باركولى يا جماعة جبت الاتراج

[مؤمن حمزه]

الف مليون مبروك على الجميله الاتراج عربيتى العزيزه.....و ربنا يبارك لك فيها و يحفظك من شرها....عربيه محترمه بجد و ده عهدنا من ميتسوبيشى....العربيه معايا دلوقتى من 4 شهور و ادائها ممتاز بكل ما تعنيه الكلمه...

[khaled amin]

الف مبروك ربنا يباركلك فيها و يكفيك شرها .. هو بس سؤال مهم هي العربية دي فعلا 3 سلندر ؟؟!!! مفيش منها 4 ؟!! و شكرا

[mk3]

ممكن اعرف من اى من الملاك العربية وهى على 90 بيكون الار بى ام على كام ؟؟

[muhmado_furp]

مليون مبروك
ربنا يحفظك ويحفظها

[tito_misr]

ممكن اعرف من اى من الملاك العربية وهى على 90 بيكون الار بى ام على كام ؟؟

1.5 - 2

[mk3]

1.5 - 2

يا فندم على السرعات العاليه الواحد من عشره ار بى ام بيفرق فازاى 1.5 الى 2 واصلا 2 كمان قليل

[tito_misr]

مش بتزين معايا عن 2

[tito_misr]

مش بتزيد معايا عن 2 بس لو سرعت علشان اعدى عربيه 2.5 - 3 و ترجع تانى

[mk3]

مش بتزيد معايا عن 2 بس لو سرعت علشان اعدى عربيه 2.5 - 3 و ترجع تانى

مانوال ولا اوتو

[gigaman]

الف الف مبروك وربنا يديك خيرها
اولا انا معايا لوجان 2011 مانيوال وعمرها ما زعلتنى تحفة بمعنى الكلمة وعندنا عربية تانية فى البيت بتاعت اخويا سيراتو 2013 خليجى
المهم بفكر ابيع اللوجان علشان المدام مش عارفة تسوف اللوجان خالص من الاخر علشان المانيوال وانا قلبى مش جايبنى ابيع العربية لانها فعلا حلوة وبقت عشرة العربية عاملة معايا 120 الف من الزيرو ولسة حاسس انها كسر زيرو مفيهاش غلطة والله واكبر بسافر بيها كل يوم ولا الدموع المهم فكرت فى اى عربية اوتو لدرجة الفيرنا قالولى التقفيل فكرت ف الجين السعر فرق المهم لقيتكم ببتكلمو على الاتراج انها بها هذة المميزات واقتصادية ومش بتقول لا فابصراحة انا فكرت وشكلى كدة هاجيبها بس عاوز اروح اعمل تيست داريف وعربيتك وكيل ولا خليكى وياريت تقول اى حاجة تحسها فى العربية

[مؤمن حمزه]

mike • 6 months ago I just got my G4 2 weeks ago, so far its very enjoyable to drive, interior is not that great, though its very comfortable because its very spacious rear and and back seat and also the trunk. You don't have to worry for the fuel consumption u can turn on your air condition every time u drive because its very fuel efficienct. other drivers choose to open their window rather than using air condition because their fuel consumption is a bit worse.. hehe.. so I'm well satisfied in choosing mistsu mirage G4. ;)






هاجيب كمان اراء ملاكها الاجانب

[مؤمن حمزه]

Gem Arellano • 8 months ago Before, at first glance on the showroom, I had a lot of reservations with this new car model which has yet to prove its roadworthiness. But after driving it, I now love this car. The CVT effectively compensates for its small power plant, and the acceleration is very smooth and linear. I recently drove my wife's G4 GLS Automatic to Baguio City via Kennon Road with only the two of us as passengers. It's very quick, nimble, and almost effortless to drive. The car's performance indeed surpassed my expectations as negotiating the steep uphill curves and hairpin turns along that highway was simply a breeze, at least with just two adults on board. The three-cylinder engine is well-balanced and runs very smoothly that you won't notice any difference with that of a 4-cylinder engine in terms of vibration. I love the push-button engine start/off and the keyless operation. It feels very modern and convenient. But most of all, it's the fuel efficiency of its motor that brings this car to the forefront of the competition. I achieved a remarkable 19km/liter mileage at 110kph/2000rpm along SCTEX.. Even with a heavy load of lots of vegies and fruits, the G4 happily cruised at 120-140 kph along the expressways (my overspeeding was purposely for testing only). But on the downside, I hope Mitsubishi will lower down the body and stiffen up the suspension (or perhaps by installing gas shock absorbers) for better handling on the curves at higher speeds

[ahmedxy]

الف شكر لكل من بارك وشارك فى الرد وارجو ان تغفروا لى لتاخرى بالرد والسبب انشغالى بالعمل انى تاخرت مرخصتش لحد دلوقت لتاخر الورق بسبب ان المعرض ماجبش الورق لحد دلوقتى ومش بعرف اخرج بدون نمر عشان المرور شادد ومش تقتلقوا كل اللى وعدتكو بية هعملة باذن الله وكل عام وانتم بالف خير وعيد سعيد علينا جميعا

