مشكلة لما اغير من d الى n او من n الى r

[magdyelshikh]

من يومين فقط لاحظت المشكلة لما اغير من الوضع n الى d الاحظ ان العربية بتنط زى العربية المانول لما تاخد غير من غير لما تكون دايس دبرياج كويس تلاحظ ان العربية فيها قفزة للامام ...........
نفس الحالة عندى فى الفتيس الاوتامك بتاع البومة 1600 الاحظ القفزة دى مع العلم دايس فرامل كويس ونفس الحكاية لما اغير من n الى r مش عارف ايه السبب وكمان ملاحظ ان فى تسرية مع دوسة الفرامل بتظهر فى رسمة حرف r فقط لما بدوس فرامل ألاحظ ان حرف r فيه تسرية خفيفة للنور بتاعة حتى لو الفتيس على d ده بالنسبة للنور بتاع سرعات الفتيس اللى فى الطبلون مع تسرية فى الاشارة اليمين .....
ياريت لو حد عنده توضيح للسبب او تفسير .................

[shoshasam]

شييك علي قواعد الموتور وقواعد الفتيس
غير زيت الفتيس لو بقالك فترة طويلة ماغيرتوش (تغير مش تزود)

[dare_devil5050]

مشكله الفتاس ديت عندي في لانسر البوما ٢٠١٣ ولاما روحت التوكيل وقلتلهم قلولي عادي كل العربيات الي في سنه ديت كدا وجربوها علي عربيه تانيا كانت بتعمل صيانه دوريه و كان فيها نفس الشىء . فياريت لو في حد يقدر يسعدني في الموضع ده او حد عندوا توضيح او تفسير ....... شكرا.

[sofokl]

لو الفوانيس الخلفية مش اصلية بتعمل مشاكل فى الكهربا لأنها متوصلة بالفتيس علشان نور المارشدير وده اللى بيخللى لمبة ال r تنور وانت مش جايب مارشدير وكمان بيبرجل الفتيس ، ممكن الكهربائى يعيد على وصلات الفانوس والأسلاك اللى جواه او تجيب فانوس اصلى ، والله أعلم

[magdyelshikh]

لو الفوانيس الخلفية مش اصلية بتعمل مشاكل فى الكهربا لأنها متوصلة بالفتيس علشان نور المارشدير وده اللى بيخللى لمبة ال r تنور وانت مش جايب مارشدير وكمان بيبرجل الفتيس ، ممكن الكهربائى يعيد على وصلات الفانوس والأسلاك اللى جواه او تجيب فانوس اصلى ، والله أعلم

هو فعلا زى ما حضرتك بتقول الفوانيس مش اصلية ديبو بس راكبة بقلها اكتر من 10 شهور وموضوع تسرية النور لسه ظاهر من اسبوعين يعنى لو المشكلة بسبب الفوانيس كانت ظهرت من وقت طويل .. بس اللى بفكر فيه ان ممكن يكون وصل للفيش ميه لانى كنت خالع الفوانيس من شهر ونصف وخليت البيوجى رش الاكصدامين الخلفى والامامى فكان الاكصدام مخلوع اصلا من العربية وكان بيرشه بره علشان كنت مغيره فكانت الفوانيس الخلفية مخلوعة ..... حشيك على فيش الفوانيس بنفسى واجرب ...شكرأ لاهتمام حضرتك وكل عام والجميع بخير