عايز عربية بالقسط محتار لوجن ولا اتراج

[heikalsh]

ارجوكم كلمة حق كل من قالها سوف يحاسب يوم القيامة برجاء الافاده عن تجربة

لذا ارجوكم لانى اول مرة اشترى سيارة ... لاننى لسة جديد فى السواقة

وما هى مميزات و ايهما افضل وما الفرق بين الوكيل و الخليجى وافضل معرض ان امكن

وشكرا لجميع الاعضاء والمشرفين

[mestca]

اولا ادرس ميزانيتك كويس و شوف انت عايز عربية فى حدود كام
و انزل السوق و اتفرج براحتك و ماتخليش حد ياكل دماغك
ادخل على النت هتلاقى الكل بيتكلم عن الموديلات المختلفة
حدد كام عربية و ادرسهم كويس
و اسال اللى شاريها و شوف رأية اية
ادخل على يوتيوب و شوف فديوهات للعربيات
خش على المنتدى و اقراء كويس عن كل عربية
انزل المعرض و اتفرج على الموديلات اللى حصرتها
اركب كل و احدة و اعمل تيست دريف كمان
اسال بقى اهل الخبرة من ملاك العربية و شوف مميزاتها و عيوبها
و اكيد هتوصل لحاجة كويسة
و خليك فى اليابانى تكسب

[reyad_mohamed]

دلوقتى اول حاجة لازم نعرف انت عاوز عربيه فى حدود كام الاول علشان نقدر نفيدك
لو 95- 105 الف هتبقى لوجان - اتراج - هيونداى جراند - افيو
لو 130- 140 الف هتبقى بيجو301 - لانسر -
لو 175 ----- يبقى هيونداى النترا - كورولا وعبش يا معلم
دى طبعا وجهة نظرى طبعا انا مستبعد عربيات كتير وأولهم الكيا هيصة على الفاضى

[menshawy]

معى هيونداى فيرنا وبفكر اغيرها بمتسوبيشى اتراج اتوماتيك
العربية عجبانى عشان اعلى و اوسع من الفيرنا ويابانى
لكن الفيرنا اعلى فى الـ سى سى + الحصان + السلندر ودة اللى مقلقنى جدا جدا جدا جدا
1- اشترى هاى لاين توكيل ولا خليجى ؟
2- هل هاحس بالسحب وانا مشغل التكييف عن العربية الفيرنا ؟
3- احسن معرض فى مدينة نصر؟

[heikalsh]

شكرا للجميع
انا معايا 15 الف عايز ادفعهم مقدمة واقسط
ايهما افضل موديلات 2015 ( اتراج - لوجان - افيو )