لانسر 2007 عاوز رأيكم فيها

[felash]

شفت عربية لانسر وكنت عاوز اعرف تعمل كام سعر
عربية لانسر 2007
اوتوماتيك عاملة 910000 كم
لونها فضي راشة برة بالكامل نضافة
خليجي كاملة جنوط بدون فتحة سقف
كنت عاوز تعرف تعمل كام
يا ريت تردوا ضروري

[Mamoud salah H]

المفروض السعر الطبيعي 70 \75 الف علي اقصي تقدير وتكون حالة محترمة
انما بما اننا في مصر فهتسمع 85 او 90 كمان

[felash]

انا سمعت فيها 90 وفيها كلام
كنت عاوز اسال على شي هو المفروض لو ربنا كرم واشترتها ايه الفروض يتغير من سيور وزيوت وخلافة واشيك على ايه بالظبط

[Mamoud salah H]

انا سمعت فيها 90 وفيها كلام
كنت عاوز اسال على شي هو المفروض لو ربنا كرم واشترتها ايه الفروض يتغير من سيور وزيوت وخلافة واشيك على ايه بالظبط

بصراحة غالية اوي اوي كمان مش سوبر اكشن بس لوانت مصمم عمتا هتغير مجموعة سيور زي الكاتينة والدينامو وزيت موتور وفتييس وتزبط دورة التبرييد

[J A G U A R]

75 الف اخرها

[zoueil]

كتير عليها خصوصا انها مش فابريقة و راشة

[3abdo]

السعر مبالغ فيه جدا بصرحه

[David Micheal]

يا زعيم انا شاري بتاعتي نفس حالتك ديه بس فبريكا بره و جوه شاريها ب 85 بتاعتك ديه راشه حرام فيها اوي ال 90 اخرها 75 ولا 77 و خد بالك كمان العربيات هاتنزل عشان هايشيله الجمارك قريب عن العربيات علي حسب ماسمعت

[felash]

هيا اللي انا شفتها فيها اسبويلر وفرشها زيرو وخشب ابنوس والتكييف تلاجة بس بدون فتحة سقف
هيا دي السوبر اكشن ولا لا
هيا راشة بره نضافة يعني قوايم العربية سليمة

[J A G U A R]

هيا اللي انا شفتها فيها اسبويلر وفرشها زيرو وخشب ابنوس والتكييف تلاجة بس بدون فتحة سقف
هيا دي السوبر اكشن ولا لا
هيا راشة بره نضافة يعني قوايم العربية سليمة

فيها abs ولا لا ..

[felash]

ايوة فيها

[David Micheal]

هيا اللي انا شفتها فيها اسبويلر وفرشها زيرو وخشب ابنوس والتكييف تلاجة بس بدون فتحة سقف
هيا دي السوبر اكشن ولا لا
هيا راشة بره نضافة يعني قوايم العربية سليمة

سوبر اكشن ديه بفتحة سقف و سي دي تشنجر تحت الكاسيت ب 6 سي دي وكمان عصاية الفتيس و الفرامل بيكونوا جلد طبيعي
اللي انت بتقول عليها ديه هاف سبورت بس اتاكد فيها عتب داير حوالين العربيه ولا لا و فيها سبويلر و جنط

والكلاسيك مافيهاش الاسبويلر و الجنط ولا العتب بس كلهم فيهم اير باج واحده

[felash]

لا دي فيها عتب و2 ايرباج

[Mamoud salah H]

اختها لسة خلصانة ب70 بالظبط وكنت هاخدها بس اتاخرت