العداد بيتصفر وبيتلعب فيه

[dragon1]

بسم الله الرحمن الرحيم

كل عام وانتم بخير في موضوع سمعته استفزني وحبيتكم تشاركوا معايا كنت بسال كذا واحد عن العربيات وكده وكنت بسال عامله كم الف كيلوا كذا واحد قالي انت مهتم بالعربيه مشيت اد ايه العدادات بتتصفر دلوقتي وبينلعب في قيمة العداد والكلام ده سمعته من اكتر من حد والعربيه بتتقاس بحالتها وفي اماكن معروفه للناس معندهاش ضمير بتصفر العداد عادي جدا والموضوع ده ديقني جدا ولو كان صح احنا هنا بنسال العربيه قطعت كم الف كيلوا ليه ومهتمين بده ليه ما دام في ناس بتلعب ويا ترى ممكن حد يعرف العداد اتلعب فيه ولا لاء اتمنى الموضوع يتناقش بصوره عمليه على ارض الواقع

[pioneerahmed]

بص عشان تجيب من الاخر كل العربيات في الدنيا بيتلعب في عدادها ماعدا البي ام

[mr.moustafa]

كل حاجة دلوقتي ممكن تتغش و يتلعب فيها
احنا بس بنعمل اللي علينا و الله الموفق

[dragon1]

انتم بجد يا رجاله جبتم من الاخر بارك الله فيكم

[J A G U A R]

بص عشان تجيب من الاخر كل العربيات في الدنيا بيتلعب في عدادها ماعدا البي ام

اشمعنا

[muhmado_furp]

موضوع لعب العدادات ده بقاله فترة والتغير بيكون نوعين
نوع بيتغير من خلال الكمبيوتر بتاع العربية
التاني بيفك لوحه العدادات وبيغير من البورده
الانسر من النوع التاني وده ميزته أن العربية لو اتحطت علي جهاز كمبيوتر متخصص هيقدر يجيب الكم الي متسجل في الكمبيوتر بتاع العربية
الحل الثالث انك تشتري عربية صيانة توكيل وتكشف عليها في التوكيل وساعتها مش هيكون فيه لعب

[kar!m]

في حاجات زي خشونة لطارة و مدى استهلاك دواسات البنزين و الفرامل و الحالة العامة للعربية و للفرش بتبين اذا كان العداد ملعوب فيه ولا لأ.

بس لو حد عاوزها متبانش أكيد هيغير الحاجات دي.

[Sherif Mandoor]

كان فى موضوع فى المنتدى ان البى ام بيتلعب فى عداداته

[svneleven]

كل العربيات بيتلعب في عدادها.