خبر... الشارك 2015 فاميه

[Deshahcoka]

باشا شفت الازاز فميه فبريكه يعني غامق ؟ ولا بيثبت زجاج ملون على الرخصه و خلاص على اثاث انه اخضر يعني ؟

[mhmdabdo]

يعني ايه اخضر ؟
لا الزجاج غامق خلفي وجانبي بس مش عارف اول فئه ولا الفئه اللي ذكرتها بس
المفروض بعد ماترخص خلفي وجانبي انت بتفيم الجانبي اللي جنب السواق بس درجه خفيفه وعيش مع تكييفك

الخليجي بدون ضمان التوكيل مع ان الرواس بينزل خليجي بردو ولكن بضمانه
وفي خليجي بدون ضمان اساسا ودي اللي بكلم عليها هي مش تبع الرواس ولا توكيل ميتسوبيشي
عامتا الخليجي ارخص وابشن اعلا وانا بفضله لان ما بستفتش بالتوكيل طالما العربيه معروفه

[لانسر دايما]

بعد ما بعت الكورولا
انهارده بدات رحلة البحث عن شارك واتفرجت على فئات الوكيل وبصراحة الفئة الاولى والتانية وكيل متتركبش تحس كده انها متنفضة والتابلوة شكله كئيب يسد النفس ومفيش لا مخدع امامى ولا خلفى ولا مساند رأس خلفية ولا فوجات ولا نور امامى فى الصالون بصراحة حاجة كده صعبة
قولت اشوف الفئة الثالثة لقيتها مش موجودة فى اى معرض والموجود هاى لاين وسعرها 172 ألف جنيه وكده هى عالية عليا
قولت اروح ابص على الخليجى لقيت مواصفات بالهبل وقعدت الف فى المعارض لغاية ما لقيت معرض فى شارك خليجى موديل 2015 وكل الالوان ماعدا الابيض ومواصفات العربية فوجات وشبكة نيكل ودبل ايرباج واشارات فى المريات ومساند رأس خلفية والكاسيت العريض وتبطين للشنطة والكبوت ويوجد غطاء الموتور وفامية يثبت على الرخصة وجنط شبه جنط الاوكتافيا ولكن مفيهاش abs ومفيهاش لا مخدع امامى ولا خلفى وسعرها 145 ألف جنيه ولو كانت فيها مخادع و abs كنت اشتريتها عالطول وصاحب المعرض قال ليا انها كانت موجودة بس خلصت وبصراحة الجنط الجديد شكلة جامد بس للاسف نسيت اصوره بس حاسس انه متركب ومش بتاعها
ولقيت هاى لاين خليجى 2015 فيها كل الاوبشن زى فتحه السقف والتكييف الاوتو والطارة والفتيس الجلد والطارة المالتى والست سماعات والاسوبيلر ماعدا البصمة ولكن يوجد كاميرا خلفيه وهى كاميرا اصلية وليست تركيب وسعرها 162 ألف جنية
وبكره هكمل تدوير أن شاء الله بس بصراحة الهاى لاين الخليجى عاجبانى اوى وداخلى دماغى بس هتزنقنى فى الفلوس
ادعولى ان ربنا يوفقنى والاقى المواصفات الى انا عاوزها وتكون عربية مبروكة ان شاء الله

ممكن لو سمحت اسم المعرض الموجود فيه الهاى لاين

[hossam_elwani]

بعد ما بعت الكورولا
انهارده بدات رحلة البحث عن شارك واتفرجت على فئات الوكيل وبصراحة الفئة الاولى والتانية وكيل متتركبش تحس كده انها متنفضة والتابلوة شكله كئيب يسد النفس ومفيش لا مخدع امامى ولا خلفى ولا مساند رأس خلفية ولا فوجات ولا نور امامى فى الصالون بصراحة حاجة كده صعبة
قولت اشوف الفئة الثالثة لقيتها مش موجودة فى اى معرض والموجود هاى لاين وسعرها 172 ألف جنيه وكده هى عالية عليا
قولت اروح ابص على الخليجى لقيت مواصفات بالهبل وقعدت الف فى المعارض لغاية ما لقيت معرض فى شارك خليجى موديل 2015 وكل الالوان ماعدا الابيض ومواصفات العربية فوجات وشبكة نيكل ودبل ايرباج واشارات فى المريات ومساند رأس خلفية والكاسيت العريض وتبطين للشنطة والكبوت ويوجد غطاء الموتور وفامية يثبت على الرخصة وجنط شبه جنط الاوكتافيا ولكن مفيهاش abs ومفيهاش لا مخدع امامى ولا خلفى وسعرها 145 ألف جنيه ولو كانت فيها مخادع و abs كنت اشتريتها عالطول وصاحب المعرض قال ليا انها كانت موجودة بس خلصت وبصراحة الجنط الجديد شكلة جامد بس للاسف نسيت اصوره بس حاسس انه متركب ومش بتاعها
ولقيت هاى لاين خليجى 2015 فيها كل الاوبشن زى فتحه السقف والتكييف الاوتو والطارة والفتيس الجلد والطارة المالتى والست سماعات والاسوبيلر ماعدا البصمة ولكن يوجد كاميرا خلفيه وهى كاميرا اصلية وليست تركيب وسعرها 162 ألف جنية
وبكره هكمل تدوير أن شاء الله بس بصراحة الهاى لاين الخليجى عاجبانى اوى وداخلى دماغى بس هتزنقنى فى الفلوس
ادعولى ان ربنا يوفقنى والاقى المواصفات الى انا عاوزها وتكون عربية مبروكة ان شاء الله

