شوية اسئلة عن الكولت ياريت الخبراء يجوبونى عليها ؟

[bobosico]

السلام عليكم يا جماعة
انا كنت عايز اسأل عن الكولت
ايه حكاية انى لازم احط فيها بنزين 95
مينفعش 92 هو حيضره في ايه
ادى اول سوأل
تانى سوأل
نظام التبرتونيك(معلش ممكن اكون كاتب غلط)
ده لو باظ بيتصلح و لا بيتغير فى التوكيل و بكام التصليح و بكام التغيير
و السوأل الثالث
هل قطع غيارها اغلى من الانسر البومة ولا ايه
و لو هاشتريها ان شاء الله
ازاى هاخد الاستيكر بتاع نايل موتورز و استفيد بالعرض
معلش طولت عليكو
و جزاكم الله كل خير
و شكرا

[bobosico]

ايه يا جماعة مفيش حد رد عليا
هو اسئلتى صعبة اوى كده
طيب بما ان اسئلتى صعبة
اضيف سؤال كمان
هى ايه خاصية ال cvvt
و ما معناها
و هل هى موجودة فى الكولت ام لا

[مصراوي جدا]

اهلا بيك معانا في منتدى ميتسوبيشي

بخصوص ان الكولت لازم تحط لها بنزين 95 فده مكتوب في كتيب المستخدم اللي جاي معاها من اوروبا وده لأنه الطبيعي في اوروبا أنما المحرك بتاعها هو نفس محرك اللانسر الشارك وكل مستخدمي اللانسر الشارك بيحطوا لها بنزين 92 بدون اي مشاكل او تسقيف او غيره ،واليابان لم تنصح ببنزين 95 للانسر الشارك مثلما نصحت به للانسر البومة 1600 الخليجي.

الفتيس فيها اسمه (All Shift) وهو زي الايزي ترونيك اللي في الأوبل وهو عبارة عن فتيس مانوال أوتوماتيك بدون دبرياج عبارة عن علامة (+) تتنقل فيها من الأول الى السادس تباعا وعلامة (-) لتخفيف السرعة بالنقل من السادس الى الأول تباعا وطبعا (N) المور و(R) هو Reverse

وأهمهم وضع (A) يعني واتوماتيك

اذا ممكن تشتغل مانوال بالتحرك من الأول الى السادس والعكس باستخدام الزائد والناقص
وممكن تشتغل أوتوماتيك وخلاص



انما في الفتيس ده بتشعر بالنقلة بعكس الفتيس في اللانسر 1600 CVT وهو صندوق سرعات دائم التغير Continous Variable Transmission وفيه لا تشعر بالنقل من سرعة لأخرى لأنه نظام مختلف يستخدم البكر والسيور في نقل الحركة من سرعة لأخرى.

الفتيس يتكون من عدة اجزاء وكلها موجودة في التوكيل ويتم استبدالها

بخصوص اسعار قطع الغيار
بخصوص اسعار قطع الغيار (شامل ض.م)
فلتر زيت : 55 ج - اللانسر : 50 ج
تيل فرامل أمامي : 655 ج - اللانسر : 385 ج
تيل فرامل خلفي : 300 ج - اللانسر : 314 ج
فانوس امامي : 1150 ج - اللانسر : 990 ج
فانوس خلفي : 645 ج - اللانسر : 750 ج

يعني بشكل عام لو العربية متأمن عليها فالتأمين شال قصة البودي والحوادث لا قدر الله
أما الصيانة والمحرك هو محرك اللانسر EX وبالتالي نفس تكلفة اللانسر وبالمناسبة اسعار الصيانة في جدول المصنعيات العربية الكولت زي اللانسر


ده رد الاستاذ أحمد احد اعضاء المنتدى ومالك سيارة كولت 2007 في احدى المناقشات والمقارنات

OldVic

أهلا بكم جميعا،

لقد قرأت مشاركاتكم و أريد أن أختصر ردى فى عدة نقاط:

1- قطع الغيار الغالية: قطع الغيار إما قطع يتعين تغييرها بسبب حادث و هذه لن تكون مشكلة لان المفروض التأمين على اى سيارة جديدة، و إما قطع غيار تستهلك consumables و هذه تتميز بجودتها العالية و بالتاى العمر الطويل اذا تم الالتزام بتعليمات التشغيل.

2- الجودة: السيارة من صنع شركة NedCar الهولندية (مملوكة لميتسوبيشى)
و هو نفس المصنع الذى كان يصنع ال Smart ForFour و هى النسخة الكبيرة للسمارت الموجودة عندنا هنا. و بالمناسبة، الكولت الجديدة و الSmar ForFour تشتركان فى 60% من الاجزاء الميكانيكية و ربما هذا هو سبب تيل الفرامل الالمانى الذى اشار اليه المهندس طارق. يالناسبة ايضا الكاوتش من صنع Continental.

