اعرف منين تقفيل العربيه ياباني ولا لاء

[dragon1]

بسم الله الرحمن الرحيم

تحيه طيبا في البدايه كنت بكتب استفسار والاقي مشاعدات تعدي 200 وقلت يا جماعه محدش بيرد ليه لغايه مفي اخ هنا في المنتدى قالي اصل عنوان الموضوع لا يعبر عن محتواه فحبيت اكتب السؤال كامل علشان ميحصلي لبس على اخواتنا ويخشوا الموضوع بالغلط

السوال علشان مطولشي عليكم : اعرف منين تقفيل العربيه ياباني ولا لاء وياريت لو سعة الماتور بالمره واعرف منين فيها abs فرامل هل بيكون مكتوب عليها ومعلش تعبتكم معايا

[ibrahiiimooo]

اي عربية ليها رقم خاص بعا على مستوى العالم اسمه الVIN او Vehicle identification number
الرقم دهعبارة عن 17 رقم/رمز
الرقم ده حدخله على اي موقع بيقرا VIN زي VIN decoder. Check the VIN numbers of your vehicle
حيجيبلك كل مواصفات العربية و مكان تقفيلها و اذا كان فيها خصائص معينة زي الABS

[muhamed abdou]

اي عربية ليها رقم خاص بعا على مستوى العالم اسمه الvin او vehicle identification number
الرقم دهعبارة عن 17 رقم/رمز
الرقم ده حدخله على اي موقع بيقرا vin زي vin decoder. Check the vin numbers of your vehicle
حيجيبلك كل مواصفات العربية و مكان تقفيلها و اذا كان فيها خصائص معينة زي الabs

والرقم دا نلاقيه فين في العربية لوسمحت ؟؟

[dragon1]

تسلم يا غالي ايه الجمال والحلاوه دي اجابه مختصره فيها كل المطلوب مبدع والله لما قلت هنا في وحوش مكنتش غلطان تسلم يا ibrahiimooo

[dragon1]

يا محمد عبده يا منورني ده رقم الشسيه ولما تفتح كبوت العربيه هتلاقيه جوه اتمنى تكون وصلت المعلومه احنا هنا بنكمل بعض

[J A G U A R]

التقفيل اليابانى انتهى خلاص ده كان زمان
دلوقتى اليابانى بقى تقفيل تركى وغيره وممكن يبقى صينى كمان شويه
وال abs هتلاقيه عندك فى العدادات قوسين كده ومكتوب abs فى دايره

[dragon1]

يعني حضرتك تقصد شارك 2014 تقفيل تركي او غيره مش ياباني تاني حاجه بين قوسين في العداد يعني ايه

[J A G U A R]

يعني حضرتك تقصد شارك 2014 تقفيل تركي او غيره مش ياباني تاني حاجه بين قوسين في العداد يعني ايه

مقصدش انها تقفيل تركى او مش تركى
الشارك تقفيل يابانى
بس تعالى بص على التابلوه والتقفيل هتحس انها متقفله تحت بير السلم
مفيش حاجه بقت زى الاول

دى علامه ABS فى العداد

[AHMED_HAMDY]

مفروض جهاز ال abs ببقى موجود في الحوض ممكن تشوف مكانه وتبقى تبص عليه وتعرف من غير متدخل جوه فيها abs ولا لاء