظر الكتالوج

[gozo]

للاسف لا يا دكتور احمد الخليجي و كمان الهاي لاين المصري ايرباج للسائق فقط
الكتالوج بينزل فيه شرح لكل الاكماليات و الاساسيات سواء راكبة او لا
لو قلبت كويس هتلاقي كمان شارحين التكييف التاتش مع انه مش نازل فيها