شارك 2015 وكيل

[dragon1]

بسم الله الرحمن الرحيم

حد يعرف يا جماعه الميعاد الرسمي لنزول الشارك 2015 الوكيل ويا ترى هل في معلومات عن اسعار الوكيل او فئاتها لكم مني كل تحيه

[fourseasons]

على جروب الفيس بيقولوا انها نزلت بالفعل و الحجز شغال عليها

[dragon1]

والله يا صحبي الكدب بقى هيخي الواحد هيتجنن اتكلمت مع معرضين جنبي الاول قالي منزلتشي والنت كلام فاضي ولعب عيال لسه اول الشهر والتاني قالي نزلت الوكيل من شهر وده كمان كداب ياريت يا جماعه تلفون المركز الرئيسي للوكيل علشان تكون الكلمه واحده واستفسر عن الفئات والاسعار ونيجي نفيد اخواتنا هنا يا ريت يا جماعه حد يجبلي التلفون بتاع المركز الرئيسي للوكيل

[dragon1]

مشرف القسم والاعضاء الكرام يا ريت يلبوا النداء انا شايف القسم نام خالص وحاله من السلبيه طاغيه على القسم احنا معانا هنا وحوش وناس فاهمه ليه الموضوع عدد المشاهدات 100 و200 ومفيش حد بيرد

[mido102]

لان عنوان الموضوع لا يدل علي مضمونة فالنا بتخش الموضوع تلاقي جواه حاجه تانية ومش عارفة ترد فتخرج تاني

[dragon1]

ولو حتى كده مع اني مش هضيف اكتر من كلمه امته هتنزل بس حتى لو دخلت دعوه منك او كان نفسي افيدك بس مش عارف او انتظر راي المشرفين او معنديش الاسعار الجديده كل ده اكيد افضل من انك تدخل وتخرج من غير رد بس منورني على كل حال خالص تحياتي

[ahmadmabigko]

بص يا باشا على جروب الفيس فعلا قالو و الله اعلم يعني ان 2015 موجوده عند الوكيل دلوقتي 4 فئات برضو و اسعارهم كالتالي

● الفئة الأولى = 134000 ج
● الفئة الثانية = 143000 ج
● الفئة الثالثة = 156000 ج
● الفئة الرابعة = 168000 ج

و انا اتصلت اصلا عليهم من اسبوع تقريبا و قالولي نفس الكلام
و ده رقمهم اهو 16606 لو عندك اي استفسار تاني او لو عرفت تطلع منهم بمعلومه جديدة يبقى خير و بركة

[أبو مؤمن]

أنا كلمت الوكيل من شوية و موظف المبيعات وجهني لأبو حتة و ده تصرف غريب جداً، بالإضافة لأنه رفض أو تجاهل الرد على سؤال واضح و محدد "السيارة موجودة فعلاً لديكم ولا لسه ماجتش؟"
يعني نكلم الوكيل تلاقيه مش عارف إذا العرية عنده و لا لأ

[dragon1]

استاذ احمد والاستاذ ابو مؤمن تسلم ايدكم انا اتصلت فعلا بدايموند موتورز واستغربت فعلا هما مش متاكدين وموظفه هناك ادتني نمره واحد في ابو رواش اسمه الاستاذ حسين علشان اكلمه ونتاكد العربيه نزلت ولا لاء وكان متحفظ جدا في الكلام وقالي نزلت وتحجز وتستلم نصف الشهر الجاي وانا مستغرب برده من رد التوكيل اللي مش عارف وبيبعتنا على حد تاني في ابو رواش ياكدلنا يا ريت حد يفدنا هو في ايه

[mhmd_farouq]

يا جماعه تتوقعو هتنزل بكام في المعارض تسليم فوري؟

[dragon1]

في انتظار ردكم المحترام اعضاء النيل موتورز

[ٍٍSara Khattab]

انا كلمت كذا معرض قالوا لسه منزلتش اللي يقولي اسبوعين واللي يقول 3 واللي يقول شهر
و دايموند بيستعبطوا وشكلهم مش عارفين اصلا
ولا حتى اسعار ولا اي حاجه
طب انا عايزه اجيب لانسر دلوقتي اجيب 14 ولا 15 و انا لا اعرف سعرها ولا اي حاجه ومحدش بيدي معلومات مفيده اصلا