نقص مياه من غير تسريب !

[shereef.allam]

سلام عليكم :)
انا معايا لانسر بومة ٢٠٠٦ كان فيه تسريب مياه القربة و وديتها لبتاع رادياتير كشف عليها و طلع العلبة مكسورة و هي السبب في التسريب بعدين صلحها و فضلت المشكلة زي ما هي القربة بتقل بس المرة دي من غير تسريب في اي حتة خالص ولا خرطوم ولا رادياتير ولا حاجة
ف ايه ممكن يكون السبب ؟
سؤال تاني : هل الطبيعي أما أشغل التكييف الفايظ يسرب مياه؟
و شكراً

[mestca]

انا خايف لا يكون جوان وش سليندر و يكون الموضوع فى اولة
اولا شوف العربية بتفتف من الشكمان مياة بصورة مش طبيعية كل ما تسخن العربية
لو لقيتها كدة يبقى اسبق و اكشف على الجوان لان الموضوع ممكن يكون فى اولة قبل ما المياة ما تزيد وتدخل على الزيت وتعمل طحينة ممكن تتاكد بردو من غطاء الزيت بص فية كويس فى اثار طحينة على الغطاء و لا لاء

[Abo_Mazen]

انا خايف لا يكون جوان وش سليندر و يكون الموضوع فى اولة
اولا شوف العربية بتفتف من الشكمان مياة بصورة مش طبيعية كل ما تسخن العربية
لو لقيتها كدة يبقى اسبق و اكشف على الجوان لان الموضوع ممكن يكون فى اولة قبل ما المياة ما تزيد وتدخل على الزيت وتعمل طحينة ممكن تتاكد بردو من غطاء الزيت بص فية كويس فى اثار طحينة على الغطاء و لا لاء

[shereef.allam]

انا خايف لا يكون جوان وش سليندر و يكون الموضوع فى اولة
اولا شوف العربية بتفتف من الشكمان مياة بصورة مش طبيعية كل ما تسخن العربية
لو لقيتها كدة يبقى اسبق و اكشف على الجوان لان الموضوع ممكن يكون فى اولة قبل ما المياة ما تزيد وتدخل على الزيت وتعمل طحينة ممكن تتاكد بردو من غطاء الزيت بص فية كويس فى اثار طحينة على الغطاء و لا لاء

أولا شكرا علي الرد :)
غطاء الزيت معليهوش طحينة خالص
هركز في موضوع الشكمان ده بس علي افتراض ان مكنش بيتفتف ، هيبقي ايه ؟

[mestca]

ممكن يكون فى تسريب بخار مش ملحوظ فى مكان متدارى

[Fadi Ezzat]

وبص على غطاء الردياتير كويس

[mamd_3000]

غير غطا الردتير واناشاء الله تتحل المشكلة

[mohelmahdy]

مايه بتنقص وحراره بتعلى ومفيش اى تسريب من اى مكان زى غطاء الاربه وغيره يبقى اكشف على طلمبه المايه

[mk3]

متابع

[ENG_TEKA]

هقولك خطوات تعملها من واقع تجربتى

1- هتروح لواحد بتاع ريداتير هيكبس دورة الريداتير بمنفاخ هوا لمدة ربع ساعة مثلا و يشوف لو فى تسريب من الريداتير او الخراطيم او اى جزء هيبان التسريب

2- لو مفيش تسريب و الضغط زى ما هو هتدور العربية و هو كابس هوا و لو قل الضغط و انت بتدور غالبا فيها جوان

3- لو الضغط ثابت هتشك فى حاجة من اتنين اما غطا الريداتير و هات واحد اصلى او استيراد بحالة ممتازة متجيبش اى نوع تعبان
و الحاجة التانية فى اللى هتكشف عليها و غالبا دى سبب مشاكل كتير بتبقى بوابة فى الكوعة هتروح لميكانيكى يفك الكوعة و يشوفها لو قالك بايظة غيرها

و ان شاء الله الموضوع يبقى بسيط و مش مكلف

[Fadi Ezzat]

ياريت صاحب الموضوع يقولنا عمل اية

[noureldenadel4]

متابع