3- Colt vs. Sirion:
نعم شنطة الكولت صغيرة جدا مقارنة ب السيريون و لكن يمكن دفع المقاعد الخلفية أو طيها لزيادة حجم الشنطة.
بغض النظر عن القياسات و الابعاد، فالكولت أوسع كثيرا من الداخل و كذلك وضع الجلوس المرتفع قليلا مريح للغاية- لن تحب ان تغادرها :D.
العيب الوحيد فى الشكل هو وضع ال A-pillar او القائم الامامى فهو يعيق الرؤية فى بعض الاحيان و لكن بالتعود كل شئ سهل.
الكولت سيارة اوروبية بامتياز فهى لا تباع فى اسيا مثلا (تباع نسخة اخرى فى اسيا و استراليا).

4- السعر:
لا ادرى ما الاعتراض على سعرها الحالى او حتى السابق، فمقابل 90 الف تحصل على سيارة ذات محرك حديث و 2 ايرباج (او واحدة) و فرامل ABS و فتيس ايزيترونيك ممتاز.
و بالمناسبة فالسيارة أرخص من سيارات اخرى فى نفس الفئة مثل السى ثرى (110 الف) و ال 1007 (125 الف).

و الان اترككم مع بعض الصور للسيارة من الخارج و ساقوم باضافة المزيد من الصور غدا. و بالمناسبة فمن يريد الاستفسار عن شئ معين ممكن الاتصال على الخاص لاعطيه رقم تليفونى.
http://www.flickr.com/photos/25277335@N08

(الموضوع ده كان في شهر 5-2008 وكانت العربية ب 90 ألف)

اخيرا بخصوص استيكر نايل موتورز يمكن الحصول عليه من احد مصادره من الموضوع ده

http://www.nilemotors.net/Nile/showthread.php?t=6588

[bobosico]

ايه يا جماعة مفيش حد رد عليا

هو اسئلتى صعبة اوى كده
طيب بما ان اسئلتى صعبة
اضيف سؤال كمان
هى ايه خاصية ال cvvt
و ما معناها
و هل هى موجودة فى الكولت ام لا

متشكر اوى لحضرتك
بس حضرتك مرضتش على سؤالى ده
و على فكرة انا خلاص شكلى حخلص فى الكولت
ان شاء الله
و شكرا يا باشا على اجابتك بس معلش جاوبلى على اخر سؤال
و شكرا اوى

[مصراوي جدا]

شكرا لسؤلك

الحقيقة انا كنت معتقد ان CVVT هي نفسها CVT اللي في فتيس اللانسر 1600 اللي هي زي ما قلت لك ان في فتيس الكولت بتشعر بالنقلة بعكس الفتيس في اللانسر 1600 CVT وهو صندوق سرعات دائم التغير Continous Variable Transmission وفيه لا تشعر بالنقل من سرعة لأخرى لأنه نظام مختلف يستخدم البكر والسيور في نقل الحركة من سرعة لأخرى.

انما لما بحثت عن CVVT لقيت معناها حاجه تانية وهي

Continuous variable valve timing (CVVT)

وده من ويكيبيديا

http://en.wikipedia.org/wiki/Continuous_variable_valve_timing

والخاصية دي هي نفس خاصية MIVEC وهي احدى خصائص محركات ميستوبيشي الجديدة في الباجيرو والاوتلاندر والشارك وبالطبع في الكولت لأنهما نفس المحرك وهي اختصار للآتي

MIVEC Mitsubishi Innovative Valve timing and lift Electronic Control


نظام ميتسوبيشي المبتكر للتحكم الاليكتروني في توقيت ورفع الصمامات

[OldVic]

شكرا لسؤلك

الحقيقة انا كنت معتقد ان CVVT هي نفسها CVT اللي في فتيس اللانسر 1600 اللي هي زي ما قلت لك ان في فتيس الكولت بتشعر بالنقلة بعكس الفتيس في اللانسر 1600 CVT وهو صندوق سرعات دائم التغير Continous Variable Transmission وفيه لا تشعر بالنقل من سرعة لأخرى لأنه نظام مختلف يستخدم البكر والسيور في نقل الحركة من سرعة لأخرى.

انما لما بحثت عن CVVT لقيت معناها حاجه تانية وهي

Continuous variable valve timing (CVVT)

وده من ويكيبيديا

http://en.wikipedia.org/wiki/Continuous_variable_valve_timing

والخاصية دي هي نفس خاصية MIVEC وهي احدى خصائص محركات ميستوبيشي الجديدة في الباجيرو والاوتلاندر والشارك وبالطبع في الكولت لأنهما نفس المحرك وهي اختصار للآتي

MIVEC Mitsubishi Innovative Valve timing and lift Electronic Control

نظام ميتسوبيشي المبتكر للتحكم الاليكتروني في توقيت ورفع الصمامات

إيه ده؟ أنا كمان كان فكرى ان الاثنين واحد! شكرا على المعلومة :)

و بالنسبة للأخ bobosico أهه مالكش حجة، المهندس طارق قال لك كل حاجه، خللينا نبقى اثنين فى المنتدى