الخليجى يكسب

بالتوفيق

[AHMED12345678]

ممكن لو سمحت اسم المعرض الموجود فيه الهاى لاين

معرض فى الزقازيق اسمه معرض الصفا والمروه
مع العلم انها مكنتش موجودة والمواصفات على حسب ما قال ليا صاحب المعرض

[M!SHO]

يا استاذ احمد بلاش الصفا والمروه

للمره التانيه بحذرك ، وان كان ولابد خد معاك حد يكشف علي العربيه كأنها مستعمله بالظبط

[AHMED12345678]

يا استاذ احمد بلاش الصفا والمروه

للمره التانيه بحذرك ، وان كان ولابد خد معاك حد يكشف علي العربيه كأنها مستعمله بالظبط

ممكن حضرتك تقولى أيه مشكلة معرض الصفا والمروه الى فى الزقازيق
هل حضرتك حصل مشكلة ليك معاهم قبل كده بخصوص عربيه وطلع فيها مشكلة

ومعلش سؤال تانى هو حضرتك حذرتنى قبل كده منهم امتى لان حضرتك بتقولى انا بحذرك منهم للمرة التانية
ولك جزيل الشكر

[M!SHO]

ممكن حضرتك تقولى أيه مشكلة معرض الصفا والمروه الى فى الزقازيق
هل حضرتك حصل مشكلة ليك معاهم قبل كده بخصوص عربيه وطلع فيها مشكلة

ومعلش سؤال تانى هو حضرتك حذرتنى قبل كده منهم امتى لان حضرتك بتقولى انا بحذرك منهم للمرة التانية
ولك جزيل الشكر

مبدأيا كده أنا أعرفهم والراجل الكبير يعرف والدي

في 2010 اشتريت منهم عربيه زيرو بس كانت موديل 2009 وعاملي خصم محترم من 124 الي 118 الف

وفاهمني ان الخصم ده عشان خاطر الوالد وكده مش عشان ان ده الطبيعي ﻷن العربيه موديل سنه فاتت

لثقتي فيهم مبصتش علي العربيه وتقريبا استلمتها بعد الترخيص من مندوبهم

اتفأجت ان العداد عامل 820 كم وفيه بقعة شحم علي الكنبه الخلفيه والحزام الخلفي

أنا عارف ان الغلط عليا بس الثقه والمعرفه اللي مابينا كانت ليها عامل كبير

بعد السؤال وكده اتقالي ان ده عادي :@

واللي انا استنتجته حاجه من اتنين ، العربيه لفت علي معارض كتير بدليل ان ورقها كان من المصريه للسيارات

او العربيه اتباعت ورجعت وده الارجح لسبب هقوله في الاخر

الشهاده لله العربيه كانت زي الفل وبشهادة الناس كانت أنضف لانسر في الزقازيق بس أنا ما قدرتش أتعايش مع الموقف ده وبعتها

قبل ما ابيعها كنت بظبط العربيه التانيه ويشاء القدر ان البوهيجي اللي بتعامل معاه اخوه سمكري المعرض بيتعامل معاه

وكان عنده عربيه لانسر كحلي شبه زيرو بس مخبوطه في الرفرف الامامي

صاحبها اشتراها واتخبطت منه وبعدين رجعها المعرض وطبعا هتتباع على انها زيرو

كل الكلام ده علي عهدة السمكري ، في الاول مكانش عايز يقولي اسم المعرض .

[M!SHO]

انا حذرت من المعرض ده قبل كده بس مش فاكر فين الصراحه

[mhmdabdo]

العربيه 2009 شارك كانت بتتباع 109 اصلا في ناشونال موتورز سنه 2010 واخويا اشتراها ساعتها فيراني