عايز اعرف فى حد من ملاك البومة الردياتير بتاعه ضرب

[amz2011]

عايز اعرف فى حد من ملاك البومة الردياتير بتاعه ضرب؟.
ياريت لو حد حصل معاه جده يقولنا عمل ايه.
انا عن نفسى ضرب تلات مرات .
مره من القميص اللى فوق و بعدها بسنه القميص اللى تحت و بعدها اشتريت ردياتير استيراد و ضرب القميص اللى فوق بعدها ب عشر شهور.
انا بكره رايح الشيخ اللى فى الخلفاوى و سالت عند المنير اللى فى شارع فيصل قالى ان سعر الردياتير البومة التايوانى 425 جنيه

[Hummerh3]

مسمار الكوعه لازم تشيك عليه وتشوف كفاءته ... تسبب عندي في ضرب الغطا الفبر بتاع الريداتير

[eng_amg]

مرة القميص الي فوق ( بيسموه العلبة العلوية ) ومرة العلبة السفلية. عادي جداااا ... دا ريداتير البومة.
انا شخصيا ضرب معايا مرتين وأكثر من صديق ضرب معاه أيضا. وهو للأسف عيب شائع في اللانسر.

وبعدين حضرتك جبت واحد استيراد بنفس المواصفات السيئة لعلب ريداتير البومة فكان طبيعي يضرب برضو.

الحل الجزري ايه؟
تروح لحد بتاع ريداتير محترم حيغير العلبتين العلوية والسفلية بعلب أكثر جودة وحيسلك الريداتير وينظفه وان شاء الله حتنسى المشكلة دي للأبد.

لو عايز واحد يحل المشكلة دي ابتلي علي الخاص. وربنا يوفقك.

[amro0000]

لو العلبة الي فوق تتعمل حديد او نحاس او اي حاجة معدن اعتقد كل شيئ هيتحل