محتار في تمن عربيتين

[marines]

1- ادامي لانسر بوما 2007 1300 اتوماتيك فول اوبشن خليجي ماشية 4000 ك.م وصاحبها عايز يبيع على 88 وممكن 85 الف هل السعر ده هوا توبها ..هل هوا عالي وممكن نفاصل ولا هوا ده سعرها.؟

2-ادامي لانسر بوما 2007 1600 اتوماتيك فول اوبشن خليجي ماشية 26000 ك.م وصاحبها عايز يبيع على 91 والعربية من جوا فيها النايلون بتا الارضية ونظيفة جدا هل السعر ده هوا توبها ..هل هوا عالي وممكن نفاصل ولا هوا ده سعرها.؟

ياريت تدونر رد شافي يا جماعة بالنسبة لسعر العريتين دول وهل الانسر اليوزد يعني ممكن تركب واكمل بيها لو في حلات زي دي؟

[limo]

طبعا الانسر المستعمل ممكن تتركب وتكمل بيها
بس بشرط ان العربيه نظيفه نظيفه بمعنى مش عامله حوادث , صيانه بتعمل فى ميعادها ,استخدام راقى يعنى المالك الاول كان جايبها للاستعمال الشخصى مكنش بيأجرها او بيحرق عليها او بيخمس بيها
النسبه للعربتين
انا الحقيقه مش عارف اسعار الانسر المستعمل اليومين دول لان العربيه زادت 4000 جنيه بعد زياده 3000 يعنى الموديل الجديد زاد 7000 جنيه مش عارف ده ممكن يأثر على سعرها فى سوق الستعمل ولا لأ

بالنسبه للعربيتن خذ ال1600 اوتو لو نظيفه لو تعبانه خد ال 1300 اوتوماتيك او اعسر على نفسك لمونه وهاتها زيرو

[mahmoudzaied]

بص يا باشا
المستعمل اللى بيحكمو نظافة العربية
يعنى لو انت شايف انها نظيفة وكل حاجة لازم تكشف عليها فى التوكيل وتعرف هيا عاملة حادثة ولا لأ (دا طبعا بعد ما تستقر على العربية)
والحوار ده بيتكلف 160 جنيه تقريبا
المهم بالنسبة للعربيتين الىل انت قايلهم
ال 1300 اوتو ب 88 الف هيا تعتبر ارخص من الزيرو 2009 بحوالى 1000
وكمان 4000 كيلو يعنى العربية لسة جديدة زى الفل ملحق يحصلها حاجة
بس انا رأئى ابعد عنى ال 1300 الاوتو لان فيه ناس اشتكو من سحبها جدا

ال 1600 الفول اوبشن ب 91 الف سعرها حلو جدا جدا بالنسبة لفتحة سقف وجنط سبور وسى دى العربية كدا جامدة موت وكمان 26 الف كيلو برضو مش كتير

انا رأيى خد ال 1600 فول اوبشن واكشف عنها فى التوكيل وحاول تخلصها على 90 وبالالف الباقية ظبط اللى فيها
وطبعا صلى صلاة استخارة وربنا يوفقك فى الشراء