[eng.mic]

بسم الله الرحمن الرحيم
بعد معاناة فى التفكير وحب التغيير لعربية اوسع وبعد ماشوفت السيارة اول مرة فى معرض وكانت الفئة التانية اوتو دخلت السيارة راسى وكان كلام صاحب المعرض ان النسان الصنى الجديدة افضل لكنى لم ارعى اهتماما لانى رايت عيوب كتير للنيسان اولها مشاكل فى الفرامل والايرباج اللى ساعات بتفتح لوحدها ولو بس حد ركن عليها يطبقها ولن اخوض فى السيارة اكتر من ذلك لان ميزانيتى لم تكن تتخطى السيارتين وكان معى فيرنا وما ادراك ما الفيرنا ماتور شديد لكن فرامل لا تستر المهم والحمد لله انا من الناس اللى ربنا اكرمهم بالطول وكنت برجع الكرسى على الاخر وازنق اللى ورايا وكنت اريد فى السيارة ثلاث اشياء
اولا تكون واسعة من الداخل
ثانيا شنطة كبيرة لنى بجيب فيها بضاعة
ثالثا والاهم تكون عالية على المطبات
رابعا تكون اوتو
خامسا يكون فيها eps & ebd للامان عشان اخوكم داق المر من الفيرنا مع انها عربية كويسة مش وحشة
اخذت فى القراءة عن السيارة ومشاهدتها عبر اليوتيوب وبعد ذلك اخوتنا فى المنتدى اللى اشتروا العربية وانطباعهم عنها الذين اوجة لهم الشكر الاستاذ هانى شوقى والاستاذ مؤمن حمزة والدكتور احمد
بعد ما خلاص استقريت على السيارة وبعت الفيرنا توجهت الى المعرض المهم اخدت واحد صاحبى معاة كيا سيراتو سبور عشان يوصلنا لان المعرض كان على الطريق الدولى ودخلنا واتفقنا فى سعر العربية الهاى لاين ب 112 جنوط 15 مش 14 والخمسة بريدج ستون تايلاندى والاستبن جنط بردة ودراع النور غير الدراع اللى فى الفئات الاقل لان فية الشبورة وقلت يا واد انت هتغير الكاوتش لو جبت بتاع الرواس وتكلفة الفرق فى الكاوتش والجنوط اللى طبعا هتبقى 4 بس مش خمسة جنوط والشبورة تبقى الفرق بتهم 3 او 4 الاف خلينا فى الوكيل احسن المهم تعرفنا على بتاع المعرض وقلنالة عايزين نجرب العربية قال الزيرو مش بيتجرب بس عشان خاطركوا ماشى سيبنا العربية السيراتو فى المعرض وركبنا احنا الاربعة فى العربية انا وصاحبى وقريبى و صاحب المعرض قالولى سوق انت قولتلهم لا انا هركب معاكوا الاول لانى ماسوقتش الاوتو قبل كدة وقلنا بسم الله وطلعنا :copy of rfds::copy of rfds:
وكانت المفاجاة الكبيرة مع انى قريت وسمعت عن العربية كتير العربية سحب ونعومة غير عادية وخلال ثوانى كنا على 150 وببص وريا مافيش حد قولت جرب الفرامل لاقيت العربية كلبشت فى الارض جة يلف قولت كمل كمان شوية لان كنا هنعدى على منطقة كلها مطبات وحبيت اجرب علو العربية مطبات من النوعية الحدادى اللى معمولة على الايد ومتكلفة وقلت يواد اطمن على فلوسك
الحمد لله عدت بسلاسة واخينا اول مطب مفكر نفسة راكب السيراتو وعايز ياخدو بالعرض قولت خدة عدل ومش تاخدة سنة سنة اما نشوف اخر العربية دى اية الحمد لله لم تحك فى ولا مطب
الانطباعات الاولى
العزل فوق الممتاز لا تسمع صوت لاى شىء لا يوجد سوى الهدوء لاصوت محرك ولاسيارات ولما وقفنا لو اى حد بكلمك برة لا تسمعة الا لما تنزيل الزجاج فالعزل ياخد 100 %
نعومة وسحب السيارة حسستنى انى اول مرة اركب عربية وعلى راى الاستاذ مؤمن حمزة مش عايز تنزل منها العربية سريعة ماشاء الله ماتور هادى تكييف جيد وسع جامد عالية اخدت بيها ملفات خطرة على سرعة كنت احازر منها فى الفيرنا والحمد لله ثبات تام وعندما تغلق السيارة وتشد المفتاح لو انت سايب النور الصغير شغال نور الصالون يقيد ومش يطفى الا لما تحط المفتاح او تغلق النور الصغير ودة ينبهك كل حاجة فى العربية سلسة سواء فتيس او ابواب او فرامل يد لا تحتاج عنف لانها سلسة مش زى الفيرنا
بعد كدة نزلنا من العربية بقول لصاحبى اية رايك قال مشاء الله والله انعم من عربيتى وسحبها ممتاز قولتلة انت عارف هى كام سى سى قال 1600 ولا اية صعق لما عرف انها 1200 دفعنا 100 الف واستلمنا العربية عشان يستعجلو الورق قبل العيد وفى النهاية هى سيارة ممتازة للطرق بتاعتنا مريحة وعائلية واالى بيجيب فيها بضاعة زى حالاتى وانتظرو منى فديوهات حصرية بالفيدو على موقعنا المميز لكى تكون مرجع للى خايف من العربية او بيطلع فيها القطط من غير ما يجرب اقولة حرام عليك تحكم على حد من غير ماتعرفة واسف على طول الموضوع لكن حبيت انقل لكم انطباعى الاول عن السيارة وكمان اضاءة السيارة ممتازة لا تحتاج لزينون او عدسات وانتظروا إن شاء الله الصور والفيديوهات طيب الله اوقاتكم

