معى هيونداى فيرنا وبفكر اغيرها بمتسوبيشى اتراج اتوماتيك

[menshawy]

معى هيونداى فيرنا وبفكر اغيرها بمتسوبيشى اتراج اتوماتيك
العربية عجبانى عشان اعلى و اوسع من الفيرنا ويابانى
لكن الفيرنا اعلى فى الـ سى سى + الحصان + السلندر ودة اللى مقلقنى جدا جدا جدا جدا
1- اشترى هاى لاين توكيل ولا خليجى ؟
2- هل هاحس بالسحب وانا مشغل التكييف عن العربية الفيرنا ؟
3- احسن معرض فى مدينة نصر؟

[Mortredo]

اتراج عربيه كويسه.....
بس صعب انك تقنع نفسك انك تدفع فلوس كاش بقي ولا اقساط عشان تبدل الفيرنا اللي معاك ب(اتراج)...

هتحس طبعا بفرق عدد الاحصنه, اتراج 79 حصان وده ( لازم هتحس بالفرق لو قارنتها بحاجه زي اليارس مثلا ) و 1200 سي سي علي حد علمي. بس ده ليه ميزته العربيه دي موفره بطريقه عجيبه للبنزين.

العربيه من قدام مريحه جدا ومن ورا """"ضيقه""""" حبتين :)

نصيحتي ليك مستعجلش في الشرا وشوف مميزات العربيه وعيوبها قبل ما تشتري. واحسن حاجه لو تجربها بنفسها. وتقارنها بكل العربيات اللي في سعرها. وقتها هتشتري وانت مطمن وعمرك ما هتندم قدام.

[menshawy]

شكرا كلام جميل

[mestca]

عربية اية اللى ضيقة من ورا الاتراج واسعة جدا من ورا و العربية ممتازة و سلسة جدا فى السواقة توكل على الله و هتها هى صفقة رابحة و مش هتندم و دة لانى مالك اتراج و بقالها معايا 3 شهور بمعدل 3400 ك

[mhmd_farouq]

لحد دلوقتي الناس بتشكر فيها، اللي سمعته انها مش ضيقه ناعمه اقتصاديه سحبها كويس مش بيتأثر اوي بالتكييف على الرغم انها ٣ سبندر، بس من رأي تستنا شويه وتشوف التقييم االكامل، اكيد هتحس بفرق لان الفيرنا جرايه، اصبر شويه كده لحد ما عيوبها تظهر، مفيش عربيه بدون عيوب ايان كانت، وبالتوفيق انشاء الله

[mhmd_farouq]

فيه تست درايف في التوكيل لو عايز تجربها، منهم سعودي طريق الاسماعيليه

[J A G U A R]

انا شايف ان الاتراج نفس فئه الفيرنا
والفيرنا بتتفوق فى حاجات مهمه عن الاتراج
والاتراج برضه ليها مميزاتها

[mhmd_farouq]

انا شايف ان الاتراج نفس فئه الفيرنا
والفيرنا بتتفوق فى حاجات مهمه عن الاتراج
والاتراج برضه ليها مميزاتها

طبعا يا باشا الفيرنا قطع غيارها في كل حته ومش غاليه، السحب اعتقد الفيرنا تتفوق، الفكره بس ان الاتراج براند جديد تماما، ده ما يمنعش طبعا انها تكون كويسه.

[ahmedxy]

مع الاعتذار للجميع انا بايع الفيرنا 2012 كاملة عاملة 16 الف كيلو فبريكة صيانات توكيل وبعتها واشتريت الاتراج فرق السما من الارض
اولا الارتفاع عن الارض والمطبات
ثانيا الوسع الداخلى الاتراج تكسب بمراحل سواء اللى قدام او اللى ورا
ثالثا الشنطة اوسع
رابعا الثبات
خامسا الفرامل وما ادراك ما الفرامل فرق abs & abd عن فرمل الفيرنا التعبانة
الاتراج ممتازة فى السحب والنعومة والعزل وممتازة فى المناورة والله مافارق حكاية 1200 من 1600 توفير بنزين رائع واير باج للسائق
يعنى فى النهاية وعن تجربة لانى كنت مالك للاثنين والاتنين اول يد الفيرنا تتظلم اذا قارنتها بالاتراج والفرق كبير لصالح الاتراج ونظام صوتى ياخذ عشرة على عشرة وانا معايا وكيل هاى لاين واى حد عندة اى استفسار انا فى الخدمة واسال اللى ركب العربية مش اللى مجرد شاف صور ويقول ديقة من جوة تعرف انة مش شاف العربية اصلا ولا قرب منها من الاساس

[mhmd_farouq]

سامع عنها كلام حلو والله، ربنا يباركلك فيها.

[مؤمن حمزه]

اخويا كان معاه فيرنا من ييجى 5 سنين و ركبتها جربتها منه..العربيه واطيه جدا اى مطب ان شاء الله لو سنتيمتر واحد بتحك فيه حاجه غريبه جدا...العربيه موتورها كويس و عفيه لكن جسمها خفيف على الموتور ده.

الاتراج احسن من الفيرنا بكتير سواء كعلو عن الارض عاليه جدا.برضه السحب و التسارع ممتاز و توفير البنزين ...فى حد كاتب ان العربيه ضيقه من ورا ده اكيد ماشافش العربيه اساسا...العربيه واسعه بحر من جوه فى نفس وسع النيسان سوبر صالون القديمه ماشاء الله ....غير الفرامل طبعا و الفتيس الممتاز...

الاتراج احسن بكتير عن تجربه للعربيتين ...مافيش مقارنه

[motoxp]

الاتراج عربيه ممتازه جدا لسه واحد زميلى جايبها و بيشكر فيها اوى و على فكره هى وسعه و فراملها ممتازه

ولو هتبيع الفيرنا ياريت رقمك عشان انا بدور على فيرنا

[S O P H O S]

لو هتضحي بماتور الفيرنا وسهولة قطع الغيار
يبقي الاتراج الانسب لباقي مميزات المقارنة بين الاثنين