محتااااااار جدا ارجو المشاركه والنصيحه شارك 2015

[ابو عمرعمر]

السلام عليكم ورحمه الله
تحيه مني للساده اعضاء المنتدي المحترم
انا كنت ناوي علي شراء نيسان صني 2015 ولكن عرفت ان فيها بعض العيوب فقررت ان شاء الله اشتري لانسر شارك 2015 ودي هتكون اول عربيه زيرو فكنت عايز النصيحه
اولا .. ان مش عارف ايه الفرق بين التوكيل والرواس والخليجي وايهم افضل
ثانيا ... انا مقيم باسيوط فهل موضوع الضمان والتوكيل ده هيفيدني ولا لا علشان موضوع الصيانه الدوريه وبعد المكان .
ثالثا.. كنت عايز اعرف لو اشتريت العربيه من معرض في اسيوط هتكون بضمان دايموند ولا لازم اشتري من الفروع والموزعين المعتمدين
رابعا ... ياريت اعرف الفرق بين الفئه الثانيه والثالثه وهل الفرق يستحق المبلغ بين الفئتين ..
وشكرا لحضراتكم ...

[nab!l]

متابع

[ahmzd]

بس أنا معلوماتي إن كل الشارك اللي في السوق حاليا : 2014، والله أعلم.

[ah-elgendy]

طالما هتجيب زيرو لازم تتعامل مع توكيل علشان الضمان شوف عندك فى اسيوط توكيل ايه اللى موجود مهما كان يعنى لو لقيت كيا هات سيراتو كده

[ابو عمرعمر]

ازاي كل الموجود 2014 ...... انا عارف انه موجود 2015
انا مش عارف ليه مفيش حد عايز يفيدني

[ابو عمرعمر]

هو انا علشان عضو جديد مفيش حد مهتم بمشاركتي ولا ايه بس

[semsem5144]

ياباشا الرد على المعلومات مالوش دخل بالعضويه ممكن الشباب مشغولين مش اكتر , منور نايل موتورز ومبروك مقدما على العربيه
انا هقول لحضرتك المعلومات اللي اعرفها
الشارك تصنيع وتجميع ياباني 100% وكل العربيات وكيل ( دايموند موتورز ) او الرواس او الخليجي فكلهم مواصفات سعودي واتاكد من القايم اللي على الباب
فيه 2015 طبعا ودي الاختلاف فيها شكل الجنط واشاره في المرايات
اي معرض يقدر يجيبلك العربيه اللي تعجبك وكيل او خليجي ومفيش فرق لو اشتريتها من التوكيل او موزع معتمد او معرض عادي
الضمان بيفرق انك تكون متطمن لو حصل حاجه للعربية هتعرف تصلحها , بس ماسمعتش عن اي عيوب صناعه في الشارك والله اعلم , وانا واحد من الناس لا عملت صيانه عندهم وركبت كماليات تطلعني من الضمان والحمد لله العربية تمام
الفرق بين الفئة التانيه وال3 كماليات زي كشفات الضباب وال usb والكنبه الخلفيه قابله للطي وشبكه امامية نيكل وانت الوحيد اللي يقرر محتاج الكماليات دي ولا لأ
ربنا يوفقك ويبارك لك فيما تملك

[ابو عمرعمر]

شكرا لحضرتك ... يكفي ذوقك واخلاقك
سؤال اخر معلش ..
مدي ثبات العربيه علي السرعات العاليه ؟؟؟
لحد سرعه كام والعربيه ماسكه نفسها وتقيله

[dactara]

انا جربت لغاية 160 و العربيه ثابتة و ممتازة

[أحمد عبد الشاف]

الوكييييييييل

الفرق في الوكيل بين الفئة الثانية والثالثة:
1- ضبط ارتفاع كرسي السائق.
2- مقاعد خلفية قابلة للطي 40/60 + مساند رأس.
3- مسند يد مزود مزود بحامل أكواب.
4- حواجز أتربة أمامية وخلفية.
5- مصابيح ضباب أمامية.
6- التحكم في الحرارة مع اطار من الكروم.
7- منفذ usb.
هذا بالاضافة إن الوكيل نازلة bas - ebd - abs
بالتوفيق

[semsem5144]

شكرا لحضرتك ... يكفي ذوقك واخلاقك
سؤال اخر معلش ..
مدي ثبات العربيه علي السرعات العاليه ؟؟؟
لحد سرعه كام والعربيه ماسكه نفسها وتقيله

العفو
بالنسبه للثبات فالعربية مميزه اوي في النقطه دي لان العفشه مالتي لينك
لغاية ال 180 ثابته جدا وعن تجربة على طريق السخنه واسكندرية الصحراوي

[mohammedkenawy]

كل سنة وحضراتكم طيبين.انا اشتريت لانسر شارك 2015 وكيل الفئة التانية...وكنت عايز اركبلها شوية كماليات..لما سالت ف التوكيل قالولي لو ركبت برة هتخرج من الضمان..طيب سؤالي هل ينفع اشتري من برة واركب عندهم ولا لأ..انا عايز اركب شاشات dvd مخادع وسنسور وفوج لايت ...ياريت اللي عنده فكرة يقولي اعمل ايه؟؟؟؟؟؟؟؟؟

[iNjECTOR]

قبل ما تشترى اى حاجة لازم تتفق مع المهندس على كده وهو كمان ممكن ينصحك تجيب انواع او مركات إيه علشان متعملش Error على كومبيوتر العربية او تبوظ اداء حساس معين
وبعد إذنك اهم حاجة انك عايز تركبها هى الفوجات لاهميتها اما الباقى فرافهية ممكن فى رايي تكون زيادة

[sherifsherif83]

ما هى كماليات الفئة الثانية وكيل من فضلك