هل الاتراج هتكون مناسبة ليا ؟؟؟

[Mahmoud.Fathy]

كان معايا لانوس جوليت ومريحاني جدا بس عاوز اغير بقي لعربية اوتو وتكون زيرو ... بفكر في حاجة لا تتعدى 110 الف ... بفكر جديا في الاتراج عشان الشنطة .. وواسعة وسيدان وتنفع عائلة صغير

استخدامي للسيارة كالاتي
من البيت الي العمل يوميا اجمالي مسافة حوالي 100 كم
سفريتين قصيرتين شهريا من اكتوبر الى بنها حوالي 180 كم رايح جاي
سفرين طوال مرتين في السنة لمرسى مطروح او العريش او شرم او الغردقة

هل السيارة ال 1200 سي سي وال3 سلندر و 78 حصان هتكون مناسبة للاستخدام ده ولا افكر في حاجة اكبر شوية واروح على الكيا ريو مثلا او البيجو 301 ... بس ساعتها هستنى شوية لحد اما احوش فرق السعر

افيدوني لاني في قمة الحيرة

[abou-yahia]

استني وحوش

Sent from my SM-N900 using Forum Runner

[Omar Mahmoud]

استني

[Mahmoud.Fathy]

استنى ايه يا جودعان :) :) :)

[mestca]

توكل على الله الاتراج هتكون مناسبة جدا معاك و هتعجبك جدا المهم اعمل تست دريف عالشان تحكم عليها و متخليش حد يلعب فى دماغك لان متشوبيشى مش شركة صغيرة او مبتدأة عالشان تغامر بسمعتها

[J A G U A R]

شوف اللوجان يا اما تستنى

[raedegypt]

نيسان صنى الشكل الجديد عربيه موفرة للبنزين وحلوة وصالون واسع واربعه سلندر واحلى ما فيها شغاله على البنزين العادى مش 95 الغالى زى العربيات الاروبى زى بيجو وستروين ورينو

[abohend]

!!!!#@$#%^×£؛#*

نيسان صنى الشكل الجديد عربيه موفرة للبنزين وحلوة وصالون واسع واربعه سلندر واحلى ما فيها شغاله على البنزين العادى مش 95 الغالى زى العربيات الاروبى زى بيجو وستروين ورينو

رنج السعر ده يعني الراجل بيتكلم ف301 او لوجان او إليزيه
مين فدول محتاج 95
يا ريت الناس تنصح لوجه الله

[abohend]

الميتسوبيشي

الميتسوبيشي كويسة جدا و سمعتها برلنت و اعتماديتها عالية (بصفة عامة)
الاتراج لسه لم تختبر ...لكن انا اتفرجت عليها و بالنسبة لي ابعاد الصالون غير مناسبة لعيلة

1200 سي سي مظنش هتبقى مناسبة لواحد بيسافر من وقت للتاني و الواضح ان حركتك بالعربية كتير
بعد كام سنة هتتأكد من كلامي
ده كان سبب تغييري لل206 رغم انها عربية محترمة
لكن الصالون مكنش واسع كفاية
و الشنطة مش مناسبة لتنقلاتنا
اشتري عربية عائلية من البداية عشان متضرش تغير بعد كام سنة
انا شايف النيسان و ال301 و الريو مناسبين لو استنيت لحد متكمل تمنهم
و اللوجان تقدر تشتريها من دلوقت لو شكلها عاجبك
بالتوفيق

[J A G U A R]

نيسان صنى الشكل الجديد عربيه موفرة للبنزين وحلوة وصالون واسع واربعه سلندر واحلى ما فيها شغاله على البنزين العادى مش 95 الغالى زى العربيات الاروبى زى بيجو وستروين ورينو

نفسى اعرف مصدر معلوماتك دى

[zohdy]

انا مش بسافر كتير وكنت في هذه الحيره بس اخترت البيرسونا
1 حجمها كبير عشان العائلة
2 ماتور قوي لكل حاجة حتي السفر
3 اداء رياضي من حيث الثبات و العفشة و التصفيح

[abou-yahia]

بص 1200 cc او حتي 800 cc مفيهاش مشكله في السفر خالص
طول ما كنت ملتزم بمدي سرعه وحموله مناسب

وده عن تجربه

المهم متركبش عربيه 3 سلندر

Sent from my SM-N900 using Forum Runner

[Mahmoud.Fathy]

ردودكوا قلقاني :) :) :)

[reyad_mohamed]

بس يا باشا الاتراج عربيه ممتازة حتى لو هتسافر كل يوم غير توفير البنزين هتوفرلك اقل حاجة 5000 جنيه سنويا

[menshawy]

معى هيونداى فيرنا وبفكر اغيرها بمتسوبيشى اتراج اتوماتيك
العربية عجبانى عشان اعلى و اوسع من الفيرنا ويابانى
لكن الفيرنا اعلى فى الـ سى سى + الحصان + السلندر ودة اللى مقلقنى جدا جدا جدا جدا
1- اشترى هاى لاين توكيل ولا خليجى ؟
2- هل هاحس بالسحب وانا مشغل التكييف عن العربية الفيرنا ؟
3- احسن معرض فى مدينة نصر؟