مساعده لتغيير كاوتش لانسر 2007

[atef5054]

يا جماعه انا هغير كاوتش عربيه لانسر 2007
مقاس 15

قدامي كذا حل يا ريت تساعدوني في الاختيار

قدامي بريدجستون سوبر سايلنت ياباني ب 605
سوبر سايلنت تايلاندي ب 500
بريدجستون my1 ب 450

انا لو جبت ممكن اجيب اللي ب 600 بس مستغليه شويه ؟؟ هوا سعره كدا مش غالي ؟؟ يعني يفرق كتيير عن التايلاندي ابوو 500 ؟؟؟ في الاداء يعني والعمر ولا ايه ؟


و حل تاااني خااالص

اجيب ميشلان ايطالي ب 500 جنيه و معظم الناس بتاعت الكاوتش قالتلي اطري من البريدجستوون ؟؟؟؟؟


يا ريت حد يقولي اجيب الميشلان ولا البردجستوون ؟؟ عشان اجيب بقي ان شاء الله ؟؟

[OsKaR]

طالما للانسر انصحك بسوبر سايلنت عن تجربه بيفرق في صوت العربيه الناتج من الاحتكاك معروف و متجرب من ناس كتيره بس خليك في الياباني بس اتأكد من انه ياباني فعلا

[mohamedway]

بريدجستون يابانى TURANZA GR80 Super silent بدون تفكير حتى لو الفرده أغلى من كده كمان و انا لما أغير المره الجايه هجيبه ان شاء الله .

[elpasha009]

بص حضرتك أنا غيرت من حوالي 5 شهور لmy-01 وده التقيم:

http://www.nilemotors.net/Nile/showthread.php?t=26998

بس نصيحة غير للسوبرسايلنت الياباني يستاهل تمنه ولولا إن العربية للشغل أنا كنت غيرت ليه.

[atef5054]

شكرا يا جماااعه بجد ان شاء الله لو جبت البردجستون هجيب سوبر سايلنت الياباني

بس عايز اعرف ليه الميشلان لا ؟؟ مفيش حد بتاع كاوتش غير وقالي هات ميشلان ؟؟!!!

[reebok2010]

انا جبت بريلللا p400, ,وعن تجربة ممتاز
....

[atef5054]

يا جماعه محدش جرب الميشلان خاااص ؟؟؟

[atef5054]

شكرا يا جماعه انا خلاص رحت انهارده وشفت السوبر سايلنت و حجزته وان شاء الله هركبه بكرا في بريدجستوون في اسكندريه شكرا لمساعدتكم

[mohamedway]

يا جماعه محدش جرب الميشلان خاااص ؟؟؟

أنا مركب عندى فردتين ميشلان انرجى قدام و بصراحه بيتزحلقه بصعوبه جدا مع الفرمله و مكلبشين حلو فى الأرض و مخليين الدركسيون مضبوط فى ايدى مهما كانت السرعه عاليه بس صوته عالى فى السرعات العاليه (ششششششششششششششششششششششششش) هو ده صوتهخ بالضبط على سرعه زى 120 مثلا فما فوق و بصراحه مقدرش أحكم على ثباته فى المنحنيات لأن ده يتطلب انى أكون مركبهم فى الخلف و عشان اشوف العربيه هتطوح ولا لأ فى الملفات و الخرز بس الفردتين اللى راكبين عندى ورا بريللى موديل اسمه دراجون و بصراحه مثبته العربيه من ورا بطريقه غريبه و احسن بكتييييير من الأصليين اللى كانوا فيها (البريدجستون) و ان شاء الله لما أجى أغير المره الجايه هجيب أربع فرد مع بعض بريدجستون سوبر سايلنت يابانى لأن مفيش حد جربه الا و انبسط منه قوى و خصوصا فى الانسر.

[atef5054]

خلاص ركبت الكاوتش بريدجستون ياباني .... سوبرسايلنت انهارده بعد ما دوخت لحد ملقيت 4 عجلات :) و كانت ب 615 الواحده

اول تجربه ليهم اني حاسس ان العربيه اخف في المطبات ... والسرعه تحس ان العربيه لما تفرمل ماسكه نفسها الفرامل اتحسنت و الباقي لسه مش عارف بقي لاني مجربتهاش لمسافه كبيره ...وموضووع الصوت دا لسه مش عارف ... هبقي اقولكو ان شاء الله

[emadfk]

الف مبروووووك

[iunknown]

خلاص ركبت الكاوتش بريدجستون ياباني .... سوبرسايلنت انهارده بعد ما دوخت لحد ملقيت 4 عجلات :) و كانت ب 615 الواحده

اول تجربه ليهم اني حاسس ان العربيه اخف في المطبات ... والسرعه تحس ان العربيه لما تفرمل ماسكه نفسها الفرامل اتحسنت و الباقي لسه مش عارف بقي لاني مجربتهاش لمسافه كبيره ...وموضووع الصوت دا لسه مش عارف ... هبقي اقولكو ان شاء الله

ألف مبروك
يا ريت حضرتك تقول لنا جبتهم منين

[atef5054]

ألف مبروك
يا ريت حضرتك تقول لنا جبتهم منين

الله يبارك فيك

انا جبتهم من بريدجستون اللي في لوران علي البحر .... بعد سان ستيفانو ... وانت رايح علي سيدي بشر كدا ... علي البحر علطووول ...

والناس هناك كويسين والمعامله ممتازه حتي لما جيت بعد كدا اظبط زوايا للعربيه مرضوش ياخدو غير 40 جنيه تمن ظبط قدام بس و مخدوش 45 عشان هما ظبطوا ورا كمان ...
بس مش هتلاقي الكااوتش هتحجزه وان شاء الله هيبجيوهولك بعد 2 او 3

[iunknown]

الله يبارك فيك

انا جبتهم من بريدجستون اللي في لوران علي البحر .... بعد سان ستيفانو ... وانت رايح علي سيدي بشر كدا ... علي البحر علطووول ...

والناس هناك كويسين والمعامله ممتازه حتي لما جيت بعد كدا اظبط زوايا للعربيه مرضوش ياخدو غير 40 جنيه تمن ظبط قدام بس و مخدوش 45 عشان هما ظبطوا ورا كمان ...
بس مش هتلاقي الكااوتش هتحجزه وان شاء الله هيبجيوهولك بعد 2 او 3

أشكرك جدا

انا من القاهرة

حد عنده فكرة هم موجودين في بريدجستون على طول ولا لازم حجز ؟