الف مبروك ياباشا وكل سنة وانت طيب بس معلش ليا استفسار بما انك كان معاك فيرنا قبل كده حضرتك تقييمك لصاج الاتراج بالنسبة للفيرنا . والسؤال لكل ملاك الاتراج هل فرق الوزن في الاتراج بالنسبة للعربيات الاخري هو في وزن الماتور ام في الصاج نفسه

[ahmedxy]

الله يبارك فيك
اولا بالنسبة للصاج تقريبا نفس السمك
من ملحظتى للسيارة من فوق المنزل يوضح ان السقف صغير نسبيا والزجاج الامامى والخلفى كبير بس نسبة الميل في الزجاج كبيرة سواء الامامى او الخلفى والزجاج سمكة كبير ووسع السيارة من الداخل والشنطة وصغر حجم التابلوة وصغر المحرك ادى ذلك الى خفة وزن السيارة وفى الكتالوج فية فرق بين اوزان السيارة للثلاث فئات بس بعد كام يوم من الشراء مع انى مش بخرج بيها كتير عشان لسة مرخصتش كانت الملاحظات كالتالى
اولا معدل استهلاك الوقود كل مرة بيقل تدريجيا يعنى الاستهلاك بيقل مع ان نفس الاماكن اللى بروح لها ونفس الطرق ونفس السرعات عشان الواحد الاحظ الاستهلاك فالحمد لله معدل الاستهلاك بيقل
ثانيا اخدت اتنين صحابى وواحد بتاع معرض عشان اصحابى عجبتهم العربية وعندنا طريق دولى قولنا نطلع نجرب وصاحبنا صاحب المعرض طار بالعربية مشينا على 150 تمام العزل ممتاز ومش تسمع حاجة خالص واخدنا ملفات بالعربية وكنا اربعة فكان الثبات كويس لفينا ورحنا رجعين فضل يعدى بالسيارات وياخد غرز والعربية ممتازة فى المناورة وفجاة فى ملف ظهر رصيف كبير والسرعة عالية وكان لازم يتفاداة والله لو الفيرنا كانت اتقلبت عشرين قلبة بس ربنا ستر والعربية مش خزلتنا سواء فى المناورة او الاتزان وانا عن نفسى مش بحب الجرى بس بصراحة الكل اتفاجىء بالعربية وادائها واتفقوا معاة يجيب لكل واحد عربية بصراحة قبل كدة كل اللى كان يتكلم يقول بعد التجربة انة مش مصدق اداء العربية وكمان فية حاجتين لاحظتهم ان العربية لو تركتها فى الشمس مدة كبيرة مش بتكون نار من جوة الساعة 2 فى عز الحر فهل حد لاحظ الملحوظة دى قبل كدة يعن زجاج العربية السمك بتاعة لية دور فى عدم سخونة السيارة من الداخل والكلام دة لاحظتة اكتر من مرة تانى حاجة ان الماتور مش بيسخن ولا بيطلع سخونة زى الفيرنا مع ان الفارق هو 400 سى سى فقط وفى النهاية بحمد كل يوم ربنا على الاختيار وسيبك من الناس اللى بتزم فى العربية من غير ما يركبها لمجرد انها 1200 سى سى يعرف ان فيه حاجة فى الدنيا اسما تطور التكنولوجيا اللى خلى اى شىء يقل حاجمة ويكبر ادائة مثل اجهزة الكمبيوتر والموبايل والتلفيزيونات يعنى كان زمان الشاشة قدية ودلوقت ادية من crt الى lcd الى led الحجم بيقل والجودة بتزيد وهى دى التكنولوجيا وجرب وانت تعرف واسف على الاطالة