لو حد عمل حدثة وصلح عربيتة فى التوكيل ياريت يدخل!!

[wakod]

طبعا الحمد للة رب العالمين على ستره علينا
ياريت لو حد يقولى بالتفصيل كدة اية حالة العربية بعد الحدث وهل رجعت زى الاول (زى ما بيقولوا )ولا فية فرق .بيركبوا اى حاجةولا الحاجة الاصلية خدت وقت اد اية فى التصليح.ولو مأمن عليها التأمين رجعلو فلوسوا كاملة ولا خصم حاجة.استحملونى معش اخوكم اول مرة فى الحكاية دى ولاد الحلال كتيير وعمليين يفتوا لما الواحد بقى مش عارف حاجة

[khaledmekawy2008]

العربية ان شاء الله بترجع من التوكيل زى الزيرو او احسن كمان بس بتتاخر عشان فى قايمة انتظار طويلة جدا موجودة بالحوادث
بس انا عاوز اقول حاجة اهم واحسن حاجة لقيتها او عملتها فى التوكيل انى شوفت الباشمهندس طارق وسلمت عليه شخصيا وفعلا كل الكلام الحلو مش هيكفينى عشان اديه حقه والله ربنا يخليك ليك يا باشمهندس طارق .

[khaledmekawy2008]

ربنا يخليك ليك يا باشمهندس طارق .

معلش تصحيح بسيط (ربنا يخليك لينا يا باشمهندس طارق)

[مصراوي جدا]

اسمح لي اساعد في الرد رغم اني باشتغل في التوكيل واجابتي مجروحة (يعني ممكن اكون متحيز) انما هاقول لك اللي باشوفه وكمان ان اليومين دول فيه عربية قريب لي بتتصلح عندنا ومتابع الموضوع بالظبط :

اولا المميزات :
- اصلاح العربية من الحوادث كجودة بالتأكيد لا يعلى عليها لأن التوكيل عنده كل الأجهزة اللي بتحددها شركة ميتسوبيشي (اجهزة استعدال شاسيه - وكواريك وغيرها) وكذلك كل الأبعاد القياسية للعربية بالمليمتر وكذلك خطوات الاصلاح المحددة من قبل شركة ميتسوبيشي ثم افران الدهان واستخدام افضل البويات العالمية اللي بتنصح بيها الشركة ، واعتقادي الشخصي ان دي حاجات مش هتلاقيها في كثير من المركز غير المعتمدة.
- عند ورود عربية حادثة يتم عمل مقايسة لها يقوم بها مهندس مسئول عن قسم السمكرة والدوكو يقوم بمعاينة العربية وكتابة كل الأجزاء وقطع الغيار المضارة في المقايسة بحيث يتم تغييرها بقطع جديدة ، فيه طبعا سمكرة لكن في حدود بسيطة اما الأكثر هو الاستبدال وده بيخلي العربية ترجع زي الزيرو بعد انتهاء الاصلاح.

ثانيا العيوب :

- نتيجة تغيير كل الأجزاء وقطع الغيار المتأثرة بالحادث مهما كان التأثر بسيط فان اجمالي التكلفة بيكون عالي وعلشان كده دايما انصح مشتري العربية الجديدة بالتأمين عليها لأن التأمين بيتحمل التكلفة ويوافق على 99% من المقايسة اما اذا كنت غير مأمن عليها فالاصلاح بره التوكيل هتلاقيه ارخص لأنه هيلم الموضوع وتكون النتيجة النهائية مش بطالة انما مش Perfect بالتأكيد.

- العيب الثاني هو التأخير لأن الحوادث في مصر اصبحت كتيرة جدا وبالتالي فيه قائمة انتظار انما ده لا يمنع ان فيه انجاز رغم ضغط الشغل والمهم انك تستلم عربيتك بعد الانتهاء زيرو تاني.

وبالمناسبة التأخير ده في كل التوكيلات فمثلا اخويا معاه فيرنا 2008 في رمضان واحد خبط له الباب والعربية راكنه وداها غبور وبعد المعاينة والمقايسة وموافقة التأمين آخر كلام هيبدأوا شغل 25 اكتوبر ويستلمها 25 نوفمبر (والموضوع باب ومراية).

شكرا لكلامك يا استاذ خالد وانا معملتش غير الواجب (بس كان نفسي حد يعمل معايا اي واجب في غبور لعربية اخويا)

[wakod]

اولا شكرا لردكم واهتمامكم بس احب اقول حاجة ودى انا شوفتها بعيني فى غبور من يومين كنا بنجيب قطع غيار لعربية مازادا المهم شأت الصدفة انى ادخل واشوف الشغل صراحة مش لاقى كلام اقولة لاكن بعد اللى شفتوا نصيحة لاى اى حد بلاش ترش عربيتك فى توكيل غبور حرام واللهى اللى انا شفتوا كان نفسى اصور العربيات المرشوشة دى يعنى بغض النظر على ان اللون فارق لا دى البوية محببة توكيل اية دة انا مش عارف

[ahmedel_rayies]

السلام عليكم ورحمة الله وبركاته

على فكرة أنا عملت حادثة بعربيتى جامدة ربنا يسترها معانا جميعا. وعملت العربية فى توكيل مصرية فى قليوب. بصراحة الناس دي دكاترة سمكرة ودوكوا وإيديهم تتلف فى حرير بس المشكلة هناك فعلا الوقت اللى العربية بتاخدة عندهم فى التصليح بس يهون مقابل إنك تاخد عربيتك زي الزيروا بالظبط. وطبعا السعر جامد جدا جدا بس طبعا أرحم بكتيير مقارنة بالتويوتا.

المهم
أنا ساعتها غيرتك باب خلفى يمين وطبلة باب أمامى يمين ورفرف خلفى يمين وعفشة خلفى يمين كاملة (مساعدين وفخدة وسرة عجل وجنط وكاوتش ومقص) ودفعت ستعها 12240 جنية عدا ونقدا.


اللى عندة لانسر يروح على قليوب على طول (دكاترة)

[د./اليشع ثابت]

أنا ساعتها غيرتك باب خلفى يمين وطبلة باب أمامى يمين ورفرف خلفى يمين وعفشة خلفى يمين كاملة (مساعدين وفخدة وسرة عجل وجنط وكاوتش ومقص) ودفعت ستعها 12240 جنية عدا ونقدا
------------------------------------------------------------

طب كدة سعر معقول جداااااااا

انا بغير فقط رفرف (برة التوكيل) و سمكرة الباب الخلفى اليمين و حاجة بسيطة فى

الشنطة وجزء من الشمال الخلفى زائد رش العربية اتكلفت 6 الاف جنية

بس الحقيقة شغل يمكن يفوق شغل التوكيل