سؤال هام لمالكى الاتراج

[drpeter]

السلام عليكم
اخوتى الاحباء اريد ان استفسر عن شئ مهم جدا بالنسبة لى
انا شوفت الاتراج واعجبت بيها بس لما قريت انها 1200 سىى سى فقط
حاسس ان الموتور هيبقى ضعيف
1- مع التكييف
2- وجود اشخاص بالعربية 5 مثلا افراد بدون التكييف او مع التكييف
3- في المطالع وخاصة لو في افراد في العربية
4- الثبات عند 130 ( دى اقصى سرعة بجيبها ) وهل الموتور بجيبها بسهولة ولا بيبقى على اخره
رغم ان بقية الابوشنز كويسة ومعقولة
فعاوز كل مــــــــــــــــــــــــالكى الاتراج يجاوبونى بصراحة عاملة ايه معاهم في 4 حالات دى

[crazy car]

اتفرج بردوا على الجراند اى تن
ايمبولايز وفتيس استبترونيك ومميزات تانية وتقفيل ممتاز

[tito_misr]

مع التكييف مافيش فرق ملحوظ
مع التحميل 5 ف العربيه و التكييف بلاحظ ان rbm بيزيد شويه عن وانا فاضي
انا مشيت بيها على 150 140 بس فتره طويله وكنت مركب 5 و مشغل التكييف و كانت ثابته و الفرامل كويسه
و عاليه عن الأرض عفشه ناعمه شنطه واسعه استهلاك بنزين كويس
بس لو انت كل يوم هتحمل فيها 5 و تمشي 200 - 300 كيلو أعتقد لو عربيه 1600 تكون افضل

[dr_a7mad]

ماتورها مايفك 2 كامة مش عادي فالرقم مش مهم أد الكفاءة

ووزنها 850 كجم يعني لو هتحملها 5 اشخاص هتكون اقل من هونداي النترا مفيهاش ركاب اصلا

وفي نقلة بعد ال d اسمها b وتثبت النقلة وتحرق عليها اذا المطلع مش عارف تسحب فيه كويس لكن انا ملاحظتش خالص عدم قدرتها على السحب بس قبل ال40 بتحتاج تكبس شوية بعدها بتفتح بكل سلاسة

التكييف ما شاء الله رائع وبوجود اشخاص عادي بس طبعا بيسحب بنزين اكتر

اقصى سرعة مشيت بيها 120 -130 ثابتة زي الفل بعديها مبطمنش وبحس انه تهور وخاصة ان طرقنا فيها مفاجآت للصبح

وهيا سيارة مدينة مش سباق فمتسالش عن الثبات بعد ال 120 لانهم معليين العربية عن المطبات كويس وموسعينها من جوا وعجلها مش عريض وفي ناس بتجري بيها اكتر بس دا غلط

...
جربها بنفسك واستخير ربنا عشان يوفقك للي يكون نافع ليك انتا شخصيا

[reyad_mohamed]

السلام عليكم
اخوتى الاحباء اريد ان استفسر عن شئ مهم جدا بالنسبة لى
انا شوفت الاتراج واعجبت بيها بس لما قريت انها 1200 سىى سى فقط
حاسس ان الموتور هيبقى ضعيف
1- مع التكييف
2- وجود اشخاص بالعربية 5 مثلا افراد بدون التكييف او مع التكييف
3- في المطالع وخاصة لو في افراد في العربية
4- الثبات عند 130 ( دى اقصى سرعة بجيبها ) وهل الموتور بجيبها بسهولة ولا بيبقى على اخره
رغم ان بقية الابوشنز كويسة ومعقولة
فعاوز كل مــــــــــــــــــــــــالكى الاتراج يجاوبونى بصراحة عاملة ايه معاهم في 4 حالات دى

1- ممتازة
2- مفيش فرق ملحوظ
3- بتسحب كويس
4- مشيت مسافة 20 كيلو على الدائرى الاقليمى بسزعة 170 كيلو مع التكيف ومعاية شخص واحد فى العربية وكانت ثابتة جدا

[Mahmoud.Fathy]

ماتورها مايفك 2 كامة مش عادي فالرقم مش مهم أد الكفاءة

ووزنها 850 كجم يعني لو هتحملها 5 اشخاص هتكون اقل من هونداي النترا مفيهاش ركاب اصلا

وفي نقلة بعد ال d اسمها b وتثبت النقلة وتحرق عليها اذا المطلع مش عارف تسحب فيه كويس لكن انا ملاحظتش خالص عدم قدرتها على السحب بس قبل ال40 بتحتاج تكبس شوية بعدها بتفتح بكل سلاسة

التكييف ما شاء الله رائع وبوجود اشخاص عادي بس طبعا بيسحب بنزين اكتر

اقصى سرعة مشيت بيها 120 -130 ثابتة زي الفل بعديها مبطمنش وبحس انه تهور وخاصة ان طرقنا فيها مفاجآت للصبح

وهيا سيارة مدينة مش سباق فمتسالش عن الثبات بعد ال 120 لانهم معليين العربية عن المطبات كويس وموسعينها من جوا وعجلها مش عريض وفي ناس بتجري بيها اكتر بس دا غلط

