لانسر شارك 2015 الفئة الاولى

[عبده غريب]

هل الفئه اولى اتوماتيك ولا مانوال

[ahmadmabigko]

ربنا يباركلك فيها و يرزقك خيرها و يكفيك شرها ان شاء الله
انا بردو من دمياط و بفكر اشتري الشارك ان شاء الله اتصلت على التوكيل و سألت على الفئة التانيه قالولي ب 143 الف بس مفيهاش فتحة سقف هل الخليجي فيها فتحة سقف ؟ و بما ان المصري ارخص من الخليجي 5000 جنيه مش يبقى المصري احسن ولا ايه ؟ و بردو عايز اعرف اللون الابيض اللؤلؤي موجود في الخليجي ؟

[dragon1]

استاذ احمد التوكيل المصري بيكون اغلى من الخليجي دي اول نقطه علشان الضمان مش العكس اقرا اكتر علشان تعرف وتابع مع اخواتك في المنتدى دي اول نقطه
وبالنسبة للسعر اظن الفئه الاولى 137 الف والتانيه 147 او148 وده للخليجي وده موديل 2015 والتوكيل المصري هيكون اغلى راجع الموضوع من اوله واقرا ولو احجت حاجه هتلاقينا معاك خالص التحيه

[allwords]

السلام عليكم جميعاً
بصراحة انا كمان لسة شاري السيارة أمبارح شارك 2015 الفئة الأولى ، والحمد لله ربنا كرمني وجبتها بسعر كويس جدا 133000 جنية خليجي ، و للأسف حزنت جداً لما ملقيتش الغطاء الأسود اللي مكتوب عليه كلمة Mivic لأنوا مخلي شكل الموتور سئ جداً لما تفتح الكبوت ، وللأسف انا مخدتش بالي بالموضوع ده علشان كنت اتفرجت على الفئة الثانية ولاقيتوا راكب عادي ، وانا مش فاهم يعني هو فارق في اية علشان يشيلوه وهما اصلا مجردين السيارة من كل الرفاهيات الموجوده في باقي السيارات ، وكفاية بردوا أن مفيش في الفئة الأولى مخادع للرأس بالكنبه الخلفية ومفيش مخدع لليد بين الكرسيين الأماميين مش عارف بردوا الحاجات دي حترفع في سعر السيارة اية علشان يشيلوها بجد أنا مخنوق جدا من الحاجات البسيطة دي اللي كانت نوعا ما راسمه شكل السيارة شوية ، ولاكن الحمد لله على كل شئ ، ولاكن يتبقى ان نقول ان السيارة ممتازة جدا جدا وهي احسن اختيار في الوقت الحالي في هذة الفئة من السيارات بالمقارنة بالسيارات الأخرى الموجوده كفاية انها ياباني 100% و مريحه جدا جدا والموتور رائع والتكييف ممتاز فعلا يا جماعة السيارة رائعة جدا ......... وانا اسف للإطالة ولو حد عندوا سؤال يسأل وانا حجاوبه لو عندي الإجابة

[alashwat]

الف مبروك علي العربيه ,,وياريت تقولنا جبتها من انهي معرض ,,وكان في منها الوان ايه,,
وانتي مكتوب عندك كان معاك هوندا سيفك ,,ياتري ايه رأيك في الشارك بالمقارنه بالهوندا.

[dactara]

ممكن تشترى غطاء الموتور و الكبوت و مخدع اليد و تركبهم كلهم مش هيعدوا 1000
متزعلش و متخليش فرحه العربيه تروح على شويه تفاهات

[د.هشام]

ممكن تشترى غطاء الموتور و الكبوت و مخدع اليد و تركبهم كلهم مش هيعدوا 1000
متزعلش و متخليش فرحه العربيه تروح على شويه تفاهات

مسند اليد بيتركب عادي وبيبقى زي اﻷصلي!

[AHMED_HAMDY]

allwords صحبي جايب اللفئه الثانيه خليجي مش فيها مسند الايد بين الكرسيين برضه


د.هشام : دكتور هشام اه هيبقى زي الاصلي الي نازل في يقبت الفئات
هوه كل الي فيه انه مش مديك المسند ومديك المكان الي بتخزن فيه


فرش الداخلي للكبوت ممكن سعره يوصل من 200 ل 250 جنيه وغطار الموتور مش يزيد عن 200 جنيه

ومسند الايد في الرينج ده برضه

الاسئله الي بخصوص ال فلاشه العربيه مجهزه لفلاشه فعلا بس مش موجود ليها فتحه فالناس كلها عملت توصيله من الكاسيت وعملت مدخل للفلاشه فيه ناس عملته في درج الطابلوه وناس عملته جمب ال aux

والشرح كله بالصور والفيديو على الجروب الي على الفيس الخاص بملاك الشارك

[Hitch122]

المسند بيتجاب منين لوسمحت ؟

[abokoko]

هى الفئة الاولى فيها aps

[yassermahmmoud]

ألف مبروك ويارب تتمتع بها .. أيه رأيك في العربية بشكل عام : يعني العزم والعزل والوسع الداخلي

[Mohamed Zeid]

الف الف مبروك ربنا يعطيك خيرها ويكفيك شرها

واحد صاحبى لسه شاريها امبارح ب134 الف من معرض سعودى اللى فى اول طريق مصر اسماعليه الصحراوى والعربية توكيل موش خليجى

سألنا على الخليجى عند سمير ريان ب132 الف

[allwords]

اشكركم يا اصدقائي الاعزاء
انا حبيت ارد على بعض الاسئلة اللي اتسألت من بعض الاصدقاء الاعزاء ، بالنسبة للعزم الصراحة انا لسه مخلصتش 1000 كم فاطبعا مبعديش سرعة 100 بس ماشاء الله العزم باين انوا قوي الحمد لله ، بالنسبة للعزل ضعيف شوية لانوا وانتا قافل الزجاج صوت الموتور عالي شوية ومسموع جوه السيارة ، السيارة من الداخل مريحه جدا جدا و واسعة من الامام و من الخلف ضيقة نسبيا ، بالنسبة للفئة الاولى مفيهاش aps ، وبالنسبة للمكان اللي اشتريتها من انا جبتها من الشناوي اللي في مدينة نصر بجوار النادي الاهلي ، ولاكن السيارة بوجه عام رائعه ومريحه جدا ، اما بالنسبة لمقارنتها بالهوندا في فروق طبعا لان الهوندا فيها اوبشن اعلى طبعا طاره مالتي فانكشن و مثبت سرعة و اوسع شوية في الخلف وشنطة اكبر ، ولاكن الانسر اريح بكتير في المطبات وانعم وطبعا دا راجع لان الهوندا ارتفعها اقصر على الارض من الانسر فطبعا بتحس بكل حاجه في الطب حتى لو كان مطب ضعيف ....... انا كده خلصت ولو في اسئله تانيه انا تحت امركم

[ahmed21782]

ممكن حد بس يقولى ايه الفرق فى الكاسيت بتاع اول فئه فى الخليجى وتوكيل ديموند

[عمرو توفيق55]

ممكن حد بس يقولى ايه الفرق فى الكاسيت بتاع اول فئه فى الخليجى وتوكيل ديموند

انا معى خليجى اول فئه 2014
به كاسيت كينود +usb+aux