مشكلة صوت تكتكه جاى من الماتور

[lordlato]

السلام عليكم يا شباب....انا عندى مشكلة فى عربيه لانسر كريستاله موديل ٢٠٠٠ اوتوماتيك
العربيه بسمع فيها صوت تكتكه جاى من الماتور و العربيه لسه بارده و بيختفى الصوت بعد شويه...رحت لميكانيكى قلى ده عيب زيت و الزيت مش كويس غيره، و بالفعل غيرت الزيت لكن الصوت لسه زى ما هو للاسف.

ياريت مساعدتكم يا رجاله الصوت ده سببه ايه ؟ و هل دى حاجه بسيطه و لا مشكله كبيره ؟ و ياريت لو تنصحونى بميكانيكى من الاخر عشان اللى بيفتوا كتير اوى انا كنت لسه مغير الزيت قريب و ادينى غيرته تانى على قلة فايده.

[lordlato]

ايه يا رجاله محدش عارف سبب المشكله ايه ؟؟ او حتى يرشحلى ميكانيكى كويس....

[خالد دياب]

بص يا غالي صوت تكته وبس في العموم محدش هيعرف لان الاسباب كتيره طيب الحل هو اداء العربيه شوف السحب والتجميع بتاع العربيه عينك على العدادات ديما لو كله تمام وما دام الصوت بيختفي يبقى ان شاء الله مفيش مشكله كبيره ولا حاجه ومتنساش العربيه بقالها كده 15 سنه ماشيه راقب بس الاداء وخير متخفش ولو في جديد متابعين معاك

[lordlato]

متشكر يا باشا على ردك...المشكلة ان سحب العربيه فعلا ضعف مش زى الاول و هى فيها ماكينة ١٦٠٠ فسحبها كان حلو قبل المشكلة دى....يا ترى كده بقى عيب ايه ؟

[tameem2010]

ديه بلوف الصبابات
ده عادي جدا مفيش مشكلة منه خالص
وده بيحصل بعد فترة خشونة في بلوف الصبابات في كل العربيات الكوري وبعض العربيات اليباني وسببه الاساسي انك اول ما بتدور العربيه بتطلع على طول تنطلق وتقرص على الموتور والعربيه باردة
عموما هو مفيش منه مشكلة خالص بس الافضل انك تدور العربيه وتسيبها 3-4 دقائق شغالة سلانسيه قبل ما تمشي بيها ولما تطلع بيها متقرصي على العربيه الا لما توصل درجة الحرارة للوضع الطبيعي
لاتقلق ابداااا