...
جربها بنفسك واستخير ربنا عشان يوفقك للي يكون نافع ليك انتا شخصيا

الموتور مش 2 كامة .... ال2 كامة بتكون 16 صباب على 4 سلندر ... والعربية 12 صباب على 3 سلندر

[NaderNabil]

عفوا.... الموتور بالفعل ٢ كامة على ١٢ صباب dohc

[memo_p910]

رايكم ياجماعه هيا ولا الجراند اي10
موتور الهيونداي 4 سليندر 1250 سي سي هل كده الهيونداي افضل ؟ وبالنسبه للوسع الداخلي للصالون الاتراج اكبر ولا ايه ؟

[مؤمن حمزه]

العربيه معايا بقالها 4 شهور ..التكييف مابيفرقش خالص لان الموتور 2 كامه ...ثالثا الموتور قوى جدا على وزن العربيه الخفيف...صالون العربيه بحر.زى النيسان سوبر صالون و شنطتها اوسع من اى عربيه...ركب اللى انت عايزه فيها انا رحت بيها مشاوير للمطار العربيه كومبليت و اوزان تقيله و كمان شنط فى الشنطه و ماتحسش باى حاجه ..العربيه اداؤها هو هو فاضيه و لا مليانه........عربيه ممتازه

[Mahmoud.Fathy]

العربيه معايا بقالها 4 شهور ..التكييف مابيفرقش خالص لان الموتور 2 كامه ...ثالثا الموتور قوى جدا على وزن العربيه الخفيف...صالون العربيه بحر.زى النيسان سوبر صالون و شنطتها اوسع من اى عربيه...ركب اللى انت عايزه فيها انا رحت بيها مشاوير للمطار العربيه كومبليت و اوزان تقيله و كمان شنط فى الشنطه و ماتحسش باى حاجه ..العربيه اداؤها هو هو فاضيه و لا مليانه........عربيه ممتازه

حضرتك وصلت لكام كيلو متر في ال شهور دول ... هل عمليت اول صيانة ولا لسة ... عاوز اجمع اكبر قدر ممكن من المعلومات عن العربية

[Mahmoud.Fathy]

عفوا.... الموتور بالفعل ٢ كامة على ١٢ صباب dohc

شكرا للتوضيح مكنتش واخد بالي من ان الموتور dohc :) :)

[هانى شوقى]

معنى الحروف DOHC المكتوبه على المحرك هي اختصار للكلمات Double OverHead Camshaft وتعني محرك ذو 2 كامه علويه وتسمي احيانا Twin Cam فاين تقع هذه الكامات وما هي فائده ازدواجها؟ عامود الكامات Camshaft هو الجزء الخاص بضبط تزامن فتح وغلق صمامات الوقود والعادم بشكل توافقي دقيق جدا وفي الماضي كانت المحركات تعمل بنظام احادي الكامه SOHC وتوجد محركات الي الان تعمل بهذه الطريقه ويمكن للكامه الاحاديه تشغيل حتي 3 صمامات لكل غرفه ولكن هذا النوع من المحركات ذو قدرات محدوده ولكن مع اضافه كامه اخري الي المحرك يتم تقليل زمن فتح وغلق الصمامات وكذلك ضبط ادق لتوقيتات الفتح والغلق كذلك زياده عدد الصمامات لكل اسطوانه لرفع قدرة المحرك , ومن مشكلات اعتماد المحرك علي كامه واحده هو زياده سرعه دوران الكامه لخدمه الاربعه سلندرات وذلك يعني سرعه تاكل محاور الكامات و تقليل عمر سير الكاتينه Timing Belt . وتتمثل فائده تقليل زمن فتح وغلق الصمامات وضبط التوقيتات في زياده الطاقه الصادره من المحرك وذلك كنتيجه لزياده السرعة التردديه للاسطوانات وبذلك تزداد قدره المحرك فعلي سبيل المثال ( محرك 1600 c.c ذو كامه واحده ينتج طاقه في حدود 105 hp ولكن مع محرك اخر ذو نفس السعة ولكن ذو كامه مزدوجه من الممكن ان ينتج قدره في حدود 135 hp . وتظهر قدره المحركات المزدوجه الكامه بصوره واضحه عند التسارع المفاجيء للسياره فنجد ان استجابه السياره تكون سريعه و فاعله . يعتقد البعض ان المحرك مزدوج الكامه استهلاكه للوقود اعلي من المحرك ذو الكامه الواحده وهذا الاعتقاد خاطيء ولكن المحدد الاقوي للاستهلاك هو سعه السلندرات للمحرك وكذلك مدي تقدم الشركه المصنعه للسياره . الموضوع منقول

[مؤمن حمزه]

تقريبا 3000 كيلو و عملت اول صيانه من زمان .....اى حاجه عايز تعرفها عن العربيه اسالنى فيها...

[menshawy]

معى هيونداى فيرنا وبفكر اغيرها بمتسوبيشى اتراج اتوماتيك
العربية عجبانى عشان اعلى و اوسع من الفيرنا ويابانى
لكن الفيرنا اعلى فى الـ سى سى + الحصان + السلندر ودة اللى مقلقنى جدا جدا جدا جدا
1- اشترى هاى لاين توكيل ولا خليجى ؟
2- هل هاحس بالسحب وانا مشغل التكييف عن العربية الفيرنا ؟
3- احسن معرض فى مدينة نصر؟