الكريستاله أتخبطت يارجاله !!!

[HeMa_LanCeR]

طبعا أول شيء الحمد لله انها جت علي قد كده
بس كان عندي سؤال
عايز اعرف سعر الكبوت كام لو حد يعرف
وكمان سعر الفانوس الأمامي (يمين وشمال)
وانا ناوي لو غيرت الكبوت اجيب بتاع الكريستاله لأن انا عندي الكبوت اللي هو نازل مع الشبكه الرفيعه
وياريت حد يفيدي بالأسعار
وشكرا لكم جزيلا

[ConDoR]

الحمدلله على كل شئ وقدر الله وماشاء فعل

ممكن تكون مشاركاتي في المنتدى قليله اوي اوي بس انا احب اكون اول واحد يرد على ابراهيم لانه اول انسان كان دايما بينصحني لما جبت الكريستاله وهو فعلا حببني اوي اوي في العربيه دي وكان دايما معايا اول باول في كل مشكله ومهما شكرته مش حقدر اوفيه حقه على جدعنته اللي بجد وفرت عليا كتير من حوارات الصنايعيه

انا كنت سالت على سعر كبوت من فتره كان عامل 400 جنيه

[HeMa_LanCeR]

طبعا شكرا جزيلا علي ردك الرائع ده
وانا احتمال الحمد لله ان المشكله تتحل بسهوله
علشان انا انهارده فكيت الفوانيس والأكصدام وحاولت مع الكبوت لقيت فيه منه أمل كبير
وبأذن الله هروح بكره للسمكري يظبط بقيت الحاجات وربنا يسترها
والحمد لله انها جايه في الصاج

[ConDoR]

الحمدلله وفداك الف كبوت يا باشا

يا ريت تطمنا انت عملت ايه اول باول بقا علشان انت كدا قلقتنا عليك

[saifsaadmohamed]

لا حول و لا قوة الا بالله
يا باشا الحمد لله انها بتيجى فى الحديد طمنا عليك اهم حاجة
كشاف أمامى تيوانى 125 ج

[waled369]

يا مان حمد الله بالسلامة المهم سلامتك و اللي يجي في الحديد يتعوض .