مساعدين بومه 1600

[Ibrahim Nabil]

السلام عليكم،
صباح الفل احلى شباب، العربيه محتاجه عندى 4 مساعدين ياريت نصائح وتجارب الأعضاء عن المساعدين الافضل والاقوى والانعم

[Fadi Ezzat]

احسن حاجة مونرو بس نااشف شوية
لو عايز حاجة طرية شوية هات مايلى

[eng_amg]

أنا مركب مونرو. المساعد خطير في الإتزان والثبات ويستحمل التخبيط والتكسير...
لكن النعومة قليلة بالمقارنة بالمساعد الأصلي. يعني تقدر تقول بيدبدب في الشوارع المكسرة شوية.

[Ibrahim Nabil]

طيب بالنسبه للاسعار للنوعين بعد اذنكم

[eng_amg]

الأربعة في المونرو مش حيكمل 3000 جنيه .. حوالي 2100: 2400 مش فاكر بالضبط

وتشتريه من هشام لهيطة في التوفيقية . حيديك فاتورة مختومة وضمان لمدة سنة. وحيقترح عليك تركبه بمعرفته علشان يضمن إنه ركب صح علشان الضمان يشتغل.

لو عايز تركبه بمعرفتك قوله أنك عندك عفشجي ثقة ودي مش أول مرة تركب فيها مونرو. مش حيغلس يعني.

أنا من كتر ما كنت مش مصدق لإن السعر قليل جدا مقارنتا بالأصلي قولتله حتأكد من إن المنتج أصلي ولو لقيته مش أصلي حرجعه وأشتكيك في الشركة المصنعة. الراجل صراحة قالي أنه حيعلق الفاتورة لغاية ما أتأكد وأرد عليه.

وفعلا بحثت في موقع مونرو لغاية موجدت (إكسيل فايل) الشركة منزلاه لكل أرقام (Part Numbers) الموديلات بتاعتها. ولقيت الرقم بتاع المساعد منهم ومنشأه أسبانيا.

للأسف معرفش النوع الثاني

[mohkhattab]

المونرو من افضل المساعدين ، بس استريه من التوفيقية من هشام لهيطة ، دا اضمن مكان

[Fadi Ezzat]

المونرو من توكيل مونرو ذات نفسة
الجوز امامى ب 600
الجوز خلفى ب 600 بردة

[eng_amg]

المونرو من توكيل مونرو ذات نفسة
الجوز امامى ب 600
الجوز خلفى ب 600 بردة

فعلا الاسعار دي مظبوطة بس يارب متكنش غليت في الهوجة دي.. :(

[Fadi Ezzat]

لا زى ما هيا

[Ibrahim Nabil]

المونرو من توكيل مونرو ذات نفسة
الجوز امامى ب 600
الجوز خلفى ب 600 بردة

استاذ فادى بعد الشكر ،، سعر الاتنين 600 ولا سعر الفرده الواحده وفين التوكيل الرئيسى بالضبط

[Fadi Ezzat]

سعر الاتنين 600
وفى كذا فرع فى واحد فى الحرفيين قدام محل الحرمين
وفى واحد فى شبرا جمب توم اند بصل
وفية الفرع الرئيسى فى 24 شارع عماد الدين فى وسط البلد ورقمة 25748025

[Ibrahim Nabil]

اشكرك استاذ فادى دا لو كده يبقى سعرهم ممتاز مقارنه بالاصلى ولو دول بتوع 1600 تبقى فله ،، عموما الف شكر ياكبير

[bmw3m007]

الي اعرفه هو ال kyb الياباني و اعتقد الفردة بحوالي 400 جنيه
و عفشجية كتير بيشكرو فيه

[Fadi Ezzat]

اشكرك استاذ فادى دا لو كده يبقى سعرهم ممتاز مقارنه بالاصلى ولو دول بتوع 1600 تبقى فله ،، عموما الف شكر ياكبير

ايوة هما بتوع 1600
وفى بتوع 1300 بس معرفش سعرهم